2 Wakolinto 10:8 - I CILAGANE CIPYA 1991

⁸ Hamba niwe nghwijela nha naciziliza muno u wilumbi wangu so wulajilize wono u Mulungu yacipela, u wulajilize wo kumusikamyenyi nyenye, hamba si so kumugwisenyi yaye.

Luganuzi Luswanu Kuli Wanhu Wose 2002

⁸ Hamba niwe nghwijela nha naciziliza muno u wilumbi wangu so wulajilize wono u Mulungu yacipela, u wulajilize wo kumusikamyenyi nyenye, hamba si so kumugwisenyi yaye.

2 Wakolinto 10:8 ပူးပေါင်းရင်းမြစ်များ

2 Wakolinto 1:24

Ase si cikusaka cimutemenyi mu wihuwilo wenyu, anye mono mwakondya kuwa mukamile mu wihuwilo wenyu. Langa yicinojeye, ciwitume u mulimo hamonga nanye, ku soko ye nyemo yenyu.

2 Wakolinto 10:4

Hambi i vitwalo vyono cikwitumamila mu wihomi wetu, nha si vitwalo vye ciyinze yinze, langa vyo vilungo vyo Mulungu vyono vigwisaga magomawakali gose. Nase cikusuma kuwugwiza u wusugusugu wose wo wulambi,

2 Wakolinto 10:9

Si nyendile mwihwese nha vyono nghusaka kumogofyenyi so baluwa zangu.

2 Wakolinto 12:19

Lunji mukwihwesa vyono sunga nalu cikali cikwitetela haliʼnye! Ninga cikuzilonjela i zinghani zizi hali Mulungu akuno cilunzize na Kilisito. Ninga soko ye zinghani zizo zose, nye nyo wedece wangu, ho musume kuzengwa.

2 Wakolinto 12:6

Na hono nali nyende kwilumba, si nali niwe nili mulele hamba hadodo, hambi nha nali niwe nghulonga ze mbeka du. Ninga alu si nosuma kwilumba, hambi nha sinyendile munhu yunji yanyihweseze kuziza nha vyono yakumbona no kuhulika kulawa kuliʼne.

2 Wakolinto 13:10

Ale holeka nghuyandika baluwa yiyi lono nili kunji, nilawa neza kufika kuko ho ndece kuwa nili mukali kuliʼnye no kuwitumamila u wulajilize wono napegwa no Muwaha, u wulajilize wo kumusikamyenyi hamba si wo kumugwisenyi yaye.

2 Wakolinto 13:8

Hambi nha si cosuma kwituma cinji kusutana ne mbeka, vyono u wusume wono cina nawo nha cina wusume wo kuyijendeleza mbeka.

2 Wakolinto 7:14

Holeka nane nimukumizyenyi muno hali mwene, akuno manyiye lukulu, vyono si nghwikonga mu nghani yiyo. Hambi nha cikuwa kumulonjelenyi nghani za mbeka nhondo zose, holeka na lono cikumukumizyenyi hamwande ya Tito, si nghani za wulambi yaye, langa za mbeka.

2 Wakolinto 7:4

Nina witumbilo wuwaha muno muno, lono nghulongana nanye, kanyhi nghwilumbila muli nyenye! Hamonga no wugaye wetu wose, alu nakondya kutuga wutuzwe no wusangalale wuwaha muno.

Wagalatiya 1:1

Ane Pawulo u mutumwa, hamonga na we zindugu wose, wono wali hamonga nane, cikwandika kuli makanisa gono gali ku Galatiya. Ane nacemwa kuwa mutumwa, ninga si so Wulajilize we wanhu, hamba si mu vilungo vye munhu,

2 Timoteyo 1:12

na ku soko yiyo, holeka nghutamiswa nha vivi. Holeka nghali nina witumbilo wuwaha, hambi nha nimumanyile mono namwihuwila, kanyhi manyiye lukulu vyono mwene kocikamisa cicilya cono yanghoza, sunga Mwizuwa lilya.