2 Wakolinto 10:5 - I CILAGANE CIPYA 1991

⁵ no kuvikumulanga vimizi vyose vyo wiwoni vyono vikwimila u wumanyo Mulungu, cikugakwega i mahweso gose no kuganoza gamuhulice Kilisito.

Luganuzi Luswanu Kuli Wanhu Wose 2002

⁵ no kuvikumulanga vimizi vyose vyo wiwoni, vyono vikwimila u wumanyo Mulungu, cikugakwega i mahweso gose, no kuganoza gamuhulice Kilisito.

2 Wakolinto 10:5 ပူးပေါင်းရင်းမြစ်များ

Matayo 15:19

Ku soko mu nhumbula yo munhu nha momulawaga i mahweso mabi gono galetaga no wu wulaji, kanyhi, mulawaga u wusenyha, wuhizi, wuhomelezi wo wulambi, ne maligo.

Luka 1:51

Kawugolola u muwoko wakwe we vilungo Kaweyagaza wasisi mu mahweso ge zinhumbula zawo.

Walumi 1:21

Kusoko hamba wawe wakondya kumanya vyono u Mulungu yali baho, ninga si wakumupela ililumbo lyono limunojeye, hamba si wamulumbaga. Langa wene waco, wehwesaga zo wulele du, ne mahala gawo vyono gasina cinji, gamemile wutitu.

Walumi 1:5

Muli yuyo, ane mo natujila ilihewa lyo kuwa mwitumami. Na kusoko yakwe, ho niwalongoze iwanhu we makungugo gose, ho wasume kwihuwila, no kuwa na cihuliko.

Walumi 16:26

Ninga aluno, imbeka yiyo yakondya kugubulwa mu nzila ye Mandiko ge wawizi, na so lilajilizo lyo Mulungu we cibitilila, yakondya kulajilwa kuli makungugo gose, ho wose wasume kwihuwila no kuwa na cihuliko.

Walumi 7:23

Ninga nghuwona, vyono ko wuli wulajilize wunji mu vilunzwa vyangu, wono vikulewana no wulajilize wa mu mahala gangu, wuwo wukunoza niwe muwanda wo wulajilize wo wubi, wono wukwituma mulimo mu vilunzwa vyangu.

1 Wakolinto 1:19

Hambi i Mandiko Gono Gelile nha gakulonga gakutya, “Nogahodanga i mahala ga we mahala, Kanyhi nowuwembula no wizuce wa wono wasomile.”

1 Wakolinto 3:19

Hambi i mahala ge ciyinze yinze, nha wulele du hamwande yo Mulungu. Nha vyono i Mandiko Gono Gelile gakulonga gakutya, “U Muwaha kawabataga we mahala, mu wusugu wawo.”

2 Wakolinto 11:20

Mukusuma kumukangalilila sunga no munhu mono yakumunozenyi muwe wawanda, u munhu mono ya kumusolelenyi vinhu vyenyu, mono yakumwiwonelenyi, mono yakumubedegalenyi no kumutowenyi ku wusu!

2 Wakolinto 9:13

Na ku soko ye citanjilo cono cikwijela so mulimo wetu wuwu, i wanhu womukumyo Mulungu ku soko yo Luganuzi Luswanu lwa Kilisito lono mukuluvumila, kanyhi na kusoko yo wuswanu wono mukuwatendela wene hamonga ne wanhu wose.

Wafilipi 4:7

No mulamu wo Mulungu wono wucizize u wumanye wose we wanhu, womukamisenyi zinhumbula ne mahala genyu mu wilunza na Kilisito Yesu.

2 Watesalonike 2:4

U Mwene kovibeza vyose vyono i wanhu wakuviwona nha Mulungu, hamba cono wakucihemba. Heya, yadahile kwinjlia no kwikala sunga mu Nyumba yo Mulungu no kwiyitya mweneco yo Mulungu.

2 Watesalonike 2:8

Ale baho ho yuyo nayo u Mubi ho kolokwijelela; ninga u Muwaha Yesu kolo yakuza, kolomuwulaga ko muhe wo mulomo wakwe, no kumwajiliziza lukulu ko wungʼalale wo wuze wakwe.

Wahebelaniya 4:12

Hambi nghani yo Mulungu nha nyumi kanyhi nyitumi, kanyhi nghali yicizize u mumaje mukali kose kose, kanyhi yicinyaga sunga ku wutemanula i nhumbula no Muhe, sunga hono vihanjiye i vilunzwa vyo muwili no musopo. Ne nghani yiyo yisalangulaga u wuhile ne mahweso ga mu zinhumbula ze wanhu.

Wahebelaniya 5:9

Nayo yaza kukwilanicizwa, yakawa wo mwamulizo wo wukombozi we cibitilila kuli wose wono wakumuhulika,

1 Petelo 1:2

Nayo Mulungu u Sogo yo munhu yakamuhagulenyi nyenye ko wuhile wakwe, no kwezwa no Muhe Mono Yelile, ho mumuhulice Yesu Kilisito no kukwemwa ne sakami yakwe. Lihewa no mulamu vyonjelecele kuliʼnye.

1 Petelo 1:22

Alu vyono mu wuhulika mbeka, anye mwakondya kweza i zinhumbula zenyu, no kuwenda iwayenyu musina wukoci, ale, mwiyendaje yendi yendi kwe nhumbula yose.