2 Wakolinto 10:18 - I CILAGANE CIPYA 1991

¹⁸ Nayo mono yakuvumilwa, si yulya mono yakwiyikumya mweneco ngʼo, langa yo yulya muno Muwaha yakumukumya.

Luganuzi Luswanu Kuli Wanhu Wose 2002

¹⁸ Nayo mono yakuvumilwa, si yulya mono yakwiyikumya mweneco ng'o, langa yo yulya muno Muwaha yakumukumya.

2 Wakolinto 10:18 ပူးပေါင်းရင်းမြစ်များ

Luka 16:15

Nayo yakawatya, “Anye mwinozaga muli waswanu ha meso ge wanhu, ninga Mulungu yo yamanyile zinhumbula zenyu, hambi cono cijelaga cina lukumyo hali wanhu, Mulungu yakuciwona nha takataka du.”

Yohana 12:43

Hambi wene nha wali wendile kukumywa ne wanhu si nho kukumywa no Mulungu. I nghani ya Yesu yikulingʼaniza

Metumo ge Watumwa 2:22

“Nye mo wa Isilayeli, muhulicize zinghani zizi! Yesu wa Nazaleti, munhu mono yahomelelwa no Mulungu kwenyu, mu metumo mawaha ne mezino, ne vitanjilo, vyono Mulungu yavinozeza muli mwene hali nyenye, vyono mumanyile mo weneco,

Walumi 14:18

Na mono yakumwitumamila Kilisito nha vivyo, yakuwa kumwendeza u Mulungu, no kulumbwa ne wanhu.

Walumi 16:10

Munamusizaje Apele, mono u wihuwilo wakwe muli Kilisito wakondya kusikanywa. Nghuwalamusa wose wono wali mu nyumba mwa Alisitabulo.

Walumi 2:29

U Muyahudi wa mbeka, yo yulya u Muyahudi wa mugati, yuyulya mono yalame mu nhumbula. Ne nghani yiyi, yo nghani ya Muhe, hamba si nghani ya mandiko go Wulajilize. No munhu we liwala lilyo, yakutuga lilumbo, si muli wanhu, langa muli Mulungu.

1 Wakolinto 11:19

hambi nha vyo yinojeye mahweso gono gesimajiye gawe gali muli nyenye ho wasume kwijela wono wakamile.

1 Wakolinto 4:5

Holeka mulece kulingʼaniza lono vilo vikali si nafika, muzilekaje ziwe nha vivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, kuwulawa kuli Mulungu.

2 Wakolinto 10:12

Hamba nha vivyo, si cali cisume kwijelela kwiwika hamba kwiyihwananiza na awalya wanhu wono wakwiyikumya weneco. I wanhu wono wakwiyinoza weneco kuwa nha cipimo co kwiyipimila weneco, kanyhi wakwiyilingʼaniza weneco wose, wawo wasina wizuce.

2 Wakolinto 13:7

Cikumulomba u Mulungu, ho mulece kwituma wubi wo wose, ninga si vyono ho cijele nha wanhu wono wakondya kusuma, langa ho musume kwituma ziswanu, hamba ase ciwe kwijela kotya nha cilemigwe.

2 Wakolinto 3:1

Alo yiyi yikulajila nha vyono cikwamula kanyhi kwiyilumba co weneco? Hamba cikusaka baluwa zo wulumbwe wetu zizo kwenyu hamba zilawe kwenyu, nhe wanji?

2 Wakolinto 5:12

Si vyono cikusaka kwiyendeza kuliʼnye, ngʼo, langa cikusaka cimulajilenyi zisoko zetu, zono zikuleka cikwilumbila muli nyenye, ho mutuje soko yo kuwapitula awalya wono wakwiyilumbila vyono wenha u wuwe wawo wa kunze, si nha vyono wenha mu nhumbula.

2 Wakolinto 6:4

Langa cikuhila kwitajila nha vyono ase mbeka cili wetumami wo Mulungu muli zose, ko wukangalizi wuwaha mwipango lyo wutamiswe, mu magayo na mu wuciwa.

2 Timoteyo 2:15

Wupiligale muno kwiwika mu mikalile ye lilumbo hali Mulungu nha mwitumami mono si yakuwuwonela cevu u mulimo wakwe, kanyhi mono yakwijiziza mu wulunji inghani ye mbeka.

1 Petelo 1:7

Ne nhunizo yayo, anye ho musume kukangazwa mu wihuwilo wenyu. Hambe zizahabu zenezo, zono zihodanjikaga, zijelagwa no moto, nhavivyo sunga no wihuwilo wenyu, wono yo sawo kuciza zizahabu, siwoleka kujelwa ho wuwe wuli vilungo. Hanyuma ho mubocele lilumbo no lukumyo no wutogoze, lizuwa lilyo kolo Yesu Kilisito yakugubulwa.