2 Wakolinto 1:14 - I CILAGANE CIPYA 1991

¹⁴ Ninga hamba yiwe aluno mukucizuka hadodo du, nitumbiye vyono hanyuma mocizucila lukulu, Mwizuwa alilya lyo Muwaha wetu Yesu, ho muze musume kwilumbila muli sese, nha vyono nase colokwilumbila muli nyenye.

Luganuzi Luswanu Kuli Wanhu Wose 2002

¹⁴ Ninga hamba yiwe aluno mukucizuka hadodo du, nitumbiye vyono hanyuma mocizucila lukulu, Mwizuwa alilya lyo Muwaha wetu Yesu, ho muze musume kwilumbila muli sese, nha vyono nase colokwilumbila muli nyenye.

2 Wakolinto 1:14 ပူးပေါင်းရင်းမြစ်များ

Walumi 11:25

Wandugu zangu, nghuhila muyimanye imbeka yiyi yono hundikwe, ho mulece kwiwona nha muli we mahala. I cibede ce Wayahudi, cali ca cipango cidodo du, sunga kolo iwanhu we makungugo ganji wamuziza u Mulungu.

1 Wakolinto 1:8

U mwene Yesu, komusikamyenyi nyenye wose sunga ko ku ndumo, ho muze mwijele musina yilema lyo lyose, kwizuwa alilya lyo Muwaha wetu Yesu Kilisito.

1 Wakolinto 11:18

Mwamulizo wa zose ane nghuhulika vyono lono mwehanguliza hamonga, gakwijela matemanuko muli nyenye. Nane kunji nghwihuwila hadodo,

1 Wakolinto 15:31

Nye wandugu zangu ane no muyenyu cidomile ne lifwa nhondo zose! U lukumyo lono nina nalo ku soko yo wilunza wenyu na Kilisito Yesu u Muwaha wetu, yiyo yo yikuleka nghuyanza nghani yiyi.

2 Wakolinto 2:5

Ninga hono hawe hoyuli yunji mono yamukalaze muyagwe yunji, ale si vyono kanghalaza nene, langa kamukalazenyi anye wose. (Nane nghulonga zizi ho ndece kwijela nha nili mukali muno muno muli mwene.)

2 Wakolinto 5:12

Si vyono cikusaka kwiyendeza kuliʼnye, ngʼo, langa cikusaka cimulajilenyi zisoko zetu, zono zikuleka cikwilumbila muli nyenye, ho mutuje soko yo kuwapitula awalya wono wakwiyilumbila vyono wenha u wuwe wawo wa kunze, si nha vyono wenha mu nhumbula.

2 Wakolinto 9:2

Manyile vyono mwina nhumbula yo wutazi, nane nghalumba ku soko yenyu so nghani yiyo kuli wanhu we Makedoniya. Nawalonjela nghatya, “Wandugu zetu wono wali ku Akaya, wali wewikanize kunoza wutazi ku wulawa mwekazo. Holeka u wihinde wenyu wakondya kuwaswaswaniza wanhu wenji muno.

Wafilipi 1:10

ho musume kuhagula zinghani ziswanu. Baho ho mowa mwina nhumbula nzelu, kanyhi musina ilema sunga ko Kwizuwa lya Kilisito.

Wafilipi 1:26

Ale nilaza kuwa hamonga nanye kanyhi, ho mowa mwina soko yo kwilumbila muli nene mu wilunza na Kilisito Yesu.

Wafilipi 1:6

Holeka nitumbiye vyono, u Mulungu mono yawanza u mulimo wuwu muswanu muli nyenye, kowujendeleza sunga ko ku wukondelecele mwizuwa tilya lya Kilisito Yesu.

Wafilipi 2:16

hono muyibate mukamile i nghani yo wumi. Nane baho ho notujila i nghani yo kwilumbila mwizuwa lilya lya Kilisito, hambi nha ho yolokwijelela vyono u wuhidimbazi wangu hamonga no mulimo wangu si vyajilila bwete.

Wafilipi 4:1

Holeka wandugu zangu wendece, nina nyhilu muno yo kumuwonenyi, hambi anye nha yo nyenye nyemo yangu, no mukumbo wo lukumyo lo wusume wangu. Holeka nyo wendece wangu, vyo yinojeye kuli anye, mweze mukamile muli Muwaha.

1 Watesalonike 3:13

Holeka nayo komukamyenyi zinhumbula zenyu, nanye mowa mukwilaniciye mu wele hali Mulungu no Sogo yetu, mwipango lono kolokuziza u Muwaha wetu Yesu hamonga ne wakwe wose.

1 Watesalonike 5:23

No Mulungu mono kacipelaga mulamu, yamunozenyi muwe mwelile muli zose, yamukamisenyi nyenye, u muhe, no wumi ne miwili yenyu, ho mulece kuwa na yilema lyo lyose ha wuze wo Muwaha wetu Yesu Kilisito.