2 Wakolinto 1:12 - I CILAGANE CIPYA 1991

¹² Ase cikwilumbila cinhu cimonga du, vyono viselinji vyetu vikucihomelela vyono muwikale wetu wa mono yinze yiyino na komuno muliʼnye, cekala ko winenenyhezi wose hamonga no wele wa mu nhumbula wono wukulawa kuli Mulungu, hamba si catongwa ne lihala lye cimunhumunhu, langa catongwa ne lihewa lyo Mulungu.

Luganuzi Luswanu Kuli Wanhu Wose 2002

¹² Ase cikwilumbila cinhu cimonga du, vyono viselinji vyetu vikucihomelela vyono, mu wikale wetu wa mono yinze yiyino na ko muno muli'nye, cekala ko winenenyhezi wose hamonga no wele wa mu nhumbula, wono wukulawa kuli Mulungu, hamba si catongwa ne lihala lye cimunhu-munhu, langa catongwa ne lihewa lyo Mulungu.

2 Wakolinto 1:12 ပူးပေါင်းရင်းမြစ်များ

Metumo ge Watumwa 23:1

Nayo Pawulo, yakawalanga muno wanhu wono wali baho he balaza, hanyuma yakawa kutya, “Nye wandugu zangu, ane nikalaga na nhumbula nzelu hali Mulungu sunga ne nzuwayi.”

Metumo ge Watumwa 24:16

Ku soko yiyo, nene no mweneco, nghwihidimbaza, ho niwe na nhumbula swanu kuli Mulungu, na kuli wanhu, nhondo zose.”

Walumi 9:1

Nghulonga mbeka, nakondya kwilunza na Kilisito, nane si nghulonga wulambi. Iciselinji lono cikutongwa no Muhe Mono Yelile, cikunghangaziza inghani yiyi nha vivyo.

1 Wakolinto 1:17

Ane Kilisito si yanhuma ho niwe kubaputiza wanhu, langa yanhuma ho niluganule u Luganuzi Luswanu, kanyhi na vyono mu wuganule wangu, ndece kwitumbila i mahala no wulonji we wanhu wanji, i vilungo vyo wufwe wa Kilisito wa mu musalaba, ho vilece kuwa nha nghani ya bwete du.

1 Wakolinto 12:8

U Muhe kamupelaga yunji i nghani ye mahala, na yunji i nghani yo wusome, nha vyono yendile u Muhe yuyo du.

1 Wakolinto 15:10

Ninga ku so lihewa lyakwe Mulungu, naweza nha vyono ninha lulu, ne lihewa lyakwe si lyali lya bwete. Nane netuma u mulimo si nha wose, kanyhi hamba si nene yaye langa, lihewa lyo Mulungu lyono likwitumana hamonga na nene.

1 Wakolinto 2:13

Holeka ase cikwijiza, ninga si kwe zinghani zono cejizizwa mu mahala ge cimunhumunhu, langa kwe zinghani zono cejizwa no Muhe, cikuzilolosa i zinghani zo Muhe kuli wono wena u Muhe yuyo.

1 Wakolinto 4:4

I ciselinji cangu, si cikundajila isutya lyolyose lyono lili muli nene, ninga hamba nha vivyo, si notya ane sina wusutye ku soko yiyo, aa, ngʼo. Ninga u Muwaha yo yakuningʼaniza.

1 Wakolinto 5:8

Holeka cinoze sikukuu mbaha, ninga yilece kuwa mu cisase acilya ce katali, i cisase co wubi no wavu, langa ku ndigwa yono si yisasize, i ndigwa yo wuswanu ne mbeka.

2 Wakolinto 1:17

Wulenyi! mukwihwesa lono nahimaga zizo, nahimaga nha munhu mono yasina wusimyo? Mukwihwesa ane nghunozeza u wulamuzi wangu mu mahweso ge cimunhumunhu nha cinji nghutya “Heya” ne “Ngʼo” ho baho hose?

2 Wakolinto 11:3

Ninga nghogopa yilece kuwa nhe lizoka lyono ko wusugu walyo wo wulambi, likamukoca Hawa, i mahweso genyu gadahile kwajilizwa no kuwuleka u wihuwilwa wenyu we mbeka kuli Kilisito.

2 Wakolinto 2:17

Ase si cinha wanji wono wayinozezaga nghani yo Mulungu wusuluza. Ninga ase cikuyiganula inghani yo Mulungu kwe nhumbula nzelu hali Mulungu, mono cakondya kwilunza na Kilisito, kanyhi nhe wanhu wono watumigwe no Mulungu.

2 Wakolinto 4:2

Nase cakondya kuzilecela lukulu i zinghani zose ze cevu, na ze cinyele. Hamba si cili mu mikalile kanyhi yo wukonji, hamba kuyipitulasa nghani yo Mulungu, langa cikuyilajila i mbeka mu witume mbeka, na mu nzila yiyo mo cikwiwicilila mu wulamuzi we viselinji vye wanhu, hali Mulungu.

2 Wakolinto 8:8

Si nghumupelenyi ilajilizo, langa nghuhila kulajila du nha vyono wanji wena wuhidimbazi wo wutazi, ho sume kuwumanya u wendo wenyu vyono wa mbeka.

Wagalatiya 6:4

Ninga yinojeye munhu wo wose yeyipime viswanu i mikalile yakwe mweneco. Hono yiwe miswanu, ale ho kowa na co kwilumbila muli cono yetumile mweneco, hamba kowa yasina soko yo kwilingʼaniza na munhu yunji.

Waefeso 6:14

Ale mwimaje mukamile! Ne mbeka yeze nha musipi mu viwino vyenyu, no wilingʼano weze nha civwalo co kumwimilenyi mu zimhambaga zenyu.

Wafilipi 1:10

ho musume kuhagula zinghani ziswanu. Baho ho mowa mwina nhumbula nzelu, kanyhi musina ilema sunga ko Kwizuwa lya Kilisito.

1 Watesalonike 2:10

Nanye nyo weneco muli wahomelezi, no Mulungu nayo muhomelezi nha vivyo, vyono i mikalile yetu hali nyenye mono mwihuwiye, vyono yali miswanu kanyhi ye lingʼani yono yisina yilema.

1 Timoteyo 1:5

Ale u wulunji we lilajilizo lili nha wukukongʼonheza uwendo wono wukulawa mu nhumbula nzelu no mutima muswanu, na mu wihuwilo we mbeka.

Tito 2:7

Yikunojeye gwegwe go mweneco weze wina musambo we metumo maswanu. Weze wuli mutuvu, ne mafundo gako geze gena wuzito.

Wahebelaniya 13:18

Mucilombelaje na sese. Cimanyiye lukulu vyono cina ciselinji ciswanu, hambi nha cendile kwituma yono yili lingʼani nhondo zose.

Yakobo 4:6

Ninga, lihewa lyono cikupegwa no Mulungu lili vilungo muno muno, nha vyono gatezaga i Mandiko, “Mulungu kawemilaga iwedunhumuzi, langa kawapelaga lihewa iwenenenyhezi.”

1 Petelo 3:16

ninga nozenyi nha vivyo ko wupolo ne cogopo. Mweze ne ciselinji ciswanu, hono mukuligwa ho wakozwe soni wa walya wono wakuyilonga vibi i mikalile yenyu miswanu ye Cikilisito.

1 Petelo 3:21

I lilenga lyono lyali yo hwani yo wubaputizo wono wukumuponyenyi nyenyeʼlu. Wubaputizo si nghani yo wuwusa makwe mu muwili, langa co cilagane kuli Mulungu cono cinozezagwa mu ciselinji ciswanu. Cikumuponyenyi mu nzila yo wuzuce wa Yesu Kilisito,