2 Wakolinto 1:11 - I CILAGANE CIPYA 1991

¹¹ nha vyono mukucitaza so wulombe wenyu. Holeka u wulombe wenyu wono mukucilombela muno, wopitulwa, no Mulungu kocilugutiza, na wanhu wenji wokwinula i mazi gawo wawe kumulumbo Mulungu kusoko yetu.

Luganuzi Luswanu Kuli Wanhu Wose 2002

¹¹ nha vyono mukucitaza so wulombe wenyu. Holeka u wulombe wenyu wono mukucilombela muno, wopitulwa, no Mulungu kocilugutiza, na wanhu wenji wokwinula i mazi gawo, wawe kumulumbo Mulungu ku soko yetu.

2 Wakolinto 1:11 ပူးပေါင်းရင်းမြစ်များ

Metumo ge Watumwa 12:5

Na lono Petelo yali yali mu jela, ilikanisa si lyadilaga kumulombela hali Mulungu.

2 Wakolinto 4:15

Na zizi zose zili kusoko ye cambuzi cenyu nyenye, ho yiwe nha kotya lihewa lyo Mulungu, likuwaficila wanhu wenji muno muno, nawo ho wasume kulavya lilumbo muno muno ko lukumyo lo Mulungu.

2 Wakolinto 9:14

Holeka wojendelela kumulombelenyi ko mutima wose, ku soko ye lihewa lyono u Mulungu yamupelenyi.

Wafilipi 1:19

Hambi nha manyile vyono, so wulombe wenyu na ku so wutazi wo Muhe wa Yesu Kilisito ane nokombozwa.

Wakolosayi 4:3

Mucilombelaje na sese nha vivyo, u Mulungu ho yacipele i cilejeho co kuyiganulila i nghani yakwe Kilisito yono hundikwe. Alu ane nili mu jela ku soko ya yiyo.

1 Watesalonike 5:25

Nye wandugu zangu, mucilombelaje na sese nha vivyo.

2 Watesalonike 3:1

Ale, ze ndumilizo wandugu zangu, mucilombelaje, nghani yo Muwaha ho yicile kutandala mbela mbela, kanyhi ho yibocelwe kwe lilumbo nha vyono yinha muli nyenye.

Filemoni 1:22

Hamonga na zizo, wumbikanizizaje ha wugono, hambi nha nitumbiye vyono so wulombe wenyu, u Mulungu nha komhela cilejeho, ho nize nimulamusenyi.

Wahebelaniya 13:18

Mucilombelaje na sese. Cimanyiye lukulu vyono cina ciselinji ciswanu, hambi nha cendile kwituma yono yili lingʼani nhondo zose.