2 Wakolinto 1:1 - I CILAGANE CIPYA 1991

¹ Kulawa kuli nene Pawulo no mutumwa wa Kilisito Yesu so wuhile wo Mulungu no ndugu yetu Timoteyo. Cikumwandicilenyi anye mono muli we likanisa lyo Mulungu lyono lili kuko ku Kolinto, hamonga ne wanhu wose wo Mulungu we hanhu hose mu Akaya.

Luganuzi Luswanu Kuli Wanhu Wose 2002

¹ Kulawa kuli nene Pawulo, no mutumwa wa Kilisito Yesu, so wuhile wo Mulungu, no ndugu yetu Timoteyo. Cikumwandicilenyi anye mono muli we likanisa lyo Mulungu, lyono lili kuko ku Kolinto, hamonga ne wanhu wose wo Mulungu we hanhu hose mu Akaya.

2 Wakolinto 1:1 ပူးပေါင်းရင်းမြစ်များ

Metumo ge Watumwa 16:1

Pawulo yakafika ku Delibe, na ku Lusitela, kono yekalaga mwijizwa yunji itagwa lyakwe Timoteyo, u nyina yali Muyahudi, nayo nha vivyo yakawa mwijizwa. Ninga u sogwe yali Mugiliki.

Walumi 15:26

Hambi we makanisa ga Makedoniya na Akaya, nha wendezwa kuhanguliza sawo yawo, no kuwataza iwanhu wo Mulungu wono waciwa kuko ku Yelusalemi.

Walumi 16:21

Timoteyo u mwitumami muyangu, yakumulamusenyi, nha vivyo na Lukiya na Yasoni, na Sosipateli, wandugu zangu, wakumulamusenyi.

Walumi 16:5

Kanyhi muwalamusaje we likanisa lyono litangʼanililaga mu kaya yawo. U mulamu wangu wumuficile mwendece wangu Epeneto, mono yo mulongozi mu Asiya kumwihuwila Kilisito.

1 Wakolinto 10:32

Mulece kuwa cikobazo kuli Wayahudi, hamba kuli Wagiliki, hamba mwikanisa lyo Mulungu.

1 Wakolinto 16:10

Na kolo Timoteyo yakuza kwenyu, ale mulanjilile, yalece kuwa na woga woga wo wose mwipango lono yali hamonga nanye, hambi u mwene nha yakwituma u mulimo wo Muwaha nha nene.

1 Wakolinto 16:15

Nye wandugu zangu, si kotya muyimanyile i mhuga ya Stefano vyono i wene, wo wanhu walongozi muno muno wo kuwubocela u wihuwilo we Cikilisito mu Akaya, na vyono welavizye ho wawetumamile i wanhu wo Mulungu. Nane nghumunenenyi anye nyo wandugu zangu,

1 Wakolinto 16:24

No wendo wangu wuweze hamonga nanye, mu wilunza na Kilisito Yesu.

1 Wakolinto 6:11

Nanye wanji muli nyenye vyo mwali, ninga aluno mwahovugwa mu wubi, mukanozwa muwe mwelile, no kusiwanulwa so Mulungu, mukalamulwa no Mulungu, mwitagwa lyo Muwaha Yesu Kilisito na ko Muhe wo Mulungu wetu.

2 Wakolinto 1:19

Vyono Kilisito Yesu, u Mwana wo Mulungu, mono ane na Silivano na Timoteyo camuganulilenyi anye, si yali munhu wa “Heya” na “Ngʼo,” langa u mwene yo “Heya” yo Mulungu nhondo zose.

2 Wakolinto 1:23

No Mulungu yo muhomelezi wangu, mwene yo yayimanyile i nhumbula yangu! Ane, sinawuyajila kanyhi kuza ku Kolinto, ku soko du yo kumuwonelenyi lusungu.

2 Wakolinto 11:10

Nane nghwihuwiziza mu mbeka ya Kilisito yono yili muliʼne, nha vyono hasina cono cosuma kunyimila mu wilumbe wangu so nghani yiyi hanhu ho hose mu Akaya.

2 Wakolinto 9:2

Manyile vyono mwina nhumbula yo wutazi, nane nghalumba ku soko yenyu so nghani yiyo kuli wanhu we Makedoniya. Nawalonjela nghatya, “Wandugu zetu wono wali ku Akaya, wali wewikanize kunoza wutazi ku wulawa mwekazo. Holeka u wihinde wenyu wakondya kuwaswaswaniza wanhu wenji muno.

Wagalatiya 1:1

Ane Pawulo u mutumwa, hamonga na we zindugu wose, wono wali hamonga nane, cikwandika kuli makanisa gono gali ku Galatiya. Ane nacemwa kuwa mutumwa, ninga si so Wulajilize we wanhu, hamba si mu vilungo vye munhu,

Wagalatiya 3:26

Na mu nzila yo wihuwilo, anye wose mwawa wana wo Mulungu muli Kilisito.

Waefeso 1:1

Yo nene Pawulo u mutumwa wa Kilisito Yesu so wuhile wo Mulungu, nghumwandicilenyi nyenye mo wanhu wo Mulungu mono muli ku Efeso, mo wehuwilwa mu wilunza na Kilisito Yesu.

Wafilipi 1:1

Yo nene Pawulo na Timoteyo, i wetumami wa Yesu Kilisito, cikumwandicilenyi anye nyo wanhu wo Mulungu kuko ku Filipi, mono mwalunzwa na Kilisito Yesu, hamonga nanye mo walongola ne watazi mu Kanisa.

1 Watesalonike 1:1

Ane Pawulo, hamonga na Silivano na Timoteyo, cikumwandicilenyi anye mo mhuga ye likanisa lya ku Tesalonike, mo wanhu wo Mulungu Baba, no Muwaha Yesu Kilisito. Lihewa lyeze muli nyenye hamonga no Mulamu.

1 Watesalonike 3:2

cikamutumilenyi ndugu yetu Timoteyo, kanyhi mwitumami muyetu muli Mulungu mu wuganule u Luganuzi Luswanu lwa Kilisito. Cikamutumilenyi ho yaze yamusikamyenyi no kumusindamicenyi,

2 Watesalonike 1:1

Ane Pawulo na Silivano hamonga na Timoteyo, cikumwandicilenyi anye nyo we likanisa lya kuko ku Tesalonike, mono muli wanhu wo Mulungu Baba na wo Muwaha Yesu Kilisito.

1 Timoteyo 1:1

Nene Pawulo umutumwa wa Yesu Kilisito ku soko ye lilajilizo lyo Mulungu u Mukombozi wetu na Yesu Kilisito u witumbilo wetu,

2 Timoteyo 1:1

Ane yo nene Pawulo, mono u Mulungu yakasaka ho niwe mutumwa wa Kilisito Yesu,

Tito 1:1

Ane yo nene Pawulo, u mwitumami wo Mulungu, kanyhi mutumwa wa Yesu Kilisito nghwandika. Ane haguywe ho niwuzenje u wihuwilo we wahagulwa wo Mulungu no kuwatanga ho wayimanye i mbeka yo wuhembi wetu,

Filemoni 1:1

Ane yo nene Pawulo mono mbopigwe mu jela ku soko ya Kilisito Yesu, na Timoteyo ndugu yetu, cikukwandicila agwe Filemoni u mwendece wetu no mwitumami muyetu,

Wahebelaniya 13:23

Nyendile kumumanyizenyi nha vyono u ndugu yetu Timoteyo yakondya kudigulilwa kulawa mu jela. Na hono yeyandile kuza akuno, ale nolokuzana nayo kolo nghuza u kwenyu.