2 Timoteyo 3:3 - I CILAGANE CIPYA 1991

³ wolokuza wanhu wono wolowa wasina wendo mu zinhumbula zawo, wono wasina lusungu, wasonjezi, wabuguci, kanyhi wakali, nawo wocisula cinhu co cose i ciswanu,

Luganuzi Luswanu Kuli Wanhu Wose 2002

³ wolokuza wanhu wono wolowa wasina wendo mu zinhumbula zawo, wono wasina lusungu, wasonjezi, wabuguci, kanyhi wakali, nawo wocisula cinhu co cose i ciswanu,

2 Timoteyo 3:3 ပူးပေါင်းရင်းမြစ်များ

Matayo 10:21

“Munhu komukombola u mwanakwawe ho yawulagwe, no sogo yo munhu nayo komukombola u mwanagwe, ne wana nawo wowagaluka iwalezi wawo no kuwawulaga.

Matayo 4:1

Baho Yesu yakawa kutongwa no Muhe sunga ko ku nyika ho yajelwe na Setani.

Luka 10:16

Hanyuma yakatya, “Mono yakumuhulicizenyi nyenye, yakuhulika na nene. Na mono yakulema kumubocelenyi nyenye, yakulema kumbocela nene. Munhu wowose mono yakulema kumbocela nene, yakulema kumubocela mono yanhuma.”

Luka 16:14

Ninga Wafalisayo waza kuhulika zizo zose, vyono wene wali wendile muno sawo, wakamubedegala Yesu.

Yohana 6:70

Yesu yakawatya, “Alo si namuhagulenyi nyenye mo we likumi na wejete, hamba nha vivyo muyenyu monga muli nyenye yo setani!”

Walumi 1:29

Wamemile u wubalya we mawala gose, wubalabala, wusulumizi, simbili. Wamemile mvivi, wuwulaji, wugombe, wukonji, wuhile wubi, wungwele, wubi, wahesi,

Walumi 1:31

wasina mahala, si wafisilizaga ivilagane vyawo, wasina wuswanu, hamba lusungu du bwete kuli wayawo.

1 Wakolinto 7:5

Mulece kwiyima kuli yono munojeye, langa hono muwe mulagane kunoza nha vivyo kwa cidaha du, ho mwiwuyile kanyhi lwa kamonga, ho Setani yalece kumuletelenyi majelo ku soko yo wusocele wenyu.

1 Wakolinto 7:9

Ninga hamba nha vivyo, u munhu hono yawone si yakusuma kwiyimila, hodu yatole, hambi nha yili ciba muno kutola, si nho kwaka no wusulumizi.

1 Watesalonike 4:8

Holeka mono yakugabedegala i mejizo gago, si yakumubedegala munhu, langa yakumubedegala u Mulungu mweneco mono yakumupelenyi u Muhe wakwe Mono Yelile.

1 Timoteyo 3:11

Ne wagolece zawo nawo, iwanojeye wawe ne mikalile miswanu, si waheha wanhu, wono si wakolwa, kanyhi wehuwilwa muli zose.

Tito 1:8

Langa yimunojeye yawe mucemezi, kanyhi mono yakwenda iziswanu. Kanyhi yimonojeye yawe munhu mutuvu, we lingʼani.

Tito 2:3

Wuwalonjelaje sunga ne wadala nawo nha vivyo yiwanojeye wawe ne mikalile yo wumogopa u Mulungu, walece kuwa wasonjezi hamba kuwa wawanda wo wujimbi. Yiwanojeye wawe kwijiza i ziswanu,

Yakobo 2:6

Ninga nye mukuwabedegala wanhu waciwa! Ninga iwagoli wo wawo wono wakumugazenyi no kumutegulenyi kuli Mahakama?

2 Petelo 2:14

Ne meso gawo gamemile wusenyha wose, sunga ne masulumizi gawo go kwituma wubi, si gamalikaga hamba hadodo. Wawo wo wakuwa kuwakongakonga wanhu wono wasoceye sunga wawagwiziza mu mitego. Ne mitima yawo yizoweleze muwusulumizi we zisawo. Iwanhu wawo wali mu wulijitwe wo Mulungu!

2 Petelo 2:19

Wawehuwizaga wanhu wanji, wakutya, ati wowa welecele, akuno kumbe weneco ho wawanda wo wuhodanjice. Hambi u munhu nha yakuwa muwanda wa co cose cilya cono cikondizye kumusumiza.

2 Petelo 3:3

Mukwamula kumanya vyono mu vilo vya ku ndumo wolokuza wanhu wono mikalile yawo yitemigwe ne masulumizi gawo mabi. Wolowazwajizenyi nyenye,

Yuda 1:16

I wanhu wawa wekalaga du wakungʼungʼulika nhondo zose, no kuwahosa wanhu wanji. Wekalaga mu masulumizi gawo i mabi, wakwilumba no kuwakumya muno wanhu wanji, ho wetujile cambuzi muli zono wasakaga wene.

Yuda 1:18

Wamulonjelenyi wakatya, “Mu vilo vya ku ndumo vilakuza, wolokuza wanhu wono wolowa kumuzwajizenyi, wanhu wono wakutyatya masulumizi gawo mabi.”

Wugubule 13:15

I lilimu lye kejete, likapegwa kanyhi wusume wo kuliputilila muhe cihwani ce lilimu lililya lilongozi, naco cihwani cikasuma kulonga, no kuwawulaga wanhu wose wono si wacihemba cihwani cico cene.

Wugubule 13:17

I lilimu lilyo likalemezeza lukulu munhu wo wose yalece kugula hamba kuguza cinhu co cose, langa munhu yuyo du mono yena citanjilo cico, ce litagwa lye lilyo lilimu, hamba liwalo lye litagwa lilyo.

Wugubule 16:6

Hambi nha wayimwaga sakami ye wanhu wako, sunga na ye wawizi, holeka nagwe kuwapela i sakami wayingʼwe, na mbeka vyo yiwanojeye!”

Wugubule 17:6

Nghamuwona mucekulu yuyo yagalile i sakami ye wanhu wo Mulungu, ne sakami ye wanhu wono wawulagwa ku soko yo kumuganula Yesu. Nane nalimuwona, nghezina wizine wuwaha muno muno.