2 Timoteyo 1:3 - I CILAGANE CIPYA 1991

³ Nghumulumbo Mulungu mono nghumwitumamila ne ciselinji ciswanu, nha vyono wanoza i wasogo zangu, nghumulumbo Mulungu nhondo zose lono nghukukumbucila mu wulombe wangu cilo ne misi.

Luganuzi Luswanu Kuli Wanhu Wose 2002

³ Nghumulumbo Mulungu mono nghumwitumamila ne ciselinji ciswanu, nha vyono wanoza i wasogo zangu, nghumulumbo Mulungu nhondo zose lono nghukukumbucila mu wulombe wangu misi ne cilo.

2 Timoteyo 1:3 ပူးပေါင်းရင်းမြစ်များ

Luka 2:37

Nayo yakekala mufwile sunga mu cipango cico, nayo yali yafika myaka makumi munana na mine kuwulawa u wulelwe wakwe. Na mu cipango cico cose si yawukaga mu Nyumba yo Mulungu, na mu wuleko kulya, no kumuhembo Mulungu cilo na misi.

Metumo ge Watumwa 22:3

“Ane nili Muyahudi, nalelelwa ku Taliso ya ku Kilikiya, ninga mbilucila mone kaya lili lya Yelusalemi, ha magulu go mwijizi wangu Gamaliyeli, nghejizwa, nghamanya no kuyityatya muno muno imyoto ye wasetu, nane nghelavya muno kuli zo Mulungu nha vyono mwinha nyenye wose zuwali.

Metumo ge Watumwa 23:1

Nayo Pawulo, yakawalanga muno wanhu wono wali baho he balaza, hanyuma yakawa kutya, “Nye wandugu zangu, ane nikalaga na nhumbula nzelu hali Mulungu sunga ne nzuwayi.”

Metumo ge Watumwa 24:14

Langa nghani monga yono nghuyivumilila hali gwegwe yoyi; Ane nghumuhemba u Mulungu we wasetu, nikaye mu Nzila yiyo yono wene wakuyitya, wilunze wo wisiwanuzi. Ane nghuzihuwila zose nha vyono zandicigwe mu Wulajilize, na zono zandikwe ne wawizi.

Metumo ge Watumwa 24:16

Ku soko yiyo, nene no mweneco, nghwihidimbaza, ho niwe na nhumbula swanu kuli Mulungu, na kuli wanhu, nhondo zose.”

Metumo ge Watumwa 26:4

Imikalile yangu vyono nalawa wudodo wangu, na vyono nekalaga ne we likungugo lyangu kuko ku Yelusalemi.

Metumo ge Watumwa 27:23

Kusoko Malayika wo Mulungu wangu, mono nimuhembaga, kema hali nene mu cilo ce zuwali,

Walumi 9:1

Nghulonga mbeka, nakondya kwilunza na Kilisito, nane si nghulonga wulambi. Iciselinji lono cikutongwa no Muhe Mono Yelile, cikunghangaziza inghani yiyi nha vivyo.

2 Wakolinto 1:12

Ase cikwilumbila cinhu cimonga du, vyono viselinji vyetu vikucihomelela vyono muwikale wetu wa mono yinze yiyino na komuno muliʼnye, cekala ko winenenyhezi wose hamonga no wele wa mu nhumbula wono wukulawa kuli Mulungu, hamba si catongwa ne lihala lye cimunhumunhu, langa catongwa ne lihewa lyo Mulungu.

Wagalatiya 1:14

Heya, sunga nghawaciza wenji wanyawusi wayangu we lizika lyangu mu wibata yiyo dini ye Ciyahudi, nane kanyhi nghasimbilila muno muno mu wibate myoto ye wasogo zetu.

Waefeso 1:16

nghali si ninaleka kumulumba u Mulungu ku soko yenyu. Kanyhi nghumukumbucilenyi mu wulombe wangu,

1 Watesalonike 3:10

Cikumulomba u Mulungu cihidimbaye kwe mitima yetu yose cilo na misi, ho yacipele i cilejeho co kumuwonenyi wusu na wusu, ho cisume kuzinozeleza zono zikali zicepuce mu wihuwilo wenyu.

1 Timoteyo 1:19

kanyhi uwukamisaje u wihuwilo wako ne ciselinji ciswanu. Hambi iwanhu wanji vyono si wasaka kuvihuliciza i viselinji vyawo, ale, holeka wakawu-hodanga u wihuwilo wawo.

1 Timoteyo 1:5

Ale u wulunji we lilajilizo lili nha wukukongʼonheza uwendo wono wukulawa mu nhumbula nzelu no mutima muswanu, na mu wihuwilo we mbeka.

1 Timoteyo 5:5

Ale, umucekulu mono mufwile mbeka, mono yasina munhu wo kumutaza, yakondya kumuwicilo Mulungu witumbilo wakwe, kanyhi yakujendelela kumulomba Mulungu no kuneneleza u wutazi wakwe cilo ne misi.

2 Timoteyo 1:5

Nane nghuwukumbucila wihuwilo wako we mbeka, no wihuwilo wono yali yena nawo mamayo Loyisi, hamonga no nyina yako Ewunike. Nane nitumbiye vyono na gwegwe vyo winha.

2 Timoteyo 3:15

kanyhi wukumbuciye vyono wulawa wudodo wako wagamanya i Mandiko Gono Gelile gono gosuma kukupela lihala lyono lyokuletela mhonelo mu nzila yo wihuwilo wono wuli muli Kilisito Yesu.

Wahebelaniya 13:8

Yesu Kilisito yo yuyo du igolo ne zuwali, na ku cibitilila.