1 Yohana 4:1 - I CILAGANE CIPYA 1991

¹ Mo wendece wangu, mulece kumwihuwila munhu wo wose mono yakwiyitya yena Muhe wo Mulungu, langa mwamulaje mumulanjilile muno muno, ho muwone hono u munhu yuyo yakutongwa no Muhe wo Mulungu, hamba ngʼo. Hambi i wawizi wenji wo wulambi nha wakwijela mononze.

Luganuzi Luswanu Kuli Wanhu Wose 2002

¹ Mo wendece wangu, mulece kumwihuwila munhu wo wose mono yakwiyitya yena Muhe wo Mulungu, langa mwamulaje mumulanjilile muno muno, ho muwone hono u munhu yuyo yakutongwa no Muhe wo Mulungu, hamba ng'o. Hambi i wawizi wenji wo wulambi nha wakwijela mononze.

1 Yohana 4:1 ပူးပေါင်းရင်းမြစ်များ

Maluko 13:21

“Holeka hono munhu yamutyenyi, ‘Lanjenyi ta, Kilisito ayu hano!’ hamba lunji yatye, ‘Mulanje yali ahalya’, mulece kumwihuwila.

Luka 12:57

“So cici si mukusuma kumanya nyenye mo weneco, ya hayi yono yinojeye?

Luka 21:8

Yesu yakawatya, “Musuje ho mulece kukongwa, hambi nha wenji wokuza wono wokwitumamila ilitagwa lyangu, wakutya, ‘Yo nene.’ Na kanyhi, ‘Cidaha casejelela.’ Ninga anye mulece kuwatyatya!

Metumo ge Watumwa 17:11

Wanhu wa kuko wali waswanu muno, wacizize awalya wa ku Tesalonike. Wayibocela nghani na nhumbula yono yina nyhilu mbaha, wakalondolalondola nhondo zose mu Mandiko Gono Gelile, ho wawone zono wazilongaga wa Pawulo na Sila hono zali za mbeka.

Metumo ge Watumwa 20:29

Manyile vyono ane kolo neza kuwuka, imaminzi makali golomwinjililenyi, si gololileka litewa.

1 Wakolinto 12:10

kamupelaga yunji cipegwa co kunoza mapoto, na yunji cipegwa co kuyiganula nghani yo Mulungu, na yunji cipegwa co wutanje we vipegwa vyono vikulawa mu Muhe na vyono si vyo Muhe, kamupelaga yunji cipegwa co kulonga milonjele ye cijenzi, na yunji kanyhi cipegwa co wulolose.

1 Wakolinto 14:29

Kuli za walya wono wakuyiganula nghani yo Mulungu, nawo wadahile kulonga wejete hamba wadatu du, na wayawo wanji, wawe kuzipima zinghani zawo.

1 Watesalonike 5:20

mulece kuwubedegala wuwizi.

1 Watesalonike 5:21

Ninga mweze kuvijela vinhu vyose; mukamise muno muno ziswanu,

2 Watesalonike 2:2

vyono mulece kuwa na mahwele ge mbela mbela mu zinhumbula zenyu, hamba mulece kogopa so wulonje wo wutya, “I lizuwa lyo Muwaha lyakondya kuza.” Lunji yikwihweswa vyono i nghani yiyi yikulawilila mu wuwile wunji wunji, hamba mu wuganule, hamba mu baluwa yono yikutegwa vyono yilawiliye kono kwetu.

1 Timoteyo 4:1

Ningo Muhe yakulonga ciwonelela vyono mu vilo vyono vikuza, iwanhu wanji wolowulecela lukulu u wihuwilo, nawo woloyihulicila i myuhe yo wukoci, no kwibata mafundo ge masetani.

2 Timoteyo 3:13

Ninga i wanhu wabi ne wakonji, awo wojendelela kuwa wabi du, wakuwakonga wayawo, kanyhi sunga na weneco wakukongwa.

2 Petelo 2:1

Wakalawila wawizi wo wulambi muli wanhu, nha vivyo kanyhi iwejizi wo wulambi wololawila sunga na muli nyenye. Ne wanhu we liwala lilyo wololeta i mafundo go wiwajize no kumukana Muwaha mono yakawakomboza, na mu nzila yiyo wokwiletela musunho u wongomezwe wawo weneco.

1 Yohana 2:18

Mo wanangu, alu ilipango lyo mudumo lyasejelela! Nanye mwali mwakondya kuhulika vyono u mulugu wa Kilisito yakuza, ne walugu wa Kilisito aluno wenji wakondya kuza, ku soko yiyo holeka cikumanya vyono lipango lyo mudumo lyeza lili behi.

1 Yohana 2:7

Nyo wendece wangu, i lilajilizo lili lyono nghumwandicilenyi, si ilajilizo yipya yaye, langa lye lajilizo lililya lye katali du, lyono mwali mwina nalyo ku wulawa mwamulizo. Ne lilajilizo lilyo lye katali, yo nghani yi yilya yono mwayihulika.

2 Yohana 1:7

Hambi i wakoci wenji nha wemuka kononze wono siwakuvumila vyono Yesu Kilisito yaza kono kwetu yakawa munhu. No munhu mono yakulonga nha vivyo, yuyo yo mulugu wa Kilisito.

3 Yohana 1:11

Gwe mwendece wangu, wulece kutyatya u musambo mubi, langa u musambo muswanu. Munhu wo wose mono yakwituma i ziswanu, yo wo Mulungu, ninga mono yakwituma i zimbi, yuyo yakali si namuwona u Mulungu.

Wugubule 2:2

Manyile i metumo gako gose, niwumanyile no wuhidimbazi wako, hamonga no wukangalizi wako wose. Kanyhi manyile nha vyono si wukusuma kuwakangalila wanhu wabi, kanyhi na vyono wakondya kuwamanya awalya wono wakwiyitya watumwa, nawo wo si wene, kumbe wakulonga wulambi.