1 Yohana 3:5 - I CILAGANE CIPYA 1991

⁵ Kanyhi mumanyile nha vyono Kilisito yaza ho yawuwuse u wubi wetu, na vyono kanyhi muli mwene musina wubi wo wose.

Luganuzi Luswanu Kuli Wanhu Wose 2002

⁵ Kanyhi mumanyile nha vyono Kilisito yaza ho yawuwuse u wubi wetu, na vyono, kanyhi muli mwene musina wubi wo wose.

1 Yohana 3:5 ပူးပေါင်းရင်းမြစ်များ

Matayo 1:21

Nayo kolela mwana we cilume, nagwe komucemela ilitagwa lya Yesu, hambi u mwene nha yo kolowaponya iwanhu wakwe mu wubi wawo.”

Luka 23:41

Nase mbeka yo lingʼani yetu, hambi nha cikulipicizwa nha vyono yicinojeye ku so metumo getu. Ninga Munhu ayu siyetuma cinji cibi.”

Luka 23:47

U muwaha we wasilikale igana, yaza kuwona zono ziweye, yakamukumyo Mulungu, yakutya, “Mbeka munhu ayu, yali yalilingʼani.”

Yohana 1:29

I mitondo yaco, Yohana yakamuwona Yesu yakumuziza, yakatya, “Mulanje, ayu Mwana Ngholo wo Mulungu, mono yakuwusa, wubi we yinze!

Yohana 1:31

Na nene sinamumanya, ninga niza mbaputize kwe malenga, wanhu wa Isilayeli ho wasume kumumanya.”

Yohana 14:30

Si nomulonjelenyi muno kanyhi, hambi u muwaha we yinze yiyi nha yakuza, nayo hamba si kosuma cinji kuliʼne.

Yohana 8:46

Hambi lu, nani wa muli nyenye mono kosuma kundajila zo wubi wangu? Alu hono nghulonga mbeka, nhawule si mukunyihuwila?

2 Wakolinto 5:21

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wilingʼano wo Mulungu.

1 Timoteyo 1:15

No wulonje wuwu nha we mbeka, na kanyhi wunojeye wuvumilwe muno muno, vyono Kilisito Yesu yaza kononze kuwaponya wanyo wubi. Nane nha nili mubi kuciza wawo wose.

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali lingʼani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

Wahebelaniya 1:3

U mwene wo wubulile wo lukumyo lo Mulungu, kanyhi yo hwani ye mbeka yo Mulungu mweneco, nayo yakuyisikamizya yinze mu nghani yakwe ye vilungo. Lono yali yakondya kuwanenela wanhu u wubi wawo, yakekala ku wulanga ku lubavu lo kulume lo Mulungu u Muwaha.

Wahebelaniya 4:15

Nayo yuyu u Mukohani wetu Muwaha si yenha mono si kosuma kuhanga nase mu wusocele wetu, langa u mwene yo Mukohani Muwaha mono yajelwa nha sese muli zose, ninga si yetuma wubi.

Wahebelaniya 7:26

Holeka Yesu yo Mukohani Muwaha mono kocikwila muno muno mu visakwa vyetu. U mwene Yelile, yasina hamba yilema, hamba wubi muli mwene musina, yali musina mwipuga lya wanya wubi, nayo yenuywe sunga ko ku wulanga.

Wahebelaniya 9:26

hambi nha hono yali yiwe nha vivyo, nha yali yimunojele Kilisito yagazwe kali kenji ku wulawa mu mwamulizo wo wuwumbwe we yinze. Ninga alu vipango avi lono vikusejelela ku mudumo wayo, u mwene yejela kamonga du, ho yawuwuse u wubi mu wilavya mweneco kuwa ikumbiko.

Wahebelaniya 9:28

nha vivyo nayo Kilisito yelavya i kumbiko lwa kamonga du ho yawuwuse u wubi wa wenji. Nayo yalaza kuza lwe kejete ho yalece kuziza so wihoma no wubi, langa so kuwakomboza wawo wono wakumulindila.

1 Petelo 1:18

Hambi nha mumanyile vyono, anye mwakombozwa mu mikalile yenyu mibi, yono mwalecezwa kulawa ku wasenyu, si ne vinhu vyono vihodanjikaga, zipesa ne zizahabu,

1 Petelo 1:20

Umwene yali yahaguywe no Mulungu lono yinze yali yikali siyinawumbwa, yakagubulwa mu vilo vivi vye ndumo ku soko ya nyenye.

1 Petelo 2:22

Umwene siyetuma wubi, hamba nghani yo wulambi, siyahulikwa mu mulomo wakwe.

1 Petelo 2:24

U mwene yawudinghulila u wubi wetu mu muwili wakwe mu musalaba, ho cisume kufwa ku lubavu lo wubi, no kuwumipila ku wilingʼano. Na muzinghomele zakwe, anye mo mwaponyezwa.

1 Petelo 3:18

Hambi Kilisito mweneco nha yafwa ku soko yo wubi wetu, yafwa kamonga du yikakwila, u munhu we lingʼani ku soko ye wabi, ho yamutegulenyi anye kuli Mulungu. Yawulagwa mu muwili ninga yakanozwa mumi mu Muhe,

1 Yohana 1:2

No wumi wuwo waza kwanzalikwa, ase cawuwona, nalu cikulonga kanyhi cikumulonjelenyi zo wumi wuwo we cibitilila wono wali ko Sogo yo munhu, hanyuma wukanzalikwa kwetu.

1 Yohana 1:7

Langa hono cikale mu wuzelu, nha vyono u mwene yali mu wuzelu, baho langa cowa no wumonga sese kwa sese, ne sakami yakwe Yesu Kilisito u Mwanagwe, yocikwema mu wubi wose.

1 Yohana 2:1

Mo wanangu nghumwandicilenyi zizi, ho mulece kwituma wubi. Ninga yisolaga munhu ketuma wubi, cina nayo yumonga mono kacilombelaga kuli Baba, yo Yesu Kilisito, mono yali lingʼani.

1 Yohana 2:2

Kilisito lye kumbiko lyono likuwuwusa u wubi wetu, hamba si wubi wetu sese du, langa u wubi we yinze yose.

1 Yohana 2:29

Mumanyile nha vyono Kilisito yo we lingʼani muno, holeka yinojeye munhu wo wose yamanye vyono mono yakwituma zo wilingʼano yuyo yo mwana wo Mulungu.

1 Yohana 3:8

Ninga mono yakwituma wubi, yuyo yo wa Setani, hambi Setani nha ketumaga zo wubi ku wulawa mwamulizo. Ninga u Mwana wo Mulungu yakaza mononze ho yayihodanje i milimo ya Setani.

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe yakaciwopola kulawa mu wubi wetu,