1 Yohana 3:11 - I CILAGANE CIPYA 1991

¹¹ Ne nghani yono mwayihulika kuwulawa mwamulizo nha yoyi. Yicinojeye ciyendaje!

Luganuzi Luswanu Kuli Wanhu Wose 2002

¹¹ Ne nghani yono mwayihulika ku wulawa mwamulizo nha yoyi. Yicinojeye ciyendaje!

1 Yohana 3:11 ပူးပေါင်းရင်းမြစ်များ

Yohana 13:4

Hobaho yakalecelela kulya, yakenuka, yakawuwika hamhelo u mwenda wakwe wa mucanyha, yakasola citema yaketunga mu ciwino.

Yohana 15:12

Ali lye lajilizo lyangu, mwiyendaje, nha vyono ane nimwendilenyi anye.

Wagalatiya 6:2

Mwidinghuzaje zono zikumuvunenyi mu mikalile yenyu, na nha vivyo, ho mowufisiliza u Wulajilize wa Kilisito.

Waefeso 5:2

Imikalile yenyu yeze kulongozwa no wendo, nha vyono Kilisito yacenda, yakelavya ku soko yetu cilavywa ce mhunjile swanu ne likumbiko lyono limwendezaga u Mulungu.

1 Watesalonike 4:9

Hasina soko yo kumwandicilenyi vyono munojeye kuwenda i wandugu zenyu wono wehuwiye. Hambi nha mwijizwe no Mulungu vyono munojeye kwiyenda nyenye wose.

1 Timoteyo 1:5

Ale u wulunji we lilajilizo lili nha wukukongʼonheza uwendo wono wukulawa mu nhumbula nzelu no mutima muswanu, na mu wihuwilo we mbeka.

1 Petelo 1:22

Alu vyono mu wuhulika mbeka, anye mwakondya kweza i zinhumbula zenyu, no kuwenda iwayenyu musina wukoci, ale, mwiyendaje yendi yendi kwe nhumbula yose.

1 Petelo 3:8

Ale ze ndumilizo nghutya nhavi: yiwanojeye muwe na nhumbula monga, na ihweso limonga, yiwanojeye kwiyenda nha ndugu, mweze wapolo kanyhi muli wenenenyhezi nyenye wose.

1 Petelo 4:8

Ne nghani mbaha muno muno, mwiyendaje yendi yendi kwe nhumbula yose, hambi uwendo nha wuhiliwizaga wubi winji.

1 Yohana 1:5

I nghani yono cayihulika kuli Yesu, yono cikumulonjelenyi nha yoyi, u Mulungu wo wuzelu, na muli mwene, musina hamba citi.

1 Yohana 4:11

Nye mo wendece wangu, hono Mulungu yawe yacenda nha vivyo, yicinojeye nase ciyendaje.

1 Yohana 4:21

Holeka ali lye lajilizo lyono Kilisito yacipela; Mono yamwendile Mulungu, yimunojeye yamwende no nduguye.

1 Yohana 4:7

Mo wendece wangu, ciyendaje, hambi u wendo nha wulawaga kuli Mulungu. Muli wose mono yena wendo ale yuyo yo mwana wo Mulungu, kanyhi yamumanyile u Mulungu.

2 Yohana 1:5

Nalu go mugolece, nghulomba nghani monga du kwako, “Ciyendaje.” Si nha vyono nghukwandicila ilajilizo ipya, langa lye lajilizo lililya du lyono cawezaga nalyo na katali.