1 Yohana 2:5 - I CILAGANE CIPYA 1991

⁵ Ninga u munhu wo wose mono yakuyibate i nghani yo Mulungu, langa yo yena u wendo wo Mulungu muli mwene. Na mu nzila yiyo mo cikusuma kumanyila lukulu vyono cili muli mwene,

Luganuzi Luswanu Kuli Wanhu Wose 2002

⁵ Ninga u munhu wo wose mono yakuyibate i nghani yo Mulungu, yuyo langa yo yena u wendo wo Mulungu muli mwene. Na mu nzila yiyo mo cikusuma kumanyila lukulu vyono cili muli mwene,

1 Yohana 2:5 ပူးပေါင်းရင်းမြစ်များ

Luka 11:28

Nayo Yesu yakamutya, “Heya, ninga wamoti muno wanhu wono wakuyihulika nghani yo Mulungu no kuyikamisa.”

Yohana 14:21

Mono yena malajilizo gangu no kugebata, yuyo yo yanyendile, nayo mono yanyendile kokwendwa na Baba, nane nomwenda, kanyhi nokwilajila kuli mwene.”

Yohana 14:23

Yesu yakamupitula, yakamutya, “Munhu hono yanyende, yuyo kokwibata inghani yangu, na Baba komwenda, nase cokuza kuli mwene, no kwikalana nayo.

Yohana 15:5

“Ane yo nene muzabibu, anye muli manhambi. Mono kekalaga muli nene, nane niwe muli mwene, yuyo yo kalelaga muno mikalo, hambi hono hasina nene, anye nha si mosuma kwituma cinji.

Yohana 6:56

Mono yakuwulya u muwili wangu no kuyingʼwa isakami yangu, yo kekalaga mugati mwangu, nane nghwikala mugati mwakwe.

Walumi 8:1

Alu nhondo hasina wuhoswe kuli walya wono mu mikalile yawo, wakondya kwilunza na Kilisito Yesu.

1 Wakolinto 1:30

U Mulungu mweneco du yo yamulunzenyi anye na Kilisito Yesu. U Mulungu yamunoza Kilisito, yo yawe go mahala getu, na mu nzila yakwe du, ase mo cikulamulilwa no Mulungu, cikuwa cili wanhu wo Mulungu mono celile, kanyhi mono cakondya kukombozwa nayo.

2 Wakolinto 5:17

No munhu wo wose hono vilunze na Kilisito, yakuwa ciwumbwa cipya, i ze katali zapuluta, alu zaweza mhya.

2 Wakolinto 5:21

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wilingʼano wo Mulungu.

Yakobo 2:22

Ale, wona ta, vyono wihuwilo wakwe wetumana ne metumo gakwe, u wihuwilo wakwe wukakwilanicizwa mu metumo gakwe.

1 Yohana 3:24

Mono yakugebata malajilizo go Mulungu, yo kekalaga muli Mulungu, nayo Mulungu yakwikala muli mwene. Mu nzila yo Muhe mono Mulungu yacipela, nase mo cikumanyila vyono Mulungu yakwikala muli sese.

1 Yohana 4:17

U wendo wukwilaniciye muli sese, ho cisume kuwa cisina woga kwizuwa alilya lyo wulingʼanizi vyono mikalile yetu ya baha hononze nha yihwanile na ayilya ya Kilisito.

1 Yohana 4:18

Na hono howuli wendo, hasina woga, heya, vyono u wendo wono wukwilaniciye wukuwa wusina woga wo wose. Holeka u munhu mono yakali yena woga, yuyo yakali siyanakwilanicila mu wendo, vyono woga nha vihanjile no wulipicizwe.

1 Yohana 5:2

Mumo mo cikumanyila vyono ciwendile wana wo Mulungu, ko kumwenda u Mulungu no kugebata malajilizo gakwe,

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

2 Yohana 1:6

Ne nhunizo yo wendo, wo wutya, i mikalile yo wibate we malajilizo go Mulungu. Ne lilajilizo lyono mwalihulika ku wulawa u mwamulizo nha lyoli, yimunojelenyi wose mwikalaje mu wendo.

Wugubule 12:17

Holeka lizoka lilyo likawa kumusimbila yuyo mucekulu, hodu likawa kwibitila, likawa kubita no kwihoma na wanji we mbeyu yo mucekulu yuyo wose wono wakukamisa malajilizo go Mulungu, kanyhi wehuwilwa mu mbeka yono yaziza muli Yesu.

Wugubule 14:12

Na ku soko yiyo, wanhu wo Mulungu wono wakakamisa malajliizo go Mulungu no kumwihuwlia Yesu, yiwanojeye waweze no wukangalile.