1 Yohana 2:25 - I CILAGANE CIPYA 1991

²⁵ No wihuwizo wono yacihuwiziza ase, nha wowu, u wumi we cibitilila.

Luganuzi Luswanu Kuli Wanhu Wose 2002

²⁵ No wihuwizo wono yacihuwiziza ase, nha wowu, u wumi we cibitilila.

1 Yohana 2:25 ပူးပေါင်းရင်းမြစ်များ

Luka 18:30

kopegwa zono zicizize kenji mu myaka yiyi ya lulu, no kubocela wumi we cibitilila mu yinze yono yikuza.”

Yohana 10:28

Nane nghuzipela wumi we cibitilila, nazo si zolokwajilila yaye, hamba hasina yunji mono kosuma kuziboka mu muwoko wangu.

Yohana 12:50

Nane manyile vyono ililajilizo lyakwe, liletaga wumi we cibitilila, holeka ane nghulonga zizilya du, zono Baba yanonjela, zo nghulonga.

Yohana 3:15

muli wose mono yakumwihuwila, ho yawe no wumi we cibitilila.

Yohana 5:39

Anye musomaga Mandiko Gono Gelile mukwihwesa vyono, mugati yayo muli gago, motuga wumi we cibitilila, na kumbe gago mandiko go gakuhomelela nene!

Yohana 6:27

Mulece kuyipiligalila indigwa yono yihodanjikaga, langa muyipiligalilaje indigwa yono yikalaga sunga ku wumi we cibitilila. U Mwana wo Munhu mono u Sogwe yamuwicila i citanjilo, yo komupelenyi indigwa yiyo.”

Yohana 6:40

Hambi cono yakusaka Baba nha coci, muli wose mono yakumuwona Mwana, no kumwihuwila, yawe no wumi we cibitilila, nane nolowazukula Mwizuwa lya ku ndumo.

Yohana 6:47

Mbeka nghumulonjelenyi, vyono mono yakwihuwila, yena u wumi we cibitilila.

Yohana 6:54

Mono yakulya u muwili wangu no kuyingʼwa isakami yangu, yena wumi we cibitilila, nane nolomuzukula Mwizuwa lya ku ndumo.

Yohana 6:68

Simoni Petelo yakamupitula yakatya, “Muwaha cobita kuli nani? Nha yo gwegwe mono wina zinghani zo wumi we cibitilila.

Walumi 2:7

Awalya wono wakulondola u lukumyo ne lilumbo vyo Mulungu no wusangalale, no kuwulondola uwumi, wawo wotuga u wumi wecibitilila.

Walumi 5:21

Nha vyono ivilungo vyo wubi, viletaga lifwa, navyo ivilungo vye lihewa viletaga wilingʼano, na kundumilizo, wumi we cibitilila mu nzila ya Yesu Kilisito u Mutwa wetu.

Walumi 6:23

Hambi u musahala wo wubi nha yifwa, langa icipegwa cono yakulavyo Mulungu, wo wumi we cibitilila mu wilunza na Yesu Kilisito u Mutwa wetu.

Wagalatiya 6:8

Mono yakuhadika ze masulumizi ge ciyinze-yinze, kolodudula mumo wuhodanjice, ninga hono yahadice zo Muhe, kolodudula mu Muhe u wumi we cibitilila.

1 Timoteyo 1:16

Ninga mwene Mulungu yakambonela lusungu, ho Kilisito yawulajile wukangalizi wakwe wose kuliʼne, wuwe nha musambo kuli awalya wono hanyuma yayo wolomwihuwila no kubocela wumi we cibitilila.

1 Timoteyo 6:12

Umanyhe kwe vilungo vyako vyose wicize lumangho lo wihuwilo, ho witujile cihumbilizwa co wumi we cibitilila, wono wacemelwa lono wawuvumila u wihuwilo wako hali wahomelezi wenji.

1 Timoteyo 6:19

Na muwunoza nhavivyo wakwiyiwutila ciwutwa cono cowa kuli wene musinji wono wukamile kuli cipango cono cikuza. Ho wasume kwiyitujlia u wumi wono wo wumi we mbeka.

Tito 1:2

wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo ntu myaka ye katali lono yali yikali si nawa,

Tito 3:7

na ku so Uhewa lyakwe ho cisume kuvumilwa hali Mulungu no kuwubocela u Wumi we cibitilila wono ciwitumbiye.

1 Yohana 1:2

No wumi wuwo waza kwanzalikwa, ase cawuwona, nalu cikulonga kanyhi cikumulonjelenyi zo wumi wuwo we cibitilila wono wali ko Sogo yo munhu, hanyuma wukanzalikwa kwetu.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

Yuda 1:21

No kwikala mu wendo wo Mulungu, akuno mukumulindila Muwaha wetu Yesu Kilisito yamupelenyi wumi we cibitilila ko lusungu lwakwe.