1 Yohana 2:24 - I CILAGANE CIPYA 1991

²⁴ Holeka i nghani yi yilya yono mwayihulika kuwulawa mwamulizo, yikalaje mu zinhumbula zenyu. Ne nghani yiyilya yono mwayihulika hono yikale muli nyenye, ale mokwikala nhondo zose muli mu wumonga no Mwana no Sogo yo Munhu.

Luganuzi Luswanu Kuli Wanhu Wose 2002

²⁴ Holeka i nghani yiyilya yono mwayihulika ku wulawa mwamulizo, yikalaje mu zinhumbula zenyu. Ne nghani yiyilya yono mwayihulika, hono yikale muli nyenye, mokwikala nhondo zose muli mu wumonga no Mwana no Sogo yo Munhu.

1 Yohana 2:24 ပူးပေါင်းရင်းမြစ်များ

Luka 1:2

Wakandika nha vyono calonjelwa na awalya wono wewonelela weneco kulawa mwamulizo, no kulwanza Luganuzi lulo.

Luka 9:44

Muteje makutu genyu, muzikamise zinghani zizi: “U Mwana wo Munhu nha kolavywa mu mawoko ge wanhu.”

Yohana 14:23

Yesu yakamupitula, yakamutya, “Munhu hono yanyende, yuyo kokwibata inghani yangu, na Baba komwenda, nase cokuza kuli mwene, no kwikalana nayo.

Yohana 15:7

Hono mwikale muli nene ne zinghani zangu hono zikale muli nyenye, ale mulombe co cose cono mukusaka, nanye mopegwa.

Yohana 6:56

Mono yakuwulya u muwili wangu no kuyingʼwa isakami yangu, yo kekalaga mugati mwangu, nane nghwikala mugati mwakwe.

Yohana 8:25

Nawo wakamuwuza wakatya, “Alo agwe yo gwegwe nani?” Yesu yakawatya, “Nha nimulonjelenyi kulawa mwamulizo!

Wafilipi 4:15

Nanye nyo Wafilipi mumanyile vyono yo nyenye muli wene mono mwanhaza ha mwamulizo wo wuganule wangu wo Luganuzi Luswanu lono nawukaga kuwulawa ku Makedoniya, yo nyenye du muli wene mono mwali hamonga nane mu cambuzi na mu wambuce wangu.

Wakolosayi 3:16

I nghani ya Kilisito yikalaje muli nyenye, hamonga no wugoli wayo wose. Mwiyijizaje nyenye wose munhu na muyagwe, akuno mukwiyilanjiziza mu mahala gose. Mwimbaje Zabuli, na nyimbo, no wimbe we cinya Muhe, mumwimbilaje u Mulungu mu zinhumbula zenyu kwelilumbo.

Wahebelaniya 2:1

Holeka yicinojeye cicile kuzikamisa muno zose zono cazihulika, ho cilece kwajilizwa.

Wahebelaniya 3:14

Hambi ase nha ceza cili hamonga na Kilisito, soko ciwe ciwukamise muno muno u witumbilo wetu wono cali cina nawo hamwamulizo.

1 Yohana 1:3

Cico cono cawona na cono cahulika co cikumwazizenyi nanye, nanye ho muhanje nase mu wumonga wono cina nawo no Sogo yo munhu no Mwanagwe Yesu Kilisito.

1 Yohana 1:7

Langa hono cikale mu wuzelu, nha vyono u mwene yali mu wuzelu, baho langa cowa no wumonga sese kwa sese, ne sakami yakwe Yesu Kilisito u Mwanagwe, yocikwema mu wubi wose.

1 Yohana 2:7

Nyo wendece wangu, i lilajilizo lili lyono nghumwandicilenyi, si ilajilizo yipya yaye, langa lye lajilizo lililya lye katali du, lyono mwali mwina nalyo ku wulawa mwamulizo. Ne lilajilizo lilyo lye katali, yo nghani yi yilya yono mwayihulika.

1 Yohana 3:24

Mono yakugebata malajilizo go Mulungu, yo kekalaga muli Mulungu, nayo Mulungu yakwikala muli mwene. Mu nzila yo Muhe mono Mulungu yacipela, nase mo cikumanyila vyono Mulungu yakwikala muli sese.

1 Yohana 4:13

Cimanyile nha vyono cikaye cili mu wumonga no Mulungu nayo u Mulungu yakwikala yali mu wumonga nase, hambi u mwene nha yacipela u Muhe wakwe.

1 Yohana 4:15

Munhu wo wose mono yakuvumila vyono Yesu yo Mwana wo Mulungu, u Mulungu yakwikala muli munhu yuyo, nayo yakwikala muli Mulungu.

1 Yohana 4:16

Holeka ase cimanyile kanyhi cihuwiye u wendo wono Mulungu yena kuli sese. U Mulungu wo wendo, no munhu wo wose mono yakwikala mu wendo, yakwikala muli Mulungu, no Mulungu nayo yakwikala muli mwene.

2 Yohana 1:2

vyono yimbeka yikalaga nase cibitilila.

2 Yohana 1:9

Nayo mono siyakwibata no kwikala mu mafundo ga Kilisito hamba kugatyatya, yuyo yamusina u Mulungu. Langa mono yakwikala mu mafundo gago, yuyo yo yena u Sogo yo munhu kanyhi no Mwana.

3 Yohana 1:3

Hambi nha nasecelela muno lono we zindugu wanji waziza baha, wakanonjela zo wihuwilwa wako wa mu mbeka, nha vyono agwe wukujendela mu mbeka nhondo zose.

Wugubule 3:11

Nghuza kuligwe musunho! Holeka wukamise muno muno cono wina ho yunji yalece kukusolela i cipegwa cako co wusume wako.

Wugubule 3:3

Ale wukumbucile azilya zono wejizwa, na vyono wazihulika, wukazikamisa, ale, wukawanizaje u wuhile wako wubi. Na hono wulece kwikala meso, ale nokuziza nhinicizo nho muhizi, hamba sikocimanya ne cipango cono nokuziza.