1 Yohana 2:18 - I CILAGANE CIPYA 1991

¹⁸ Mo wanangu, alu ilipango lyo mudumo lyasejelela! Nanye mwali mwakondya kuhulika vyono u mulugu wa Kilisito yakuza, ne walugu wa Kilisito aluno wenji wakondya kuza, ku soko yiyo holeka cikumanya vyono lipango lyo mudumo lyeza lili behi.

Luganuzi Luswanu Kuli Wanhu Wose 2002

¹⁸ Mo wanangu, alu ilipango lyo mudumo lyasejelela! Nanye mwali mwakondya kuhulika vyono u mulugu wa Kilisito yakuza, ne walugu wa Kilisito aluno wenji wakondya kuza, ku soko yiyo, holeka cikumanya vyono lipango lyo mudumo lyeza lili behi.

1 Yohana 2:18 ပူးပေါင်းရင်းမြစ်များ

Matayo 24:11

Kanyhi mu vilo vivyo, wololawila iwawizi wenji wo wulambi, nawo wolowa kuwajiliza wanhu wenji.

Matayo 24:24

Hambi nha wololawila walambi wenji, wono wokwicema weneco yo Kilisito, kanyhi ne wawizi wo wulambi. Nawo wawo wonoza mapoto mawaha, ne mezino gono gosuma kumwajilizenyi, na hono yisumice sunga ne wahagulwa wo Mulungu.

Matayo 24:5

Hambi nha wanhu wenji wono wolokuza, nawo walalitumamila litagwa lyangu wakutya, ‘Ane yo nene Kilisito nawo wolowajiliza wanhu wenji.’

Maluko 13:6

Hambi wenji nha wolokuza nawo wolokwitumamila i litagwa lyangu, wakutya, ‘Ane yo nene!’ nawo wolowajiliza wanhu wenji.

Yohana 21:5

Baho Yesu yakawawuza, yakutya, “Alu wazelelo, mukali simunebata hamba cinji hongo?” Nawo wakatya, “Heya, cikali si nebata hamba cinji.”

Walumi 13:11

Hamonga na zizo, anye mo weneco, mumanyile vyono cili mwidaha lya hayi, alu co cipango co kusinhuka mu zinhongo, heya, imhonelo yetu luno, yili behi muno si nha lono cehuwilila.

Walumi 13:12

Icilo ceza malika, no wusiku weza behi kwela, Holeka alu, cilecele lukulu kwituma imetumo ge citi, langa civwale ivitwalo vyo kwihomela mu wuzelu.

Wahebelaniya 1:2

ninga mu vilo avi vyo mudumo, kalongana nase mu nzila yo Mwanagwe. Na muli mwene, u Mulungu mo yayiwumbila yinze, kanyhi yakamuwika ho yaviteme vinhu vyose.

1 Petelo 1:20

Umwene yali yahaguywe no Mulungu lono yinze yali yikali siyinawumbwa, yakagubulwa mu vilo vivi vye ndumo ku soko ya nyenye.

1 Petelo 1:5

Zizo zolowa zenyu nyenye mono ko wihuwilo, mukudimwa viswanu telele, kwe vilungo vyo Mulungu so mhonelo yono yikondizye kugubulwa ku ndumo ye vilo.

1 Petelo 4:7

Ale, u mudumo we vinhu vyose wasejelela. Holeka munojeye muwe no wiyimile no kwikala meso, ho musume kulomba.

2 Petelo 2:1

Wakalawila wawizi wo wulambi muli wanhu, nha vivyo kanyhi iwejizi wo wulambi wololawila sunga na muli nyenye. Ne wanhu we liwala lilyo wololeta i mafundo go wiwajize no kumukana Muwaha mono yakawakomboza, na mu nzila yiyo wokwiletela musunho u wongomezwe wawo weneco.

2 Petelo 3:3

Mukwamula kumanya vyono mu vilo vya ku ndumo wolokuza wanhu wono mikalile yawo yitemigwe ne masulumizi gawo mabi. Wolowazwajizenyi nyenye,

1 Yohana 2:22

Alu u mulambi yo nani? Yo yuyo mono si yakuvumila vyono Yesu yo Kilisito. No munhu we nha vivyo, yo mulugu wa Kilisito, si yakuwavumila wose, u Sogo yo munhu no Mwana.

1 Yohana 4:1

Mo wendece wangu, mulece kumwihuwila munhu wo wose mono yakwiyitya yena Muhe wo Mulungu, langa mwamulaje mumulanjilile muno muno, ho muwone hono u munhu yuyo yakutongwa no Muhe wo Mulungu, hamba ngʼo. Hambi i wawizi wenji wo wulambi nha wakwijela mononze.

1 Yohana 4:3

Ninga munhu wo wose mono si yakumuvumila Kilisito mu nzila yiyo, yuyo yamusina u Muhe mulawa kuli Mulungu. U munhu yuyo yena u muhe mono yakulawa kuli ayulya u mulugu wa Kilisito, nanye mwakondya kumanya vyono yakuza, na aluno yakondya kuza yali mononze.

2 Yohana 1:7

Hambi i wakoci wenji nha wemuka kononze wono siwakuvumila vyono Yesu Kilisito yaza kono kwetu yakawa munhu. No munhu mono yakulonga nha vivyo, yuyo yo mulugu wa Kilisito.

Yuda 1:18

Wamulonjelenyi wakatya, “Mu vilo vya ku ndumo vilakuza, wolokuza wanhu wono wolowa kumuzwajizenyi, wanhu wono wakutyatya masulumizi gawo mabi.”