1 Yohana 2:13 - I CILAGANE CIPYA 1991

¹³ Nghumwandicilenyi nanye mo wasogo za munhu, hambi nha mumumanyile u mwene mono yali ho yuli kuwulawa ha mwamulizo. Nghumwandicilenyi nanye mo wazelelo, vyono mumusumile ayulya u mubi.

Luganuzi Luswanu Kuli Wanhu Wose 2002

¹³ Nghumwandicilenyi nanye mo wasogo za munhu, hambi nha mumumanyile u mwene mono yali ho yuli, ku wulawa ha mwamulizo. Nghumwandicilenyi nanye mo wazelelo, vyono mumusumile ayulya u mubi.

1 Yohana 2:13 ပူးပေါင်းရင်းမြစ်များ

Matayo 11:27

“Baba yamhela vinhu vyose. Na hasina mono yamumanyile Mwana, langa hono si Baba du, hamba hasina mono yamumanyile Baba, langa hono si Mwana du, kanyhi na wo wose mono u Mwana kokwenda kumumanyiza.

Matayo 13:19

U munhu wo wose mono yakuyihulika inghani yo Wutemi, hamba kuyizuka yaye, yuyo yo yehwanile i zimbeyu zizilya zono zagwa mu nzila, nayo u Mubi kazaga no kuyisukula ayilya yono yali yakondya kuhadikwa mu nhumbula ya yuyo munhu.

Matayo 13:38

Nawo u mugunda yo yinze. Nazo i zimbeyu zi zilya i ziswanu, wo wana wo wutemi. Ninga i mabalwe, wo wanhu wa ayulyo u Mubi.

Matayo 5:37

Hono wutye ‘Heya’ ale yiweze ‘Heya du!’ Na hono wutye ‘Ngʼo’ ale yiweze mbeka ‘Ngʼo’. Na yo yose yono yitimile zizo, yilawaga kuli ayulya u Mubi.

Luka 10:22

Hanyuma yakatya, “Baba yaviwika vyose mu miwoko yangu, hamba hasina mono yamumanyile Mwana yo wa hayi, langa Baba, hamba mono yamumanyile Baba yo wa hayi; langa Mwana, na muli wose mono Mwana yakuhila kumugubulila zizo.”

Yohana 14:7

Mhali mumanye ane, ho mwali mumumanye na Baba. Alu na lulu mumumanyile, kanyhi mwakondya kumuwona.”

Yohana 14:9

Yesu yakamutya, “Alo Filipo, i vilo vyose vivi vyono nikalane nanye, hongo wukali sinamanya? Mono yakondya kumbona ane, yamuwona na Baba. Alu kosuma nhawule kutya, ‘Wucilajile u Sogo yo Munhu.’

Yohana 16:3

Wolomunozezenyi nhavivyo, ku soko vyono si wamumanyile Baba, hamba na nene si wamanyile yaye.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Yohana 17:21

Nghuwalombela wose ho wawe cinhu cimonga. Baba, nghulomba wawe muli sese, nha vyono cinha nagwe, Baba, agwe wuli muli nene, nane nili muli gwegwe. Nghulomba wawe cinhu cimonga, we yinze ho wehuwile vyono yo gwegwe mono wanhuma.

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Yohana 8:19

Baho nawo wakamutya, “U Sogo yali hayi?” Yesu yakawatya, “Anye vyono si mumanyile ane, yo yikuleka si mumumanyile na Baba. Ninga hono mwali mumanye ane, mwali mumumanye na Baba nha vivyo.”

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kungʼalala mu wusu wa Kilisito.

1 Timoteyo 5:1

Ulece kumutacilo u munhu muwaha, langa wumunenaje kotya nha Sogo mono yakulelile. Uwatendele Iwadodo we cilume nawo, kotya nha wanduguzo,

Tito 2:6

Ne wazelelo nawo nha vivyo, wuwafundaje wawe no wiyimizi.

1 Yohana 1:1

Cikukwandicila zizi so i nghani yo wumi yono yali yili baho ku wulawa mwamulizo. Ase cayihulika no kuyiwona ne meso getu sese co weneco, cayiwona no kuyibata kwe miwoko yetu sese co weneco.

1 Yohana 2:1

Mo wanangu nghumwandicilenyi zizi, ho mulece kwituma wubi. Ninga yisolaga munhu ketuma wubi, cina nayo yumonga mono kacilombelaga kuli Baba, yo Yesu Kilisito, mono yali lingʼani.

1 Yohana 2:12

Nghumwandicilenyi nanye mo wana, vyono u wubi wenyu wakondya kuwusizwa mwitagwa lya Kilisito.

1 Yohana 2:14

Nghumwandicilenyi nanye mo wadodo, vyono mumumanyile u Sogo yo munhu. Nghumwandicilenyi nanye mo wa sogo zo munhu, vyono mumumanyile u mwene mono yali ho yuli ku wulawa ha mwamulizo. Nghumwandicilenyi nanye mo wazelelo vyono muli vilungo, ne nghani yo Mulungu yikwikala muli nyenye, kanyhi mumusumile ayulya u Mubi.

1 Yohana 3:12

Cilece kuwa nha Kayini mono yatongwa na ayulya u Mubi, yakawa kumuwulaga u mwanakwawe. Na ku sokoci yamuwulaga? Ku soko i metumo gakwe gali mabi, ninga i metumo go mwanakwawe gali maswanu!

1 Yohana 4:4

Ninga anye mo wana, muli wo Mulungu, kanyhi mwakondya kuwasuma wawo wawizi wo wulambi, hambi Muhe mono yali muli nyenye, nha yali vilungo muno muno, kuciza muhe mono yali muli wene, vyono wene wawo wo wanhu wa kononze.

1 Yohana 5:18

Ninga cimanyile vyono muli wose mono yakondya kuwa mwana wo Mulungu, siketumaga wubi, ku soko u Mwana wo Mulungu yakumukamisa. Na yuyo u Mubi si kosuma kumutamisa yaye.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye imbeka yono wayiganula, kanyhi wawuwona u wumi wawo si cinji, hamba wafwe.

Wugubule 2:7

“Mono yena makutu go kuhulicila, ale yazihulikaje zono u Muhe yakugalonjela i makanisa! “Nawo wono wosuma, ale, nowapela i lingʼani yo kulye mana go mubici wo wumi, wono wuli mu mugunda wo Mulungu.”