1 Yohana 1:6 - I CILAGANE CIPYA 1991

⁶ Holeka hono ciwe kutya cili wumonga nayo, na kuno ho cikwikala mu wutitu, cowa calonga wulambi mu wulonje na mu metumo.

Luganuzi Luswanu Kuli Wanhu Wose 2002

⁶ Holeka hono ciwe kutya cili wumonga nayo, na kuno ho cikwikala mu wutitu, cowa calonga wulambi mu wulonje na mu metumo.

1 Yohana 1:6 ပူးပေါင်းရင်းမြစ်များ

Matayo 7:22

Wenji wono wolononjela mwizuwa lyo wulingʼanizwe wakutya, ‘Muwaha, Muwaha! Mwitagwa lyako, cayiganulaga inghani yako, na mwitagwa lyako calavyaga macisi, no kunoza vitanjilo vinji.’

Yohana 11:10

Ninga munhu hono yawe kujenda ne cilo, kokwikobala, vyono wuzelu wuli musina muli mwene.”

Yohana 12:35

Yesu yakawatya, “Cikali cidaha cidodo, u wuzelu mwina nawo. Holeka mujende lono mukali mwina wuzelu wuwo, ho citi cilece kumwaganenyi, kusoko mono yakujenda mu citi, si yamanyile na kono yakubita.

Yohana 12:46

Ane naza, ho niwe wuzelu kononze, muli wose wono wonyihuwila, walece kwikala mu wutitu.

Yohana 8:12

Yesu lono yaduwaga ne Wafalisayo kanyhi, yakawalonjela, yakutya, “Ane yo nene wuzelu we yinze. Mono yakunhyatya nene, si kojendela lukulu mu wutitu, langa kowa no wuzelu wo wumi.”

Yohana 8:55

Nanye hamba si mumumanyile ngʼo, ane langa nimumanyile. Na hono nitye si nimumanyile, nowa mulambi nha nyenye. Ninga alu nimumanyile, ne nghani yakwe niyibataga.

1 Timoteyo 4:2

Imafundo ge liwala lilyo, gatandazagwa ne wanhu walambi kanyhi wakonji, wono i viselinji vyawo vinha kotya nha vinyanywe ne cuma cono cili moto.

Yakobo 2:14

Nye wandugu zangu, alu kocili cambuzici, hono munhu yatye yena wihuwilo, ninga kuno ho siyakulajila imetumo gayo? Alu wuwo wihuwilo wosuma kumuponya wule?

Yakobo 2:16

Cowa cambuzici kuli nye co kuwatya wawo, “Bitenyi mupolile mukote moto, mwigute,” hamba simukuwapela visakwa vyawo vyono wakuhila mu mikalile yawo?

Yakobo 2:18

Ninga munhu yadahile kutya, “Agwe wina wihuwilo, ane nina metumo!” Ale! Undajile ta vyono munhu kowa yena wihuwilo wono wusina metumo, nane nokulajila wihuwilo wangu mu metumo gangu.

1 Yohana 1:10

Na hono ciwe kutya cikali sinetuma wubi, cowa camunoza u Mulungu nha mulambi, ne nghani yakwe yili musina muli sese.

1 Yohana 1:3

Cico cono cawona na cono cahulika co cikumwazizenyi nanye, nanye ho muhanje nase mu wumonga wono cina nawo no Sogo yo munhu no Mwanagwe Yesu Kilisito.

1 Yohana 1:8

Na hono ciwe kutya cisina wubi, cikwikonga co weneco, ne mbeka muli sese musina.

1 Yohana 2:4

Na munhu hono yatye yamumanyile Mulungu, ninga kuno ho siyakugakamisa i malajilizo gakwe, u munhu yuyo mulambi, hamba ne mbeka yose yili musina muli mwene.

1 Yohana 4:20

No munhu hono yatye vyono yamwendile Mulungu, akuno ho yamusulile nduguye ayo yuyo mulambi. Vyono munhu mono si yamwendile nduguye mono yakumuwona ne meso, si kosuma kumwenda Mulungu mono si yakumuwona kwe meso.