1 Yohana 1:3 - I CILAGANE CIPYA 1991

³ Cico cono cawona na cono cahulika co cikumwazizenyi nanye, nanye ho muhanje nase mu wumonga wono cina nawo no Sogo yo munhu no Mwanagwe Yesu Kilisito.

Luganuzi Luswanu Kuli Wanhu Wose 2002

³ Cico cono cawona, na cono cahulika, co cikumwanzizenyi nanye, nanye ho muhanje nase mu wumonga wono cina nawo no Sogo yo munhu no Mwanagwe Yesu Kilisito.

1 Yohana 1:3 ပူးပေါင်းရင်းမြစ်များ

Yohana 17:11

Nane nghuza kwako luno, si nili mono yinze kanyhi. Ninga iwene wali mononze. Baba Mono Welile, wuwakamisizaje mwitagwa lyako lyono wamhela ane, nghukunena wuwakamisaje, ho wawe nha yumonga, nha vyono ase nase cili yumonga.

Yohana 17:21

Nghuwalombela wose ho wawe cinhu cimonga. Baba, nghulomba wawe muli sese, nha vyono cinha nagwe, Baba, agwe wuli muli nene, nane nili muli gwegwe. Nghulomba wawe cinhu cimonga, we yinze ho wehuwile vyono yo gwegwe mono wanhuma.

Yohana 17:25

Gwe, Baba we lingʼani, we yize si wakumanya, ane langa nakumanya, na wawa wamanya vyono yo gwegwe mono wanhuma.

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Yohana 19:35

Nayo mono yaziwona zizi, yazilonga, nanye ho mwihuwile. Na zizo zono yalonga, za mbeka, nayo yamanyile vyono yakulonga za mbeka.)

Metumo ge Watumwa 13:32

Nase alu, ciza bahano, ho cimuletelenyi u Luganuzi Luswanu, inghani yiyilya yono u Mulungu yawehuwiza wa kuku zetu,

Metumo ge Watumwa 13:41

‘Lanjenyi ta, anye mo wabedegazi, mwizine mwajilile! Hambi nha nghwituma mulimo mu vilo vyenyu, Mulimo wono si mokwihuwilila lukulu, hamba munhu yamulonjelenyi muno.’ ”

Metumo ge Watumwa 2:42

Na wawa wose wakajendelela kwiyijiza kulawa kuli watumwa imikalile ye cindugu, mu wubegule wo mukate ne malombo.

Metumo ge Watumwa 20:27

Hambi nha sinaleka kumuganulilenyi nghani zose zo Mulungu.

Metumo ge Watumwa 4:20

Hambi nha si cosuma kuleka kuzilonga zono cawona no kuhulika.”

Walumi 15:27

Weneco du wendezwa kunoza nha vivyo; ninga imbeka awo, wali mulimo wawo kuli wene. Hambi hono iwanhu we makungugo ganji wakondya kuhanga u wumoti we cimuhe we Wayahudi, holeka yiwanojeye nawo luno, wawetumamile Wayahudi mu visakwa vyawo vyo muwili.

1 Wakolinto 1:30

U Mulungu mweneco du yo yamulunzenyi anye na Kilisito Yesu. U Mulungu yamunoza Kilisito, yo yawe go mahala getu, na mu nzila yakwe du, ase mo cikulamulilwa no Mulungu, cikuwa cili wanhu wo Mulungu mono celile, kanyhi mono cakondya kukombozwa nayo.

1 Wakolinto 1:9

Nayo u Mulungu mono yamucemenyi anye, ho muwe no wumonga no Mwanagwe Yesu Kilisito u Muwaha wetu, mwene yo Mwihuwilwa.

1 Wakolinto 15:1

Alu wandugu zangu ane nyendile nimukumbucizenyi du, za kuli u Luganuzi Luswanu lono namuganulilenyi, anye mukalubocela, kanyhi mwimile mukamile muli lulo.

Waefeso 3:6

Ne nghani yiyo yono yihundicigwe nha yoyi, vyono mu nzila yo Luganuzi Luswanu, iwanhu we makungugo ganji mo wakutujila ilifungu lyawo hamonga ne Wayahudi muli zo wulugutwe wo Mulungu, wene nawo nha wali vilunzwa vyo muwili wuwulya, kanyhi wahanji wo wihuwizo wuwulya wono u Mulungu yawunoza mu nzila ya Kilisito Yesu.

Wafilipi 1:7

Na vyo yinojeye nimwihwesezenyi, hambi nha nghumukumbucilenyi nhondo zose mu nhumbula yangu. Hambi na nyenye wose, nha muhanjlie na nene, mwihewa lyono yamhela u Mulungu ho nilutetele no kulukangaza u Luganuzi Luswanu, mwidaha lili lono nili mujela, na kanyhi sunga na bahalya ha lulongozi lono nali nghali si ninawopwa mu jela.

Wafilipi 2:1

Alu wulenyi mikalile yenyu ya muli Kilisito, yikumupelenyi vilungo? hamba wendo wakwe wukumusindamicenyi? Aluno ma, mwina wumonga no Muhe Mono Yelile, kanyhi mukwiwonela lusungu no kwikalalila nyenye wose?

Wafilipi 3:10

Nane cono nghuhila, ho nimumanye u mwene Kilisito, kanyhi nivimanye ne vilungo vyo wuzuce wakwe, no kuhanga i magayo gakwe, no kwihwana nayo,

Wakolosayi 1:13

U Mwene yacikomboza mu wulawa mu vilungo vye citi, yakacileta cipolile mu wutemi wo Mwanagwe u mwendece,

1 Watesalonike 1:10

na luno mumulindilize u Mwanagwe yatime kulawa ku wulanga, mono u Mulungu yamuzukula muli wafu, yo Yesu, mono yakuciponya ne likuwo lyo Mulungu lyono likuza.

1 Timoteyo 6:2

Ne wawanda wono wena watwa zawo Wakilisito, walece kuwabedegala, hambi nha wandugu zawo. Langa yiwanojeye wawetumamile mu wuswanu muno wose, hambi wawo wono watugaga cambuzi mu mulimo wawo, nha wo wawo wono wehuwiye kanyhi wendece kuli Mulungu. Yikunojeye kwijiza no kuziganula izinghani azi:

Wahebelaniya 2:12

nha vyono yakutya, “Gwe go Mulungu, nowalonjela i wandugu zangu ze metumo gako. Nane nokukumizya mu ciligati yo wihangulize wawo.”

Wahebelaniya 3:1

Ale anye wandugu zangu, mo wanhu wo Mulungu mono mwacemwa no Mulungu, mwihwesaje za Yesu mono u Mulungu yamutuma yawe Mukohani Muwaha wo wihuwilo wetu.

Wahebelaniya 3:14

Hambi ase nha ceza cili hamonga na Kilisito, soko ciwe ciwukamise muno muno u witumbilo wetu wono cali cina nawo hamwamulizo.

1 Petelo 5:1

Nyo wanyamhala! Ane no munyamhala muyenyu, nghumulombenyi nghani yi monga du, nyo wanyamhala wayangu. Hambi nene no mweneco nha newonelela ne meso gangu, imagazo ga Kilisito kanyhi nitumbiye kuhanga lululya u lukumyo wono wologubulwa. Ale, ane nghumunenenyi,

2 Petelo 1:16

Mu vilo vyono cawejizenyi ze nyiza yakwe mbaha u Mutwa wetu Yesu Kilisito, sicatyatya zisimo ze cibwete bwete zono zisina nhunizo yo yose. Ase cikawuwona ulukumyo lwakwe na meso getu co weneco.

1 Yohana 1:1

Cikukwandicila zizi so i nghani yo wumi yono yali yili baho ku wulawa mwamulizo. Ase cayihulika no kuyiwona ne meso getu sese co weneco, cayiwona no kuyibata kwe miwoko yetu sese co weneco.

1 Yohana 1:5

I nghani yono cayihulika kuli Yesu, yono cikumulonjelenyi nha yoyi, u Mulungu wo wuzelu, na muli mwene, musina hamba citi.

1 Yohana 1:7

Langa hono cikale mu wuzelu, nha vyono u mwene yali mu wuzelu, baho langa cowa no wumonga sese kwa sese, ne sakami yakwe Yesu Kilisito u Mwanagwe, yocikwema mu wubi wose.