1 Yohana 1:2 - I CILAGANE CIPYA 1991

² No wumi wuwo waza kwanzalikwa, ase cawuwona, nalu cikulonga kanyhi cikumulonjelenyi zo wumi wuwo we cibitilila wono wali ko Sogo yo munhu, hanyuma wukanzalikwa kwetu.

Luganuzi Luswanu Kuli Wanhu Wose 2002

² No wumi wuwo wali weza kwanzalikwa, ase cawuwona, nalu cikulonga, kanyhi cikumulonjelenyi zo wumi wuwo we cibitilila, wono wali ko Sogo yo munhu, hanyuma wukanzalikwa kuli'se.

1 Yohana 1:2 ပူးပေါင်းရင်းမြစ်များ

Yohana 1:18

Hasina munhu mono yamuwona Mulungu hanji ho hose, u Mwana we ciwene mono wali sawa no Mulungu, mono vilunzize no Sogwe, yuyu yo yacimanyiza zo Mulungu.

Yohana 1:4

U Mwene yali yo mwamulizo wo wumi; no wumi wuwo wali wuzelu we wanhu wose.

Yohana 10:28

Nane nghuzipela wumi we cibitilila, nazo si zolokwajilila yaye, hamba hasina yunji mono kosuma kuziboka mu muwoko wangu.

Yohana 14:6

Yesu yakamutya, “Ane nha yo nene nzila, ne mbeka, no wumi. Hasina mono kosuma kubita kuli Baba, langa sunga yakolele muli nene.

Yohana 15:27

Nanye mukuhomelela izangu, vyono kuwulawa mwamulizo, mwikalaga nane.

Yohana 16:28

Nalawilila kuli Mulungu, nghaza kononze, alu nghuyileka kanyhi yinze, nghubita kuli Baba.”

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Yohana 17:5

Alu nhondo Baba, wunghumizyaje hali gwegwe ko lukumyo lululya lono nali nina nalo, lono yinze yali yikali hamba si nawumbwa.

Yohana 19:35

Nayo mono yaziwona zizi, yazilonga, nanye ho mwihuwile. Na zizo zono yalonga, za mbeka, nayo yamanyile vyono yakulonga za mbeka.)

Yohana 21:14

Alu lwali lo lwe kadatu, lwa Yesu kwilajila kuli wejizwa wakwe, lono yali yakondya kuzuka muli wafu.

Yohana 3:13

“Hasina munhu mono yabita ku wulanga, langa hono si u Mwana wo Munhu, yo yatima kulawa ku wulanga.”

Yohana 7:29

Ninga ane nimumanyile, hambi nha nalawa kwakwe, nayo yo yanhuma.”

Yohana 8:38

Ane nghulonga zono nawona kwa Baba, nanye mukwituma zono mwahulika ko sogo yenyu.”

Metumo ge Watumwa 10:41

ninga si kuli wanhu wose, langa kuli wawo wono u Mulungu yali yakondya kuwahagula wawe wahomelezi wakwe, wo wutya, yo sese mono calizana no kungʼwezana hamonga nayo, lono yali yazuka muli wafu.

Metumo ge Watumwa 2:32

Yuyo Yesu, Mulungu yamuzukula, nase wose cili wahomelezi we nghani yiyo.

Metumo ge Watumwa 3:15

Mukawa muwulaga ayulya mono yo mwamulizo wo wumi. Ninga Mulungu yamuzukula, nase yo sese mono cili wahomelezi we nghani yiyi.

Metumo ge Watumwa 5:32

Nase cili wahomelezi we zinghani zizi, nayo nha vivyo Muhe Mono Yelile, mono u Mulungu yawapela wono wakumuhulika, nayo yakuyihomelela nghani yiyo.”

Walumi 8:3

U Mulungu yaketuma, yono u Wulajilize si wasuma kwituma so wusocele wo munhu. U Mulungu yakamutuma u mwanagwe, mu hwani yono yilingʼaniye no muwili wetu ase co wanyo wubi ho vidome no wubi na so muwili wuwo, yakawusuma u wubi.

Wagalatiya 4:4

Ninga i vilo vyali vyeza kufika, u Mulungu yamutuma u Mwanagwe mono yalelwa no mucekulu, yakekala mu Wulajilize,

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali lingʼani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

2 Timoteyo 1:10

Ninga alu cakondya kugubulilwa so wuze wo Mukombozi wetu Yesu Kilisito, u mwene yakondya kuvidumizya lukulu i vilungo vye lifwa, nayo yakawanzalika u wumi wono wusina lifwa, mu nzila yo Luganuzi Luswanu.

Tito 1:2

wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo ntu myaka ye katali lono yali yikali si nawa,

1 Petelo 5:1

Nyo wanyamhala! Ane no munyamhala muyenyu, nghumulombenyi nghani yi monga du, nyo wanyamhala wayangu. Hambi nene no mweneco nha newonelela ne meso gangu, imagazo ga Kilisito kanyhi nitumbiye kuhanga lululya u lukumyo wono wologubulwa. Ale, ane nghumunenenyi,

1 Yohana 1:1

Cikukwandicila zizi so i nghani yo wumi yono yali yili baho ku wulawa mwamulizo. Ase cayihulika no kuyiwona ne meso getu sese co weneco, cayiwona no kuyibata kwe miwoko yetu sese co weneco.

1 Yohana 2:25

No wihuwizo wono yacihuwiziza ase, nha wowu, u wumi we cibitilila.

1 Yohana 3:5

Kanyhi mumanyile nha vyono Kilisito yaza ho yawuwuse u wubi wetu, na vyono kanyhi muli mwene musina wubi wo wose.

1 Yohana 3:8

Ninga mono yakwituma wubi, yuyo yo wa Setani, hambi Setani nha ketumaga zo wubi ku wulawa mwamulizo. Ninga u Mwana wo Mulungu yakaza mononze ho yayihodanje i milimo ya Setani.

1 Yohana 4:14

Ase cakondya kumuwona no kuwalonjela i wanji vyono u Sogo yo munhu yamutuma yawe Mukomboza yinze.

1 Yohana 4:2

Na ayi yo nzila yo kumumanyila u munhu hono yakutongwa no Muhe wo Mulungu, muli wose mono yakuvumila vyono Kilisito yaza, yakawa munhu, u munhu yuyo yena Muhe wo Mulungu.

1 Yohana 5:11

No wuhomelezi weneco nha wowu: U Mulungu yacipela wumi we cibitilila, no wumi wuwo wuli muli Mwanagwe.

1 Yohana 5:13

Nghumwandicilenyi ho mumanye vyono mwina wumi we cibitilila, anye mono mwihuwiye mwitagwa lyo Mwana wo Mulungu,

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.