1 Wakolinto 9:24 - I CILAGANE CIPYA 1991

²⁴ Alu si mumanyile vyono mu ciwanza ce midawalo, hamba wawe wawalya wono wakwisumaniza u lumangho, wose wakumangha, ninga hakuwezaga ho yuli yumonga du mono yakupegwa zawadi?

Luganuzi Luswanu Kuli Wanhu Wose 2002

²⁴ Alu si mumanyile vyono mu ciwanza ce midawalo, hamba wawe wawalya wono wakwisumaniza u lumangho, wose wakumangha, ninga hakuwezaga ho yuli yumonga du mono yakupegwa zawadi?

1 Wakolinto 9:24 ပူးပေါင်းရင်းမြစ်များ

Walumi 6:16

Mumanyile vyono, hono mwiyilavye nyo weneco kuli yunji, no kuwa wawanda wakwe, na mbeka mukuwa wawanda wa yuyo, hono muwe wawanda wo wubi, ndumilizo yayo wufwe, na hono wuwe wawanda we cihuliko, ndumilizo yayo, mukunozwa ho muvumilwe hali Mulungu.

1 Wakolinto 9:13

Alo si mumanyile vyono, wono wetumamaga mu Nyumba yo Mulungu, watugaga ndigwa yawo mu wulawa mu Nyumba yo Mulungu, na vyono kanyhi, nawo wono walavizyaga vilavya vyawo mu cikumbicilo watugaga nawo lifungu lye vilavya vivyo?

1 Wakolinto 9:23

Nane nghuzinoza zizi zose ku soko yo Luganuzi Luswanu, ho sume kuhanga u wulugutwe wayo.

1 Wakolinto 9:26

Ale, nane nha vivyo vyo manghaga, akuno nina no wuhile wo wusume, holeka nane nihwanile nho mutowa zingumi, mono si katowaga zingumi mu mbeho caka du.

Wagalatiya 2:2

No wubite wangu walawilila mu wugubule wono yangubulila Mulungu. Na muwihangulize we cinyele, nghasuma kuwaloloseza wawo iwalongola ze nghani yo Luganuzi Luswanu lono naluganula kuli wanhu we makungugo. Nanoza nha vivyo ho mulimo wangu wono nali nakondya kuwituma, sunga na wono nali nghali kuwituma, wulece kuwa nha nghani ya bwete.

Wagalatiya 5:7

I mijendele cakondya kuwa muli Kilisito Yesu, kwalama hamba wula kwalama mose musina cambuzi, i nghani yono yina cambuzi, wo wihuwilo wono wukwitumila u mulimo mu wendo.

Wafilipi 2:16

hono muyibate mukamile i nghani yo wumi. Nane baho ho notujila i nghani yo kwilumbila mwizuwa lilya lya Kilisito, hambi nha ho yolokwijelela vyono u wuhidimbazi wangu hamonga no mulimo wangu si vyajilila bwete.

Wafilipi 3:12

Si nghwiwona vyono kotya nakondya kusuma, hamba vyono nakondya kuwa nghwilaniciye, langa nghujendelela kusimbilila ho nicituje i cipegwa cono nebatilwa na Kilisito Yesu.

Wafilipi 3:14

Holeka nili mu lumangho nanjlie ku wulunji wangu ho nicituje i cipegwa cicilya cono lo lucemo lo Mulungu so mikalile ya kucanyha mu nzila ya Kilisito Yesu.

Wakolosayi 2:18

Kanyhi mulece kuvumila kulingʼanizwa na munhu yunji, mono yakwinoza nha munhu we lilumbo ku soko yo wuwona wupumulilwe wakwe, na kwisacila u winenenyhezi wo wulambi, no wuhembi wo kuhemba wamalayika. U munhu mono yenha nha vivyo yalelepeye mu mahala go wulele ge ciyinze yinze.

Wahebelaniya 12:1

Ase cina ipuga iwaha lye wahomelezi wono wali hawande yetu. Holeka ku soko yiyo ciyilegaje muli vimizi vyose vyono vikucimila, hamonga no wubi wono wucinamatiye muno muno. Kanyhi cimanyhe ko wukangalizi mu witije wono wuli hamwande yetu.

Yakobo 1:12

Mumoti munhu mono yakukangalila wujelwe, hambi kolo yeza yasuma nha kopegwa i cihumbilizwa co wumi cono Mulungu yawatemezezya wawalya wono wamwendile.

Wugubule 3:11

Nghuza kuligwe musunho! Holeka wukamise muno muno cono wina ho yunji yalece kukusolela i cipegwa cako co wusume wako.