1 Wakolinto 9:18 - I CILAGANE CIPYA 1991

¹⁸ Alu u musahala wangu ma, co cici? U musahala wanguʼne, co cicino cilejeho cono napegwa co kuluganula bwete u Luganuzi Luswanu, hamba kudaya lingʼani yo yose yono yinojeye so kuluganula u Luganuzi Luswanu.

Luganuzi Luswanu Kuli Wanhu Wose 2002

¹⁸ Alu u musahala wangu ma, co cici? U musahala wangu'ne, co cicino cilejeho cono napegwa co kuluganula bwete u Luganuzi Luswanu, hamba kudaya ling'ani yo yose yono yinojeye so kuluganula u Luganuzi Luswanu.

1 Wakolinto 9:18 ပူးပေါင်းရင်းမြစ်များ

Yohana 4:36

Mono yakutwanga, yakubocela u musahala wakwe, nayo yakukonghola i nhwanga, ku soko yo wumi we cibitilila, mono yakuhadika na mono yakutwanga, ho wasangalalane hamonga.

Metumo ge Watumwa 18:3

Na vyono wene nawo wali mafundi wa kuhona mahema, nha vyono mweneco, holeka Pawulo yakekalana nawo, wakawa kwitumana hamonga.

Walumi 14:15

Hono wumukalaze u muyago ku soko ye ndigwa yono wukutya, wo wutya imikalile yako si yikulongwa no wendo. Wulece kulumbila lukulu i ndigwa yako yiwe sokosoko yo kumwajiliza yunji, mono Kilisito yamufwila.

1 Wakolinto 10:33

Ale, wose muweze nha vyono ninha nene, ane nghujela kuwendeza wanhu wose mu zinzila zose, hamba kulondola cambuzi cangu no mweneco, langa nghulondola cambuzi ce wanhu wose, ho waponywe.

1 Wakolinto 3:8

Ayulya mono yayihadika, na ayulya mono yayimwajilile malenga, wose wawo wali sawa du, hamba wawe wolobocela i cihumbilizwa munhu na lwakwe mu nghango yo wuhidimbale wo witume wawo weneco.

1 Wakolinto 7:31

nawo wono wakipiganziza za mononze yiyi, ale wawe nha wono si wakwipiganziza muno zizo. Hambi nha vyono cimanyile, yinze yiyino nha yikupuluta.

1 Wakolinto 8:9

Ninga mwilanjililaje, u welecele wenyu wuwu, wulece kuwanoza wono wena u wihuwilo wono wusoceye, wagwile mu wubi.

1 Wakolinto 9:12

Alu hono wawe wanji wena lingʼani yo kuzilanjilila zizo ku wulawa muli nyenye, wulenyi, ase ma, cisina lingʼani kuciza wene wawo? Ninga hamba nha vivyo, ase si cayitumamila lingʼani yiyo. Langa ase cakangalila du muli vyose, ho cilece kuluwicila cikobazo co cose cilya, u Luganuzi Luswanu lwa Kilisito.

1 Wakolinto 9:15

Ninga alu ane si netumamila hamba monga ya muli zizo. Hamba si nghwandika ho niyituje lingʼani hamba monga ya muli zizo, ninga kuliʼne, yali yiwe yili ciba hono nali nifwe, si nho kumunoza munhu wo wose yawone nha vyono nghwilumba bwete.

1 Wakolinto 9:17

Na hono nali niwe neyihagulila nene no mweneco u mulimo wuwu, haco nali niwe nanjiliye ho ndipwe musahala, ninga alu vyono nghuwituma u mulimo wuwu nha munhu mono nojeye niwitume, alu baho wo wutya, wo mulimo wangu du wono napegwa niwitume.

2 Wakolinto 4:5

Hambi ase, nha si cikwiyiganula sese co weneco, langa se cikumuganula Kilisito mono yo Muwaha, nase nha cili wetumami wenyu kusoko ya Yesu.

1 Watesalonike 2:6

Hamba si calondola lilumbo muli wanhu hamba muli nyenye, hamba kulawa kuli munhu wo wose,