1 Wakolinto 9:17 - I CILAGANE CIPYA 1991

¹⁷ Na hono nali niwe neyihagulila nene no mweneco u mulimo wuwu, haco nali niwe nanjiliye ho ndipwe musahala, ninga alu vyono nghuwituma u mulimo wuwu nha munhu mono nojeye niwitume, alu baho wo wutya, wo mulimo wangu du wono napegwa niwitume.

Luganuzi Luswanu Kuli Wanhu Wose 2002

¹⁷ Na hono nali niwe neyihagulila nene no mweneco u mulimo wuwu, haco nali niwe nanjiliye ho ndipwe musahala, ninga alu vyono nghuwituma u mulimo wuwu nha munhu mono nojeye niwitume, alu baho wo wutya, wo mulimo wangu du wono napegwa niwitume.

1 Wakolinto 9:17 ပူးပေါင်းရင်းမြစ်များ

Matayo 10:41

Nayo mono yakumubocela u muwizi, vyono muwizi, yuyo kobocela icihumbilizwa co muwizi. Nayo mono yakumubocela u munhu muswanu nayo kobocela i cihumbilizwa co munhu muswanu.

Matayo 24:25

Ta hulicizenyi, ane nimulonjelenyi zinghani zizi lono zikali si nawa.

Luka 12:42

U Muwaha yakatya, “Nani mbi u mwitumami mwihuwilwa kanyhi we mahala? Yo yulya mono mutwawe komuwika kuwa mwitumami mu nyumba yakwe, ho yawagawile ndigwa mu cidaha cono cikwiliye?”

Yohana 4:36

Mono yakutwanga, yakubocela u musahala wakwe, nayo yakukonghola i nhwanga, ku soko yo wumi we cibitilila, mono yakuhadika na mono yakutwanga, ho wasangalalane hamonga.

1 Wakolinto 3:14

Ne cinhu co cose cono u munhu yacitumamila, mu wuzenga mu musinji wuwo, hono cisume kuwukangalila u moto wuwo, ale u munhu yuyo nayo kolobocela i cihumbilizwa cakwe,

1 Wakolinto 3:8

Ayulya mono yayihadika, na ayulya mono yayimwajilile malenga, wose wawo wali sawa du, hamba wawe wolobocela i cihumbilizwa munhu na lwakwe mu nghango yo wuhidimbale wo witume wawo weneco.

1 Wakolinto 4:1

Ale, u munhu yaciwonaje ase nha cili wetumami wa Kilisito mono cakozwa i zinghani ze cinyele zo Mulungu.

1 Wakolinto 9:16

Na hono yiwe ane nghuluganula u Luganuzi Luswanu, ayo yo si nghani yo kwilumbila, langa wo mulimo wangu du, wono napegwa. Holeka, woyi he kuli ne, hono ndece kuluganula Luganuzi Luswanu!

1 Wakolinto 9:18

Alu u musahala wangu ma, co cici? U musahala wanguʼne, co cicino cilejeho cono napegwa co kuluganula bwete u Luganuzi Luswanu, hamba kudaya lingʼani yo yose yono yinojeye so kuluganula u Luganuzi Luswanu.

2 Wakolinto 8:12

Hono munhu yawe yena mutima wo wutazi, u Mulungu nayo kabocelaga co cose cono u munhu yuyo kosuma kulavya, Mwene si kakanililaga yaye.

Wagalatiya 2:7

Hamba nha vivyo, wali wamanyile vyono u Mulungu yo yanhuma kuluganula u Luganuzi Luswanu kuli wanhu we makungugo ganji, nha vyono Petelo yali yatumigwe kuwaganulila i Wayahudi.

Wakolosayi 1:25

Nane nanozwa ho niwe mwitumami we likanisa, nha vyono winha u mulimo wo Mulungu wono yamhela so cambuzi cenyu, wuwikanize wo kuyiganula inghani yakwe ko wukwilanicile,

1 Watesalonike 2:4

Ase cilongaga nhondo zose nha vyono yendile u Mulungu, hambi nha yo mweneco mono yaciwona ase cikwiliye, yakawa kucipela u mulimo wuwu wo Luganuzi Luswanu. Wo si wuhile wetu hamba hadodo ho ciwendeze wanhu, langa cikuhila kumwendeza u Mulungu, mono yazimanyile zinhumbula zetu sunga mo mugati.

Filemoni 1:14

Ninga si nosuma kwituma nghani yinji lono nghali si ninakombolwa na gwegwe. Si nyendile nghudindimize ho wunhaze, vyono u wuswanu wako wunojeye wulawilile mu wuhile wako gwegwe go mweneco, hamba si muwudindimizwe.