1 Wakolinto 9:12 - I CILAGANE CIPYA 1991

¹² Alu hono wawe wanji wena lingʼani yo kuzilanjilila zizo ku wulawa muli nyenye, wulenyi, ase ma, cisina lingʼani kuciza wene wawo? Ninga hamba nha vivyo, ase si cayitumamila lingʼani yiyo. Langa ase cakangalila du muli vyose, ho cilece kuluwicila cikobazo co cose cilya, u Luganuzi Luswanu lwa Kilisito.

Luganuzi Luswanu Kuli Wanhu Wose 2002

¹² Alu hono wawe wanji wena ling'ani yo kuzilanjilila zizo ku wulawa muli nyenye, wulenyi, ase ma, cisina ling'ani kuciza wene wawo? Ninga hamba nhavivyo, ase si cayitumamila ling'ani yiyo. Langa ase cakangalila du muli vyose, ho cilece kuluwicila cikobazo co cose cilya, u Luganuzi Luswanu lwa Kilisito.

1 Wakolinto 9:12 ပူးပေါင်းရင်းမြစ်များ

Luka 11:52

“Woyi he mo wejizi wo Wulajilize! Hambi nha mwawuhundika wufunguwo wo mulango we mahala, nyenye mo weneco si mwenjila, na wono wenjilaga mwawemila walece kwinjila.”

Metumo ge Watumwa 18:3

Na vyono wene nawo wali mafundi wa kuhona mahema, nha vyono mweneco, holeka Pawulo yakekalana nawo, wakawa kwitumana hamonga.

Walumi 15:22

Ku soko yiyo, nghemilwa kali kenji kuwuza kwenyu.

1 Wakolinto 13:7

Wendo wihuwilaga zose, witumbilaga zose, kanyhi wukangalilaga zose.

1 Wakolinto 6:7

I mbeka du, wuwo u wisitace wenyu wono mukwisitaka nyenye wose, wukulajila vyono anye mwasumilwa lukulu! Alu wulenyi, si yali yiwe yili ciba kulinye hono mutendelwe yono si yili lingʼani? Kanyhi si yali yiwe viswanu muno kulinye, hono wamubocenyi i zisawo zenyu.

1 Wakolinto 9:14

Nayo u Muwaha yalajiliza nha vivyo du, vyono nawo i waganula u Luganuzi Luswanu, yiwanojeye nawo watuje indigwa yawo kuwulawa mu Luganuzi Luswanu.

1 Wakolinto 9:15

Ninga alu ane si netumamila hamba monga ya muli zizo. Hamba si nghwandika ho niyituje lingʼani hamba monga ya muli zizo, ninga kuliʼne, yali yiwe yili ciba hono nali nifwe, si nho kumunoza munhu wo wose yawone nha vyono nghwilumba bwete.

1 Wakolinto 9:16

Na hono yiwe ane nghuluganula u Luganuzi Luswanu, ayo yo si nghani yo kwilumbila, langa wo mulimo wangu du, wono napegwa. Holeka, woyi he kuli ne, hono ndece kuluganula Luganuzi Luswanu!

1 Wakolinto 9:18

Alu u musahala wangu ma, co cici? U musahala wanguʼne, co cicino cilejeho cono napegwa co kuluganula bwete u Luganuzi Luswanu, hamba kudaya lingʼani yo yose yono yinojeye so kuluganula u Luganuzi Luswanu.

1 Wakolinto 9:2

Hamba niwe si nili mutumwa kuli wanhu wanji, ninga ane nili mutumwa kulinye. Anye nyenye, wo wuhomelezi wo wutumwa wangu, ku soko yo wilunze wenyu no Muwaha.

2 Wakolinto 11:12

Nojendelela kwituma du nha vyono nghwituma alu, ho ndece kuwapela cilejeho awalya wono wakusaka kutuga icilejeho co kwilumbila nha vyono ati wakwituma mulimo nha sese.

2 Wakolinto 11:20

Mukusuma kumukangalilila sunga no munhu mono yakumunozenyi muwe wawanda, u munhu mono ya kumusolelenyi vinhu vyenyu, mono yakumwiwonelenyi, mono yakumubedegalenyi no kumutowenyi ku wusu!

2 Wakolinto 2:12

Lono nali neza kufika ku Tulowa kuluganula u Luganuzi Luswanu lwa Kilisito, nghagana u mulango wuli mwazi ku soko yo mulimo wo Muwaha.

2 Wakolinto 6:3

Na kanyhi vyono si cikusaka ciwe ne lilema lyo lyose mu witumami wetu, holeka si cendile kumuwicila munhu wo wose cikobazo co cose.