1 Wakolinto 8:9 - I CILAGANE CIPYA 1991

⁹ Ninga mwilanjililaje, u welecele wenyu wuwu, wulece kuwanoza wono wena u wihuwilo wono wusoceye, wagwile mu wubi.

Luganuzi Luswanu Kuli Wanhu Wose 2002

⁹ Ninga mwilanjililaje, u welecele wenyu wuwu, wulece kuwanoza wono wena u wihuwilo wono wusoceye, wagwile mu wubi.

1 Wakolinto 8:9 ပူးပေါင်းရင်းမြစ်များ

Matayo 18:10

“Ale mwilanjililaje! Mulece kumubedegala yunji muyagwe ne wadodo wawa. Nghumulonjelenyi imbeka, vyono i wamalayika wawo kuko ku wulanga, wekalaga nhondo zose ha mwande yo Sogo yangu mono yali ku wulanga. [

Walumi 15:1

Ale, holeka ase mono cili vilungo mu wihuwilo wetu, yicinojeye ciwataze wono wasoceye mu wihuwilo, ho wasume kulewana no wusocele wawo. Cilece kwiyendeza sese weneco du.

1 Wakolinto 10:24

Ninga u munhu yalece kwilondolela cambuzi cakwe mweneco, langa i cambuzi co muyagwe.

1 Wakolinto 10:28

Langa hono munhu yunji yamulonjelenyi yatye, “I zindigwa zizino zikumbicilwa vihwani.” Ale hodu mulece kulya ku soko ya yuyo mono yazize kumulonjelenyi, hamonga na ku soko ye ciselinji, holeka mulece kulya.

1 Wakolinto 10:29

Nghutya vyono “Kusoko ye ciselinji, si ciselinji cenyu nyenye, aa, ngʼo, langa ciselinji ca yuyo mono yazize kumulonjelenyi.” Lunji mowuza mutye, “Kusoko ci welecele wangu wuwe wuli muli ciselinji ca munhu yunji?

1 Wakolinto 10:32

Mulece kuwa cikobazo kuli Wayahudi, hamba kuli Wagiliki, hamba mwikanisa lyo Mulungu.

1 Wakolinto 8:10

Hambi u munhu mono i ciselinji cakwe cisoceye, hono yakuwone agwe mono wina wizuce wukutya zindigwa zizo mugati ye cikumbicilo ce vihwani, wule, si kowa wamupela vilungo vyo kutya zindigwa zono zikumbiciywe vihwani?

1 Wakolinto 8:12

Na hono muwasutizye wandugu zenyu nha vivyo, no kuvitajila makomele viselinji vyawo, vyono visoceye, ale mowa mwamusutizya Kilisito.

1 Wakolinto 9:22

Kuli awalya wono wasoceye, ane nane nghawa nha mono yasoceye, ho niwatuje wawo wene wono wasoceye. Nghuwega wanhu wose vyono wenha, ho sume kuwaponezya mu nzila yoyose wanji wa muli wene.

2 Wakolinto 11:21

Nane nghuvumilila cevu, vyono ase cali cisoceye mu wituma zizi zose. Ale du kanyhi, na yiwe vyono yowa, ninga hono hawe hoyuli yunji wo wose mono yakwijelela kwilumbila muli cinji co cose, alu nghulonga nha munhu mulele, nane nokwijelela nha vivyo.

2 Wakolinto 11:29

Hono hoyuli yunji musocele, ale nane nhi musocele nha vivyo, na munhu wo wose hono yakwejelwe mu wubi, nane nghutuga wukalale muno.

2 Wakolinto 6:3

Na kanyhi vyono si cikusaka ciwe ne lilema lyo lyose mu witumami wetu, holeka si cendile kumuwicila munhu wo wose cikobazo co cose.

Wagalatiya 5:13

Hambi anye mo wandugu zangu nha mwacemelwa wulelele. Ninga u wulelele wuwo wulece kuwa cikojelo co kutemwa ne masulumizi ga mononze. Langa munojeye mweze kwiyitumamila mu wendo.

Wakolosayi 2:8

Mulanjilile, munhu yunji yalece kumwajilizenyi ko wusugu no wukoci we wanhu wono wusina cambuzi, wono wukulawilila mu mejizo ge zisimo ze wanhu, na mu myuhe yono yitemile, hamba si Kilisito mweneco!

1 Petelo 2:16

Mwikalaje nhe wanhu welecele, ninga mulece kuwitumamila u welecele wenyu wuwe nha cigubicizo co wubi, langa i mikalile yenyu yeze nhe wetumami wo Mulungu.

2 Petelo 2:19

Wawehuwizaga wanhu wanji, wakutya, ati wowa welecele, akuno kumbe weneco ho wawanda wo wuhodanjice. Hambi u munhu nha yakuwa muwanda wa co cose cilya cono cikondizye kumusumiza.

Wugubule 2:14

Ninga hamba nha vivyo, nina nghani zinji nyhefu kuliʼgwe, vyono wanji wa muli nyenye, muli watyatyi wa Balamu mono yamufunda Balaki, ho yawawicile cikobazo i wana wa Isilayeli ho walye zindigwa zono zali zikumbiciye vihwani, kanyhi wasenyhe.