1 Wakolinto 8:7 - I CILAGANE CIPYA 1991

⁷ Ninga hamba nha vivyo, si wose wono wena u wumanye wuwuno. Hambi nha howali wanhu wanji wono wavizowela i vihwani, wanhu wono sunga ne nzuwayi, lono wakutya zindigwa, wakuziwona kotya nha ndigwa zono zikumbiciywe vihwani. Na vyono viselinji vyawo visoceye, ale wakutipizwa mu viselinji vyawo.

Luganuzi Luswanu Kuli Wanhu Wose 2002

⁷ Ninga hamba nhavivyo, si wose wono wena u wumanye wuwuno. Hambi nha howali wanhu wanji wono wavizowela i vihwani, wanhu wono sunga nalu, lono wakulya zindigwa, wakuziwona kotya nha ndigwa zono zikumbiciywe vihwani. Na vyono viselinji vyawo visoceye, wakutipizwa mu viselinji vyawo.

1 Wakolinto 8:7 ပူးပေါင်းရင်းမြစ်များ

Metumo ge Watumwa 15:20

Langa ciwandicile baluwa, ciwalonjele vyono, walece kulya zindigwa zisemunwa, zono zilavigwe so vihwanicizo vye milungu, weleje no wusenyha, walece kulya nyama yo yose yono yinyonjigwe, kanyhi walece kungʼwa sakami.

Walumi 14:14

Mu wilunza hamonga no Muwaha Yesu, manyiye lukulu vyono, hasina cinhu cocose cono cisemunwa mu cihuma cayo, ninga hono munhu yehwese vyono cinhu co wutunga cisemunwa, hodu kuli mwene caweza cisemunwa.

Walumi 15:14

Wandugu zangu, ane no mweneco, manyiye lukulu vyono anye mo weneco mumemile u wuswanu, no wumanye wose, na kanyhi vyono mosuma kwiyilanjiza nyenye wose.

1 Wakolinto 10:25

Ale, mweze kulya cinhu co cose cono cikuguzwa mu sokoni, ninga mulece kuwuza wuza ku soko ye viselinji vyenyu nyo weneco,

1 Wakolinto 8:1

Aluno kuli i zindigwa zono zikumbiciywe vihwani, cimanyile nha vyono ase wose cina uwutanje mu mahala, ninga kanyhi u wutanje wuwo, wuwapelaga wanhu wawo no widunhumuzi, ninga u wendo, wuzengaga.

1 Wakolinto 8:4

Holeka kuli i zindigwa zono zikumbiciywe vihwani, ase cimanyile, vyono vihwani si cinji mono yinze, ase cimanyile vyono u Mulungu yo yumonga du.

1 Watesalonike 5:14

Kanyhi cikumunenenyi wandugu zangu, muwafundaje i wanhu wadoba, muwasinyhimikaje we zinhumbula zinyoga, muwebatilizaje wono wasoceye, kanyhi mweze na ngola kuli wose.