1 Wakolinto 8:6 - I CILAGANE CIPYA 1991

⁶ hamba nha vivyo, kuliʼse koyuli Mulungu yumonga du, Baba, u Muwumbi we vinhu vyose, mono sunga na sese nase cili baha ku soko yakwe. Na kanyhi, koyuli u Muwaha yumonga du, yo Yesu Kilisito, mono nayo mu nzila yakwe, vinhu vyose vikawumbwa, na mu nzila yakwe na sese nase mo cikuwumipila.

Luganuzi Luswanu Kuli Wanhu Wose 2002

⁶ hamba nhavivyo, kuli'se koyuli Mulungu yumonga du, Baba, u Muwumbi we vinhu vyose, mono sunga na sese nase, cili baha ku soko yakwe. Na kanyhi, koyuli u Muwaha yumonga du, yo Yesu Kilisito, mono nayo mu nzila yakwe, vinhu vyose vikawumbwa, na mu nzila yakwe na sese nase mo cikuwumipila.

1 Wakolinto 8:6 ပူးပေါင်းရင်းမြစ်များ

Matayo 11:27

“Baba yamhela vinhu vyose. Na hasina mono yamumanyile Mwana, langa hono si Baba du, hamba hasina mono yamumanyile Baba, langa hono si Mwana du, kanyhi na wo wose mono u Mwana kokwenda kumumanyiza.

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kononze.

Yohana 1:10

Ale, i Nghani yali mono yinze, ne yinze yawumbilwa muli mwene, ninga i yinze si yamutanga yaye.

Yohana 1:3

Ivinhu vyose vyawumbilwa muli mwene, na hasina ciwumbwa cinji co cose cono cawumbwa hono hasina mwene.

Yohana 10:30

Ane na Baba yo yumonga.”

Yohana 13:13

Anye mukuwa kunyitya, Mwijizi, kanyhi Muwaha, mulongaga mbeka, hambi nha yo nene.

Yohana 14:20

Mwizuwa lilyo, anye ho molomanya vyono ane nili muli Baba, nanye muli muli nene, nane nili muli nyenye.

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Yohana 20:17

Yesu yakamutya “Wulece kungʼangʼanila, hambi nha nghali sininabita kucanyha kwa Baba. Langa wubite wukawalonjele wandugu zangu, vyono ane nghubita kuli Baba, mono nanye yo Sogo yenyu, na kuli Mulungu wangu, mono nanye yo Mulungu wenyu.”

Metumo ge Watumwa 17:28

Nha vyono yalonga yunji yakatya, ‘Hambi muli mwene nha mo cikaliye womi, mo cikujendela, na mo ciweleye.’ Nha vyono wanji wayenyu wemba Mashayili wakutya, ‘Hambi na sese nha cili wanagwe.’

Metumo ge Watumwa 2:36

“Ne mhuga yose ya Isilayeli yiwanojeye wamanye manyi manyi, nha vyono, u Mulungu yamunoza yuyo, kuwa yo Muwaha kanyhi yo Kilisito, yuyo Yesu mono mwamutumbika nyenye.”

Metumo ge Watumwa 5:31

Yuyo yo Mulungu yamwinula sunga ko ku muwoko wakwe wo kulume, yakawa Mulongola no Muponyi, yawapele wa Isilayeli u wunene, ho wanenelwe uwubi wawo.

Walumi 11:36

Hambi i vinhu vyose nha vilawaga kwakwe, na vyose vikawa so vilungo vyakwe, na ku soko yakwe. U lukumyo lweze kuli mwene sunga cibitilila! Heya.

1 Wakolinto 1:2

nase, cikumwandicilenyi anye mono muli likanisa lyo Mulungu lyono lili kuko ku Kolinto. Anye mono mwakondya kwezezwa mu wilunza na Kilisito Yesu, kanyhi mukacemwa ho muwe wanhu wo Mulungu, hamonga ne wanhu wose, hanhu ho hose, wono wakumulomba u Muwaha wetu Yesu Kilisito, u Muwaha wawo, sunga na sese nha vivyo.

1 Wakolinto 12:3

Ninga alu mumanye vyono u munhu wo wose mono yakutongwa no Muhe wo Mulungu si kosuma kutya, “Yesu mulijitwe!” Na kanyhi nha vivyo, u munhu wo wose si kosuma kutya, “Yesu yo Muwaha,” hono yalece kutongwa no Muhe Mono Yelile.

1 Wakolinto 6:13

Kosuma kutya, “Indigwa yili so yinda, nayo yinda yili so ndigwa.” Heya, ninga u Mulungu, kolovihodanga vyose vyono vyejete. Ninga u muwili wo munhu si wawumbwa ho witumamilwe mu wusenyha, aa, ngʼo, langa wawumbwa ho wumwitumamile u Muwaha, nayo u Muwaha so muwili.

1 Wakolinto 8:4

Holeka kuli i zindigwa zono zikumbiciywe vihwani, ase cimanyile, vyono vihwani si cinji mono yinze, ase cimanyile vyono u Mulungu yo yumonga du.

Waefeso 1:3

Alenyi cimulumbe u Mulungu u Sogo yo Mutwa wetu Yesu Kilisito! Hambi mu wilunza na Kilisito, mumo mo yacimotezye ko kucipela ivipegwa vyose vye cimuhe kulawa ku wulanga.

Waefeso 3:14

Ku soko yiyo holeka nghumufugamila u Sogo yo Munhu,

Wakolosayi 1:6

No Luganuzi Luswanu, lukucila kulela mikalo, no kutandala mono yinze mose, nha vyono lwaza kwenyu nyenye, ku wulawa mwizuwa lililya lyono mwahulicila ze lihewa lyo Mulungu no kumanya vyono yili mbeka.

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

Wugubule 1:18

Ane yo nene mono nili mumi! Nali fwiye, ningaʼlu nili mumi cibitilila ne cibitilila. Nina wulajilize we lifwa sunga na wa muyinze ye wafu.