1 Wakolinto 8:3 - I CILAGANE CIPYA 1991

³ Ninga u munhu mono yamwendile u Mulungu, yuyo langa yo yamanyice kuli mwene.

Luganuzi Luswanu Kuli Wanhu Wose 2002

³ Ninga u munhu mono yamwendile u Mulungu, yuyo langa yo yamanyice kuli mwene.

1 Wakolinto 8:3 ပူးပေါင်းရင်းမြစ်များ

Matayo 7:23

Baho nane nowalonjela nitye, ‘Ane si nghumumanyenyi hamba hadodo, muwuce ha mwande yangu anye wose mo wetuma wubi!’

Yohana 10:14

Ane yo nene u mudimi muswanu. Iwangu niwamanyile, nawo iwangu, wamanyileʼne,

Yohana 21:17

Lwe kadatu kanyhi yakamutya, “Ati Simoni go mwana wa Yohana, wunyendile ane ʼmbi?” Nayo Petelo yakakalala vyono Yesu yamuwuzize kadatu yakutya, “Unyendile?” Yakamutya, “Muwaha, agwe wumanyile zose, wumanyile vyono ane nghwendile.” Yesu yakamutya, “Ale wudime zingholo zangu.”

Walumi 11:2

U Mulungu si yawakumhila kutali iwanhu wakwe wono yali yawasiwanuye kulawa na katali. Mukumbuciye mwene za Eliya, vyono gakulonga i Mandiko Gono Gelile, mwipango lyono yamungʼungʼulicilaga u Mulungu, ku soko ya Waisilayeli.

1 Wakolinto 13:12

Cono cikuciwona alu cinha futa du mwilole, yono si yikwijela viswanu, ninga baho hanyuma langa, ho colowona viswanu ciwonelela. Aluno manyile hadodo vivi du, ninga baho hanyuma langa, ho nolomanyila zose lukulu, nha vyono u Mulungu nayo yamanyile ane.

1 Wakolinto 2:9

ninga nha vyono gakulonga i Mandiko Gono Gelile, “Izinghani zono hamba liso likali si naziwona, hamba i likutu kuzihulika izinghani zono, hamba munhu yakali si nazihwesa mu nhumbula yakwe, ale, zizo zo u Mulungu yawawikaniziza wa walya wono wamwendile.”

Wagalatiya 4:9

Ninga alu vyono mwakondya kumumanya u Mulungu, lunji citye vyono mwakondya kumanyika no Mulungu, alu nhawule kanyhi mukuwuya ne nyuma no kuyitumamila kanyhi myuhe ayilya miciwa kanyhi yisoceye?

2 Timoteyo 2:19

Ninga musinji wono wukamile, wono wawikwa no Mulungu si wusinjisikaga yaye, na mucanyha yo musinji wuwo, zandikwe zinghani azi, “U Muwaha yawamanyile i wakwe,” na kanyhi, “Na muli wose mono yakwiyitya, mwene yo wo Muwaha, ale yimunojeye yeleje no wavu.”

Yakobo 1:12

Mumoti munhu mono yakukangalila wujelwe, hambi kolo yeza yasuma nha kopegwa i cihumbilizwa co wumi cono Mulungu yawatemezezya wawalya wono wamwendile.

Yakobo 2:5

Wandugu zangu, wendece, hulicizenyi ta! u Mulungu yakondya kuwahagula iwanhu wono waciwa wa mu yinze yiyi, ho wawe wagoli wo wihuwilo kanyhi wawubocelega wutemi wono yawatemezeza wa walya wono wamwendile.

1 Petelo 1:8

Anye mumwendile, hamba muwe simunamuwona, na kanyhi mumwihuwiye hamba muwe simukumuwona lulu. Holeka, mukusecelela muno ne nyemo yo lukumyo siyakulonga.

1 Yohana 4:19

Ase cina wendo, vyono Mulungu yamula kucenda.

1 Yohana 4:7

Mo wendece wangu, ciyendaje, hambi u wendo nha wulawaga kuli Mulungu. Muli wose mono yena wendo ale yuyo yo mwana wo Mulungu, kanyhi yamumanyile u Mulungu.

Wugubule 2:13

Manyile kono wikaye. Agwe wikaye ku wikalo wuwaha wa Setani! Ninga hamba nha vivyo, wukali wibatiliye litagwa lyangu, hamba si wunakana u wihuwilo wako wa kuliʼne, sunga na mu vilo vya Antipa, muhomelezi wangu mwihuwilwa, lonoyawulajilwa i hanhu hono kekalaga Setani.

Wugubule 2:19

Nigamanyile i metumo gako gose. Kanyhi manyile no wendo wako, no wihuwilo wako, u witumami wako, hamonga no wukangalizi wako. Agwe aluno wukwituma viswanu muno si nha hamwamulizo.

Wugubule 2:9

Nigamanyile magayo gako, kanyhi sunga no wuciwa wako, ninga imbeka agwe ho wuli mugoli. Kanyhi niwumanyile no wutovulwe wono watovulwa na walya wono wakwiyitya Wayahudi, ninga ho si Wayahudi we mbeka, langa ipuga lye Setani.