1 Wakolinto 8:10 - I CILAGANE CIPYA 1991

¹⁰ Hambi u munhu mono i ciselinji cakwe cisoceye, hono yakuwone agwe mono wina wizuce wukutya zindigwa zizo mugati ye cikumbicilo ce vihwani, wule, si kowa wamupela vilungo vyo kutya zindigwa zono zikumbiciywe vihwani?

Luganuzi Luswanu Kuli Wanhu Wose 2002

¹⁰ Hambi u munhu mono i ciselinji cakwe cisoceye, hono yakuwone agwe mono wina wizuce wukulya zindigwa zizo mugati ye cikumbicilo ce vihwani, wule, si kowa wamupela vilungo vyo kulya zindigwa zono zikumbiciywe vihwani?

1 Wakolinto 8:10 ပူးပေါင်းရင်းမြစ်များ

Metumo ge Watumwa 15:20

Langa ciwandicile baluwa, ciwalonjele vyono, walece kulya zindigwa zisemunwa, zono zilavigwe so vihwanicizo vye milungu, weleje no wusenyha, walece kulya nyama yo yose yono yinyonjigwe, kanyhi walece kungʼwa sakami.

Walumi 14:14

Mu wilunza hamonga no Muwaha Yesu, manyiye lukulu vyono, hasina cinhu cocose cono cisemunwa mu cihuma cayo, ninga hono munhu yehwese vyono cinhu co wutunga cisemunwa, hodu kuli mwene caweza cisemunwa.

Walumi 14:23

Ninga u munhu mono yakuwa no wukangamyanje kuli ndigwa yono yakulya, yuyo yakuhoswa hono yalye, ku soko ilitumo lyakwe lilyo, si lili mu wihuwilo ngʼo. Na co cose cono si cili mu musinji wo wihuwilo, wo wubi.

1 Wakolinto 10:32

Mulece kuwa cikobazo kuli Wayahudi, hamba kuli Wagiliki, hamba mwikanisa lyo Mulungu.

1 Wakolinto 8:4

Holeka kuli i zindigwa zono zikumbiciywe vihwani, ase cimanyile, vyono vihwani si cinji mono yinze, ase cimanyile vyono u Mulungu yo yumonga du.

1 Wakolinto 8:7

Ninga hamba nha vivyo, si wose wono wena u wumanye wuwuno. Hambi nha howali wanhu wanji wono wavizowela i vihwani, wanhu wono sunga ne nzuwayi, lono wakutya zindigwa, wakuziwona kotya nha ndigwa zono zikumbiciywe vihwani. Na vyono viselinji vyawo visoceye, ale wakutipizwa mu viselinji vyawo.

1 Wakolinto 8:9

Ninga mwilanjililaje, u welecele wenyu wuwu, wulece kuwanoza wono wena u wihuwilo wono wusoceye, wagwile mu wubi.