1 Wakolinto 8:1 - I CILAGANE CIPYA 1991

¹ Aluno kuli i zindigwa zono zikumbiciywe vihwani, cimanyile nha vyono ase wose cina uwutanje mu mahala, ninga kanyhi u wutanje wuwo, wuwapelaga wanhu wawo no widunhumuzi, ninga u wendo, wuzengaga.

Luganuzi Luswanu Kuli Wanhu Wose 2002

¹ Aluno kuli i zindigwa zono zikumbiciywe vihwani, cimanyile nha vyono ase wose cina uwutanje mu mahala, ninga kanyhi u wutanje wuwo, wuwapelaga wanhu wawo no widunhumuzi, ninga u wendo, wuzengaga.

1 Wakolinto 8:1 ပူးပေါင်းရင်းမြစ်များ

Metumo ge Watumwa 15:10

Alu so cici mukumujela Mulungu, ko kuwatwika wawo iwejizwa u mutegulo wono hamba wa kuku zetu hamba sese du, si casuma kuwudinghula?

Metumo ge Watumwa 15:29

Mulece kulya zindigwa zono zilavigwe so vihwani, mulece kungʼwa sakami, mulece kulya nyama ye nimu yono yinyonjigwe, kanyhi mwile-gaje no wusenyha. Mowa mwetuma viswanu, hono mulece kwituma zizo. Ale mwikalaje!”

Metumo ge Watumwa 21:25

Ninga kuli wanya Makungugo wono wehuwila, cawandicila, cikuwalajiliza, Walece kulya cinhu co cose cono cikumbiciywe milungu yo wulambi, walece kungʼwa sakami, walece kulya nyama yono yinyonjigwe, kanyhi weleje mu wusenyha.”

Walumi 11:25

Wandugu zangu, nghuhila muyimanye imbeka yiyi yono hundikwe, ho mulece kwiwona nha muli we mahala. I cibede ce Wayahudi, cali ca cipango cidodo du, sunga kolo iwanhu we makungugo ganji wamuziza u Mulungu.

Walumi 12:16

Muweze no wuswanu wu wulya du, muli nyenye wose. Mulece kuwa wedunhumuzi, langa mukwejelwe kuli zo witume wo winenenyhezi. Mulece kwiwona nha mono mwina mahala kuciza.

Walumi 14:10

Alu so cici agwe wukumulingʼaniza u muyago? Nagwe so cici lo wukumubedegala u muyago? Ase wose colokwima he ʼgoda lyo wulingʼanizi lyo Mulungu.

Walumi 14:14

Mu wilunza hamonga no Muwaha Yesu, manyiye lukulu vyono, hasina cinhu cocose cono cisemunwa mu cihuma cayo, ninga hono munhu yehwese vyono cinhu co wutunga cisemunwa, hodu kuli mwene caweza cisemunwa.

Walumi 14:19

Holeka yicinojeye cizibate nhondo zose izinghani zono ziletaga mulamu, na zono zikucitaza kwiyizenga sese wose.

Walumi 14:22

Holeka wukamise cono wihuwiye hagati yako no Mulungu wako. Yali ciba u munhu mono kolo yayidumula inghani yo kwituma, si yakucipingapinga iciselinji cakwe.

Walumi 14:3

No munhu mono kalizaga vyose, yalece kumubedegala ayulya mono si kalizaga vyose, nayo mono kalizaga mboga ye mahamha du, yalece kumulingʼaniza ayulya mono kalizaga vyose, hambi u Mulungu nha yakondizye kumuvumila.

Walumi 15:14

Wandugu zangu, ane no mweneco, manyiye lukulu vyono anye mo weneco mumemile u wuswanu, no wumanye wose, na kanyhi vyono mosuma kwiyilanjiza nyenye wose.

1 Wakolinto 1:5

Hambi nha ku soko yo wilunze wenyu na Kilisito, nha mwakondya kuwa muli wagoli we vinhu vyose. Kanyhi, mwakondya kupegwa u wumanye wose hamonga ne vilungo vyose vyo kuganulila,

1 Wakolinto 10:15

Ane nghulongana nanye nhe wanhu we mahala, holeka mwihagulilaje nyo weneco muli zizo zono nghulonga.

1 Wakolinto 10:28

Langa hono munhu yunji yamulonjelenyi yatye, “I zindigwa zizino zikumbicilwa vihwani.” Ale hodu mulece kulya ku soko ya yuyo mono yazize kumulonjelenyi, hamonga na ku soko ye ciselinji, holeka mulece kulya.

1 Wakolinto 14:20

Nye wandugu zangu, mulece kuwa nhe wana wadodo mu mahala genyu. Kuli zo wavu muweze nhe wana wagalika, ninga mu wihwese wenyu, yinojeye muwe nhe wanhu wono wakangaye.

1 Wakolinto 15:34

Ale, mwinukaje! Mwamulaje kanyhi kwikala mu mikalile miswanu, mulece kwituma wubi. Hambi wanji wa muli nyenye nha si wamumanyiye lukulu u Mulungu. Nane nghumulonjelenyi mbeka, vyono co cevu ciwaha kulinye!

1 Wakolinto 4:10

Ase cili walele ku soko ya Kilisito, ninga anye muli we mahala ku soko yo wilunze na Kilisito! Ase cisoceye, ninga anye muli vilungo. Anye mukupegwa lilumbo, ninga ase cikubedegalwa.

1 Wakolinto 4:18

Ale, alu wanji wa muli nyenye, wanza kwidunhumula, wakwihwesa mba vyono ane sinokuza kanyhi kuko kwenyu.

1 Wakolinto 4:6

Nye, wandugu zangu, zizo zose zono nizilonjile za kuli Apolo, na za kuli nene no mweneco, nha colecezo kuli nyenye. Na mu colecezo cetu ane na Apolo, anye ho musume kuyimanya nhunizo ye nghani ayi yono yikutya nhavi, “Muzikamisaje zono zandikwe.” Halece kuwa na munhu yunji wa muli nyenye, mono kosuma kwilumbila kuli u munhu yumonga, no kumubedegala umuyagwe.

1 Wakolinto 5:2

Alu mosuma nhawule kwilumba? Mbeka, yali yinojeye kuliʼnye kulila, na yuyo mono yetumile zizo, yinojeye yawuswe mulinye.

1 Wakolinto 5:6

Nye wayangu, u wilumbe wenyu wuwo, si wuswanu hamba hadodo! Alu si mumanyile vyono cisase cidodo du, cikuwa kutajila cisase mwibumundwa lyose lyo wusaje?

1 Wakolinto 8:2

Ale, holeka mono yakwihwesa nha yamanyile cinji, i mbeka, yuyo si yamanyile cinji co cose nha vyono yimunojeye kumanya.

1 Wakolinto 8:4

Holeka kuli i zindigwa zono zikumbiciywe vihwani, ase cimanyile, vyono vihwani si cinji mono yinze, ase cimanyile vyono u Mulungu yo yumonga du.

1 Wakolinto 8:7

Ninga hamba nha vivyo, si wose wono wena u wumanye wuwuno. Hambi nha howali wanhu wanji wono wavizowela i vihwani, wanhu wono sunga ne nzuwayi, lono wakutya zindigwa, wakuziwona kotya nha ndigwa zono zikumbiciywe vihwani. Na vyono viselinji vyawo visoceye, ale wakutipizwa mu viselinji vyawo.

Waefeso 4:16

na mu wutonji wakwe mo vikulunzizwa hamonga i vilunzwa vyose vyo muwili, no muwili wose wukwitumbila u wutazi we vilunzwa vyakwe. Holeka icilunzwa hono citume u mulimo waco nha vyono yinojeye, ale u muwili wose wukuwiluka no kwizenga weneco mu wendo.

Wakolosayi 2:18

Kanyhi mulece kuvumila kulingʼanizwa na munhu yunji, mono yakwinoza nha munhu we lilumbo ku soko yo wuwona wupumulilwe wakwe, na kwisacila u winenenyhezi wo wulambi, no wuhembi wo kuhemba wamalayika. U munhu mono yenha nha vivyo yalelepeye mu mahala go wulele ge ciyinze yinze.

Wugubule 2:14

Ninga hamba nha vivyo, nina nghani zinji nyhefu kuliʼgwe, vyono wanji wa muli nyenye, muli watyatyi wa Balamu mono yamufunda Balaki, ho yawawicile cikobazo i wana wa Isilayeli ho walye zindigwa zono zali zikumbiciye vihwani, kanyhi wasenyhe.

Wugubule 2:20

Ninga nina nghani monga du kuliʼgwe, nayo yoyi, Agwe wukumukangalila ayulyo mucekulu mono yakucemwa Yezebeli, mono yakwiyitya mwene yo muwizi wo Mulungu. Mwene yuyo Yezebeli yakuwa kuwafunda, kanyhi yakuwasutizya i wetumami wangu wasenyhe no kulya zindigwa zono zikumbiciywe vihwani.