1 Wakolinto 7:32 - I CILAGANE CIPYA 1991

³² Ninga ane nali nyende anye mulece kuwa na mahwele. U munhu mono yasina mugolece yuyo kepiganzaga ne milimo yo Muwaha, mu nghango vyono kosuma kumwendeza u Muwaha.

Luganuzi Luswanu Kuli Wanhu Wose 2002

³² Ninga ane nali nyende anye mulece kuwa na mahwele. U munhu mono yasina mugolece, yuyo kepiganzaga ne milimo yo Muwaha, mu nghango vyono kosuma kumwendeza u Muwaha.

1 Wakolinto 7:32 ပူးပေါင်းရင်းမြစ်များ

Matayo 13:22

I mbeyu ayilya nayo yono yagwila mu mabici ge mamivya, yihwanile u munhu mono yakuyihulika inghani, ninga i mahwele ga mononze yiyi hamonga ne masulumizi gayo ge zisawo, zikuyititiliza inghani yiyo, holeka u munhu yuyo si yakusuma kulela mikalo.

Maluko 4:19

ninga i mahwele ga kononze yiyi, ne makoco ge sawo, ne masulumizi ge mawala gose, gakuwenjlia no kuyititiliza inghani yiyo, nawo hamba siwakulela mikalo.

Yohana 10:13

U mudimi mono kadimaga so musahala, katizaga no kuzileka i zingholo, vyono u mwene yakuzidima kusoko yo kulipwa musahala.

1 Wakolinto 7:33

Ninga u munhu mono yatolile, yuyo kepiganzaga ne zinghani za mononze, mu nghango nha vyono kosuma kumwendeza u mugolece wakwe,

Wafilipi 4:6

Mulece kwihwelela muli cinji co cose, langa mu wulombe wenyu, mumulombaje u Mulungu i visakwa vyenyu, mumulombaje akuno mukumulumba mu zinhumbula zenyu.

1 Timoteyo 5:5

Ale, umucekulu mono mufwile mbeka, mono yasina munhu wo kumutaza, yakondya kumuwicilo Mulungu witumbilo wakwe, kanyhi yakujendelela kumulomba Mulungu no kuneneleza u wutazi wakwe cilo ne misi.