1 Wakolinto 7:28 - I CILAGANE CIPYA 1991

²⁸ Ninga na hono wutole, ale si kowa wetuma wubi yaye, no muhinza nayo nha vivyo hono yatolwe, si kowa yetuma wubi yaye. Wawo langa wono wetolile, wotuga magaziko ga mono yinze yiyi, ninga ane ku lwangu, si nali nyende zizo zimwaganenyi anye.

Luganuzi Luswanu Kuli Wanhu Wose 2002

²⁸ Ninga na hono wutole, si kowa wetuma wubi yaye, no muhinza nayo nhavivyo hono yatolwe, si kowa yetuma wubi yaye. Wawo langa wono wetolile, wotuga magaziko ga mono yinze yiyi, ninga ane ku lwangu, si nali nyende zizo zimwaganenyi anye.

1 Wakolinto 7:28 ပူးပေါင်းရင်းမြစ်များ

Matayo 5:32

Ninga ane nghumutyenyi, mono komupela u mugolece wakwe talaka, langa hono si kusoko yo wusenyha, yuyo yakumwambuza du yasenyhe, no munhu yunji hono yamutole u mucekulu mono yapejigwe talaka, nayo yakusenyha.

1 Wakolinto 7:26

Ale, ku soko yo wugaye wono wuli baho lulu, ane nali kuwona vyono yowa viswanu hono munhu yekale nha vyono ninha nene.

1 Wakolinto 7:27

Alu agwe hono wutolile, ale wulece kusaka kwileka no mugolece wako kanyhi. Nagwe hono wuwe si wutolile, ale hodu wulece kusaka kutola kanyhi.

1 Wakolinto 7:29

Nye wandugu zangu, ane nghusaka kutya nhavi, i cipango cono cisigaye cidodo du. Holeka awalya wono watolile, ale wekalaje nha kotya wono si watolile,

2 Wakolinto 1:23

No Mulungu yo muhomelezi wangu, mwene yo yayimanyile i nhumbula yangu! Ane, sinawuyajila kanyhi kuza ku Kolinto, ku soko du yo kumuwonelenyi lusungu.

Wahebelaniya 13:4

U wutole wuweze ne cogopo kuli wanhu wose, i walume ne wacekulu yiwanojeye weze wehuwilwa kuli munhu na muyagwe. Hambi u Mulungu nha kowalingʼaniza i wanhu we mikalile mibi ne wasenyha.