1 Wakolinto 7:22 - I CILAGANE CIPYA 1991

²² Ku soko vyono yuyo mono yacemwa no Muwaha akuno ho muwanda, ayo yuyo kawezaga munhu mwelecele, wo Muwaha. Sunga yuyo nayo nha vivyo, mono yacemwa akuno ho mwelecele ayo kawezaga mwitumami wa Kilisito.

Luganuzi Luswanu Kuli Wanhu Wose 2002

²² Ku soko vyono yuyo mono yacemwa no Muwaha akuno ho muwanda, ayo yuyo kawezaga munhu mwelecele, wo Muwaha. Sunga yuyo nayo nha vivyo, mono yacemwa akuno ho mwelecele ayo kawezaga mwitumami wa Kilisito.

1 Wakolinto 7:22 ပူးပေါင်းရင်းမြစ်များ

Walumi 1:1

I baluwa yiyi, yikulawa kuli nene Pawulo, u mwitumami wa Yesu Kilisito, no mutumwa mono nasiwanulwa, no kucemwa, kusoko yo kuluganula u Luganuzi Luswanu lo Mulungu.

1 Wakolinto 7:21

Wule, agwe wali wuli muwanda lono wacemelwa? Sawa! wulece kwihwelela, ninga hono wutuje cilejeho co kuwopolwa, ale wucitumamilaje cilejeho cico.

1 Wakolinto 9:19

Holeka hamba ane niwe si nili muwanda wa munhu wo wose, ninga nenoza ho niwe muwanda wa wanhu wose, ho sume kumutujila Kilisito wanhu wenji nha vyono yosumika.

1 Wakolinto 9:21

Na kuli awalya nawo wono wali kunze yo Wulajilize, nako nane nghuwa nhe weneco, kunze yo Wulajilize, ho sume kuwatuga wawo nawo wono wali kunze yo Wulajilize. Ninga si vyono ane no mweneco si niwutyatyaga u Wulajilize wo Mulungu, hambi nha mbopigwene lilajilizo lya Kilisito.

Wagalatiya 1:10

Alu mbi kanyhi nghusaka wukombolwe wa nani, we wanhu hamba wo Mulungu? Hamba nghusaka kuwendeza wanhu lo? Na hono noze nha vivyo, kwaco, ane si nali niwe mwitumami wa Kilisito.

Wagalatiya 5:1

Mu wulelele, Kilisito mo yaciwika, nayo yakasaka mo cikalaje mumo. Holeka mwime mukamile hamba mulece kuvumila kanyhi kuwa mu wutumwa.

Wagalatiya 5:13

Hambi anye mo wandugu zangu nha mwacemelwa wulelele. Ninga u wulelele wuwo wulece kuwa cikojelo co kutemwa ne masulumizi ga mononze. Langa munojeye mweze kwiyitumamila mu wendo.

Wakolosayi 4:12

Na Epafala nayo u munyawusi muyenyu, kanyhi u mwitumami wa Kilisito Yesu, nayo yakumulamusenyi. Kanyhi yakumulombelenyi nyenye nhondo zose ko wupiligazi, ho mwime mukamile, mukangale, mulece kusinjisika muli zose zono yakuzisaka u Mulungu.

Filemoni 1:16

Naluno mwene, si yenha muwanda du kanyhi, langa yawa muswanu kuciza muno si nha muwanda, u mwene yaweza ndugu yetu mwendece. Kanyhi yaweza munhu wa cambuzi ciwaha u kwangu, sunga no kwako nhavivyo si koleka kuwa munhu wa cambuzi ciwaha kotya muwanda na kanyhi kotya ndugu yetu muli Muwaha.

1 Petelo 2:16

Mwikalaje nhe wanhu welecele, ninga mulece kuwitumamila u welecele wenyu wuwe nha cigubicizo co wubi, langa i mikalile yenyu yeze nhe wetumami wo Mulungu.

2 Petelo 1:1

Ane yo nene Simoni Petelo, u mwitumami no mutumwa wa Yesu Kilisito. Nghumwandicilenyi nyenye mono so wuswanu wo Mulungu wetu, hamonga no Mukombozi Yesu Kilisito, mwapegwa u wihuwilo wuwulya wo wuguzi wukamu wono capegwa na sese.

Yuda 1:1

Ane Yuda u mwitumami wa Yesu Kilisito, kanyhi mono nili muwahawe wa Yakobo, nghumwandicilenyi anye mono mwacemwa no Mulungu, mono muli mu wendo wo Mulungu Baba, na mu wukamiswe wa muli Yesu Kilisito.