1 Wakolinto 5:8 - I CILAGANE CIPYA 1991

⁸ Holeka cinoze sikukuu mbaha, ninga yilece kuwa mu cisase acilya ce katali, i cisase co wubi no wavu, langa ku ndigwa yono si yisasize, i ndigwa yo wuswanu ne mbeka.

Luganuzi Luswanu Kuli Wanhu Wose 2002

⁸ Holeka cinoze sikukuu mbaha, ninga yilece kuwa mu cisase acilya ce katali, i cisase co wubi no wavu, langa ku ndigwa yono si yisasize, i ndigwa yo wuswanu ne mbeka.

1 Wakolinto 5:8 ပူးပေါင်းရင်းမြစ်များ

Matayo 16:12

Alu baho nhondo, iwejizwa wakwe ho wakamanya, vyono yali kuwalonjela wasuguce, si ku cisase co mukate, langa kumbe, wasuguce kuli i mejizo ge Wafalisayo na ge Wasadukayo.

Matayo 16:6

Yesu yakawatya, “Mwikalaje meso, kanyhi mweze musujile kuli cisase ce Wafalisayo ne Wasadukayo!”

Maluko 8:15

Yesu yakawakonghonheza, yakutya, “Lanjenyi ta! Mweze musujile kuli cisase ce Wafalisayo ne cisase ca Helode.”

Luka 12:1

Baho lono wanhu maelufu menji wali wetangʼanila, sunga wakawa kwikanyanjila, Yesu yakamula kuwalonjela wejizwa wakwe, “Musuje kuli cisase ce Wafalisayo wo wukoci.

Yohana 1:47

Yesu yakamuwona Nataneli yakuza kuli mwene, yakalonga zo mwene “Mulanje! Ayo yo Muyisilayeli we mbeka, mono yawusina wukonji wo wose muli mwene.”

1 Wakolinto 3:3

hambi nha mukali muli wanhu we ciyinze yinze. Alu wulenyi, tya yili mbeka, vyono muli nyenye mukali mowuli wivu no wugombane? Alu i zinghani zizo zo zikulajilila vyono anye, mukali muli wanhu we ciyinze yinze, kanyhi mwikaliye mu mikalile ye ciyinze yinze.

1 Wakolinto 5:1

Ko zili nghani za mbeka, vyono, mowuli wusenyha muli nyenye, kanyhi no wusenyha wuwo wono mwina nawo, wo wusenyha wubi muno muno, wono wukali hamba si wunawa muli wanhu wono wakali si namumanya Mulungu. Nonjelwa vyono u muyenyu yunji, ati yekaye no mugolece wo sogwe!

1 Wakolinto 5:6

Nye wayangu, u wilumbe wenyu wuwo, si wuswanu hamba hadodo! Alu si mumanyile vyono cisase cidodo du, cikuwa kutajila cisase mwibumundwa lyose lyo wusaje?

2 Wakolinto 1:12

Ase cikwilumbila cinhu cimonga du, vyono viselinji vyetu vikucihomelela vyono muwikale wetu wa mono yinze yiyino na komuno muliʼnye, cekala ko winenenyhezi wose hamonga no wele wa mu nhumbula wono wukulawa kuli Mulungu, hamba si catongwa ne lihala lye cimunhumunhu, langa catongwa ne lihewa lyo Mulungu.

2 Wakolinto 2:17

Ase si cinha wanji wono wayinozezaga nghani yo Mulungu wusuluza. Ninga ase cikuyiganula inghani yo Mulungu kwe nhumbula nzelu hali Mulungu, mono cakondya kwilunza na Kilisito, kanyhi nhe wanhu wono watumigwe no Mulungu.

2 Wakolinto 8:8

Si nghumupelenyi ilajilizo, langa nghuhila kulajila du nha vyono wanji wena wuhidimbazi wo wutazi, ho sume kuwumanya u wendo wenyu vyono wa mbeka.

Waefeso 6:24

Nghulomba, ilihewa lyo Mulungu liweze muli wose wono wamwendile u Muwaha wetu Yesu Kilisito ko wendo wono wusina ndumilizo.

1 Petelo 4:2

Holeka kuwulawa lulu, imikalile yenyu yono yisigaye kwikala kukuno kononze, yinojeye muwe kutongwa no wuhile wo Mulungu, hamba si ne masulumizi ge cimunhu munhu.