1 Wakolinto 5:5 - I CILAGANE CIPYA 1991

⁵ ale, mumupelaje Setani u munhu yuyo, u muwili wakwe ho wuhodangwe, ninga nhumbula yakwe, ho yisume kuponywa, Mwizuwa alilya lyo Muwaha.

Luganuzi Luswanu Kuli Wanhu Wose 2002

⁵ ale, mumupelaje Setani u munhu yuyo, u muwili wakwe ho wuhodangwe, ninga nhumbula yakwe, ho yisume kuponywa, mwi'zuwa alilya lyo Muwaha.

1 Wakolinto 5:5 ပူးပေါင်းရင်းမြစ်များ

Matayo 4:10

Baho nhondo, Yesu yakamulonjela Setani yakatya, “Bita ko Setani! Hambi nha yandikwe vyono, ‘Komuhemba Muwaha u Mulungu wako, nagwe komwitumamila u mweneco yali wene du.’ ”

Luka 22:31

“Simoni, Simoni wuhulicize, Setani yakomboywe ho yamupelenyi anye nha vyono munhu kapetaga wuhemba,

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

1 Wakolinto 1:8

U mwene Yesu, komusikamyenyi nyenye wose sunga ko ku ndumo, ho muze mwijele musina yilema lyo lyose, kwizuwa alilya lyo Muwaha wetu Yesu Kilisito.

1 Wakolinto 11:32

Ninga lono cikulingʼanizwa no kulipicizwa no Muwaha, ho baho cikwijizwa ho ciwe ne cogopo, ho cilece kulingʼanizwa hamonga ne yinze.

2 Wakolinto 10:6

Mulawa mweza kuwa mwakwilanicila mu cihuliko, ale ase ciwikanizize lukulu kuwulipiciza u wula cihuliko wose.

2 Wakolinto 12:7

Ninga ho ndece kwilumba so zinghani zizi zimbaha zono nagubulilwa, napegwa wusungu mu muwili wangu kotya yimiya, u mwitumami wa Setani, mono yakunhowa, ho ndece kwilumba kuciza.

2 Wakolinto 13:10

Ale holeka nghuyandika baluwa yiyi lono nili kunji, nilawa neza kufika kuko ho ndece kuwa nili mukali kuliʼnye no kuwitumamila u wulajilize wono napegwa no Muwaha, u wulajilize wo kumusikamyenyi hamba si wo kumugwisenyi yaye.

Wafilipi 1:6

Holeka nitumbiye vyono, u Mulungu mono yawanza u mulimo wuwu muswanu muli nyenye, kowujendeleza sunga ko ku wukondelecele mwizuwa tilya lya Kilisito Yesu.

1 Timoteyo 1:20

Na muli wawo, wo wa Himenayo na Alekizanda, wono nawakombola kuli Setani, ho wejizwe wapele kumutovula u Mulungu.

2 Timoteyo 1:18

U Muwaha yamuwonele lusungu Mwizuwa lilya! Kanyhi na gwegwe nha vivyo, wuzimanyile viswanu zi nyinji zono yanyitumamila kuko ku Efeso.

2 Petelo 3:12

akuno mulilindiye lizuwa lilya lyo Mulungu, no kulisunhaniza lize mbela mbela, i lizuwa lyono wulanga wolokongomezwa no moto no kuhodangwa, ne vinhu vyayo vye katali, vyolokwenjedulwa.

1 Yohana 5:16

U munhu hono yamuwone nduguye yakwituma wubi wono siwomufisa ku wufwe, yimunojeye yamulombele kuli Mulungu, nayo Mulungu komupela wumi. Nghulonga yiyi kuli awalya wono wetumile wubi wono si wo wufwe. Ninga ho wuli u wubi wono wudahile kumufisa munhu ku wufwe, nane singhutya vyono munojeye mumulombe Mulungu ku so wuwo.