1 Wakolinto 5:11 - I CILAGANE CIPYA 1991

¹¹ Ninga ane cono natunilizaga mu wandice wangu nha coci, mulecele lukulu kuhanga na we ndugu Mukilisito, u musenyha, mubuguci, mono yakuhemba vihwani, musonjeza wayagwe, mugaloʼjimbi, kanyhi mulambilambi. U munhu we liwala lilyo, hamba kulya du, mulece kulya hamonga nayo.

Luganuzi Luswanu Kuli Wanhu Wose 2002

¹¹ Ninga ane cono natunilizaga mu wandice wangu nha coci, mulecele lukulu kuhanga na we ndugu Mukilisito, u musenyha, mubuguci, mono yakuhemba vihwani, musonjeza wayagwe, mugalo'jimbi, kanyhi mulambilambi. U munhu we liwala lilyo, hamba kulya du, mulece kulya hamonga nayo.

1 Wakolinto 5:11 ပူးပေါင်းရင်းမြစ်များ

Matayo 18:17

Nayo hono yekale si yawahulice wawo ale, wulilonjelaje likanisa. Na hono yekale si yalihulice likanisa, ale hodu, kuliʼgwe yawe nhe wanhu wono si wamumanyile u Mulungu, ne watoweza kodi.

Matayo 23:25

“Woyi he kuliʼnye nyo wejizi wo Wulajilize ne Wafalisayo, mo wakoci! Anye mono mukwemaga kunze i cikombe ne bakuli, ninga mukuleka mugati mono mumemile ivinhu vyono mwavitujila mu nzila yo wuhizi no wubuguci.

Luka 18:11

Yuyo Mufalisayo yakema, yakawa kulomba cinyele mu nhumbula yakwe yakutya, “Gwe Mulungu, nghukulumba vyono ane si ninha wanhu wanji, wabugu, wakonyi, wasenyha, nghukulumba vyono ane si ninha ayu mutoweza kodi.

Luka 21:34

“Ninga musuje, zinhumbula zenyu zize zilece kuvuhigwa ko wubuguci, no wugale, ne mahwele go wikale wuwu, lizuwa lilyo ho lilece kumutinicizenyi nha mutego.

Metumo ge Watumwa 1:15

Hanyuma ya vilo vicefu, hakawa na mukungʼano wa wono wali wakondya kwihuwila, wali waficile nha wanhu igana limonga na makumi mejete. Petelo yakema hamwande yawo,

Metumo ge Watumwa 9:17

Ananiya yakabita, yakenjila mu nyumba yiyo. Nayo yakamuwicila Sawulo miwoko yakwe, yakatya “Ndugu yangu Sawulo, u Muwaha Yesu, mono yakulawiye mu nzila yono waziza, yo yanhumile wutuje kuwona kanyhi, wumemywe u Muhe Mono Yelile.”

Walumi 13:13

I mijendele yetu, yeze yina cogopo nha vyono yinojeye mu misi, cilece kuwa no wubugu no wugala wujimbi, si mwihede na mu wusenyha, si mu wugombane no wivu.

Walumi 16:17

Ale nghumunenenyi wandugu zangu, muwalangaje wono wakuleta matemanuko ne vikobazo vyo kuwagwisa wanji, cinyume ce mejizo gono mwejizwa, ale muwelegaje iwanhu wawo,

1 Wakolinto 10:14

Holeka ku soko yiyo mo wendece wangu, mwilegaje mu wuhemba vihwani.

1 Wakolinto 11:21

Ku soko lono mukulya, munhu wo wose muli nyenye yakwenda kulya i ndigwa yakwe du mweneco, sunga wanji muli nyenye wakuwa wadabuce du, na akuno wanji wagalile!

1 Wakolinto 6:10

hambe wahizi, hamba i wabuguci, hamba i wagaloʼjimbi, na wono wendile kuwaheha i wayawo, ne walambilambi wose, wawo wose si wosuma kwinjila mu Wutemi wo Mulungu.

1 Wakolinto 6:6

Alu du mbeka weza nha wuzowele wenyu kuli we ndugu, yakumutegula u nduguye kuli mahakama, kanyhi hamba nha vivyo, kuli wanhu wono si wehuwiye.

1 Wakolinto 6:9

Hamba si mumanyile lo, vyono i wanhu wabi, si wosuma kuwuhala u Wutemi wo Mulungu? Ale, mulece kwikonga! Iwanhu wono wekalilaga mu mikalile yo wusenyha, na wono wahembaga vihwani, na wono wakwisulumila walume wose, hamba wono wakwitendya,

1 Wakolinto 7:12

Kuli awalya i wanji, (nene no mweneco hamba si Muwaha) nghutya nhavi, u mulume Mukilisito, hono yawe yena mugolece mono siyanehuwila, ninga yuyo mugolece yawe kuvumila kujendelela du kwikalana nayo, ale hodu yalece kumupela talaka.

1 Wakolinto 7:15

Ninga hamba nha vivyo, ayulya mono si yehuwiye, hono yasace kumuleka ayulya u Mukilisito, ale hodu yadahile kumuleka du. Alu baho langa, yuyo u Mukilisito we cilume hamba yuyo we cicekulu yakuwa si muwopwe kanyhi. Hambi u Mulungu nha yamucemenyi anye, ho mwikale mu mikalile yo mulamu.

1 Wakolinto 8:11

Na hobaho yuyo u nduguyo u musocele, mono Kilisito yafwa ku soko yakwe, kokwajilila ku soko yo wumanye wako.

Wagalatiya 2:12

Ku soko vyono ha mwamulizo i wanhu wanji wono watumwa na Yakobo lono wali Wakali si nafika baho, Petelo vyalizanaga hamonga ne wanhu we makungugo ganji. Ninga waza kufika wanhu wawo, hodu Petelo yakawa kulecela lukulu kulizana ne wanhu we makungugo ganji, ku soko vyono yawogopa i wanhu wawo wono wahilaga i wanhu we makungugo ganji walame.

Waefeso 5:18

Mulece kugala wujimbi, hambi wuwo nha wuletaga i mikalile ye caka caka, langa mweze mumemile u Muhe Mono Yelile.

Waefeso 5:5

Kanyhi yinojeye mumanye vyono, musenyha, hamba mwavu, hamba u musulumizi (hambi u wusulumizi nha wo wukumbika vihwani,) hamba munhu wo wose mono yenha nhavivyo, si kosuma kutuga co cose ntu wutemi wa Kilisito na wo Mulungu.

Wakolosayi 3:5

Holeka muwuwulajilaje lukulu u wusulumizi wa mononze wono wukali wuli muli nyenye, nha kotya, wusenyha, wavu, wumala-nyinji, wuhile wubi, wusulumizi, wo wuhemba vihwani.

2 Watesalonike 3:14

Yidahile kuwa kuko koyuli munhu yunji mono si yakuyihulika nghani yiyi yono cikumuletelenyi mu baluwa yiyi. Na hono yiwe nha vivyo, ale yinojeye anye mumwanzalice u munhu yuyo, kanyhi mulece hamba kuhanga nayo mu nghani yo yose, nayo ho yawone cevu.

2 Watesalonike 3:6

Nye wandugu zangu, cikumulajilizizenyi mwitagwa lyo Muwaha wetu Yesu Kilisito, mwilegaje na we zindugu wose wadoba na wono kanyhi si wakugatyatya malajilizo gono cawapela.

1 Timoteyo 3:3

yalece kuwa mukolwa, hamba munhu we ciwuma wuma, langa yeze mupolo, mono yendile mulamu, kanyhi yalece kuwa munhu mwenda pesa,

1 Timoteyo 6:5

no wiwanganile wono wusina ndumo, wono wukulawa kuli wanhu we mahala gono gavizice, kanyhi wono wayisina imbeka. Wono wehwesaga vyono dini, ʼmba yo nzila yo kutujila wugoli.

2 Yohana 1:10

Holeka yunji hono yaze kwenyu na kuno siyakuleta i mafundo gaga, yuyo mulece kumubocela mu zinyumba zenyu, hamba mulece kumulamusa.

Wugubule 2:14

Ninga hamba nha vivyo, nina nghani zinji nyhefu kuliʼgwe, vyono wanji wa muli nyenye, muli watyatyi wa Balamu mono yamufunda Balaki, ho yawawicile cikobazo i wana wa Isilayeli ho walye zindigwa zono zali zikumbiciye vihwani, kanyhi wasenyhe.

Wugubule 2:20

Ninga nina nghani monga du kuliʼgwe, nayo yoyi, Agwe wukumukangalila ayulyo mucekulu mono yakucemwa Yezebeli, mono yakwiyitya mwene yo muwizi wo Mulungu. Mwene yuyo Yezebeli yakuwa kuwafunda, kanyhi yakuwasutizya i wetumami wangu wasenyhe no kulya zindigwa zono zikumbiciywe vihwani.

Wugubule 21:8

Ninga i wanhu woga, na wono si wehuwiye, na wono wena metumo ge cikomaza, ne wawulaji, ne wasenyha, ne wahawi, na wono wakuhemba vihwani, sunga ne walambi wose, awo wose lifungu lyawo mugati ye lilamba lyono likwaka moto ne cibiliti, alyo lyeʼfwa lye kejete.”

Wugubule 22:15

Ninga mabwa, ne wahawi, ne wasenyha, ne wawulaji, ne wahemba vihwani, sunga na wose wono wendile kulonga zo wulambi, wawo wose si wokwinjilila lukulu mwikaya lilyo, langa wokwikala kunze du.