1 Wakolinto 4:9 - I CILAGANE CIPYA 1991

⁹ Hambi nha yikwijela kuliʼne vyono u Mulungu yacipela ase co watumwa cilejeho ce ndumilizo, ho ciwe nhe wanhu wono watemezwe wawulagwe, hambi nha canozwa kotya nha cili cinhu ca kwilolelwa ne yinze yose, hali wamalayika, sunga na hali wanhu.

Luganuzi Luswanu Kuli Wanhu Wose 2002

⁹ Hambi nha yikwijela kuli'ne vyono u Mulungu yacipela ase co watumwa cilejeho ce ndumilizo, ho ciwe nhe wanhu wono watemezwe wawulagwe, hambi nha canozwa kotya nha cili cinhu co kwilolelwa ne yinze yose, hali wamalayika, sunga na hali wanhu.

1 Wakolinto 4:9 ပူးပေါင်းရင်းမြစ်များ

Metumo ge Watumwa 19:29

Likaya lyose likamema sasamo yiyo. Wakawebata wa Gayo na Alisitaliko, wanya Makedoniya, wono wajendanaga na Pawulo, wakamangha nawo sunga ko ku nyumba yo mwidawalo.

Metumo ge Watumwa 19:31

Iwawaha wanji wa mu yisi yiyo ya Asiya, wono wali wendece wakwe, wamutumila nghani wakumulomba yalece kwiyinjiza mu mbali so wubita ku nyumba yo mwidawalo.

Walumi 8:36

Nha vyono i Mandiko Gono Gelile gakulonga gakutya, “Ku soko yako, cidomile ne lifwa cilo ne misi Cikutendelwa nhe zingholo zo kuwulagwa.”

1 Wakolinto 15:19

Holeka hono u witumbilo wetu muli Kilisito, hono wuwe wuli so mikalile yiyi du ya lulu, ale baho ase cowa cili wanhu mono cinojeye cikalalilwe muno si nhe wanji wose wa mono yinze yiyi.

2 Wakolinto 11:23

Alo iwene wetumami wa Kilisito? Na nene ye, alu nhondo neza kulonga cimanghalukwale, ane nili mwitumami wa Kilisito kuciza wene. Ane netuma mulimo muzito muno muno, nadindilwa mu jela kali kenji muno, nghatowangwa kali kenji, sunga nghawa nili behi no kufwa kali kenji.

2 Wakolinto 6:9

cikwijela nha wanhu wono si wamanyice, kumbe ho cimanyice kuli wanhu wose, cikwijela nhe wanhu wono wafwiye, kumbe nha vyono mukuwona, ase ho cili womi du.

1 Watesalonike 3:3

ho wihuwilo wa yunji muli nyenye wulece kucepuka ku soko ye magazo gago. Ninga anye mumanyile nha vyono yicinojeye cinjile mu magazo.

Wahebelaniya 1:14

I Wamalayika, yo myuhe du yono yikumwitumamila u Mulungu, nayo u Mulungu kawatumaga ho wawataze wawalya wono wowubocela u wukombozwe.

Wahebelaniya 10:33

Hanji mukawa kutovulwa no kukozwa cevu cagalanze, na hanji mwali mwendezwe kwilunza na walya wono wagazagwa nha vivyo.

Wahebelaniya 11:36

Wanji wakazwajizwa no kuwakunanga ne viboko, na wanji kanyhi wakawopwa ne manyolo no kutajilwa mu jela.