1 Wakolinto 4:8 - I CILAGANE CIPYA 1991

⁸ Heya, aluno nhondo mwakondya kwiguta! Alu nhondo mwagolipa! Kanyhi mwaweza watemi lono ase si cinawa! Heya mbeka, yali yiwe viswanu muwe mutemile, nase nha vivyo ho cisume kutemana hamonga nanye.

Luganuzi Luswanu Kuli Wanhu Wose 2002

⁸ Heya, aluno nhondo mwakondya kwiguta! Alu nhondo mwagolipa! Kanyhi mwaweza watemi lono ase si cinawa! Heya mbeka, yali yiwe viswanu muwe mutemile, nase nhavivyo ho cisume kutemana hamonga nanye.

1 Wakolinto 4:8 ပူးပေါင်းရင်းမြစ်များ

Matayo 5:1

Nayo Yesu yaza kugawona imapuga ge wanhu, yakabita kucanyha ye litunda yakekala hasi. Iwejizwa wakwe wakamuziza,

Luka 6:25

“Woyi he nye mono mwigute aluno, hambi nha molodabuka. “Woyi he nye mono mukuseka aluno, hambi nha molokalala no kulila.

Metumo ge Watumwa 26:29

Pawulo yakamupitula, yakatya, “Vyo nghumulomba u Mulungu hono yiwe mwidaha yifupi, hamba yitali, kanyhi si gwegwe du, langa na wose wono wakuhuliciza ane izuwali, wawe vyono ninha nene, ninga si ne manyolo gaga.”

Walumi 12:3

Kusoko ye lihewa lyo Mulungu lyono napegwa, holeka nghumulonjelenyi nyenye wose, vyono, mulece kwiwona nha muli cinji si nha vyono mwinha. Langa imahweso genyu, geze galingʼaniciye cijelo co wihuwilo, nha vyono u Mulungu yamugawila munhu na cakwe.

1 Wakolinto 1:5

Hambi nha ku soko yo wilunze wenyu na Kilisito, nha mwakondya kuwa muli wagoli we vinhu vyose. Kanyhi, mwakondya kupegwa u wumanye wose hamonga ne vilungo vyose vyo kuganulila,

1 Wakolinto 4:18

Ale, alu wanji wa muli nyenye, wanza kwidunhumula, wakwihwesa mba vyono ane sinokuza kanyhi kuko kwenyu.

1 Wakolinto 5:6

Nye wayangu, u wilumbe wenyu wuwo, si wuswanu hamba hadodo! Alu si mumanyile vyono cisase cidodo du, cikuwa kutajila cisase mwibumundwa lyose lyo wusaje?

2 Wakolinto 11:1

Mwali munghangalilile hadodo du, hamba niwe nha nili mulele ku lubavu lunji! Heya, ale munghangalilile ta hadodo.

2 Wakolinto 13:9

Ninga cikusangalala vyono cili wasocele, langa anye muli vilungo, holeka cikulomba muwuficile u wukwilanicile.

Wagalatiya 6:3

Munhu hono yewone kotya nha yali cinji, na kumbe ho si yali cinji, yuyo yakwikonga mweneco.

Wafilipi 1:27

Ninga nghani mbaha yoyi, i mikalile yenyu yiweze yilunojeye u Luganuzi Luswanu lwa Kilisito, nane hono sume kuza kwenyu, hamba ndece kusuma kuza, hulice vyono mwimile mukamile mwina nhumbula monga, na vyono mukwihoma no wulugu muli hamonga, kanyhi mwina no mutima wumoga ku soko yo wihuwilo wo Luganuzi Luswanu.

Wafilipi 2:12

Ale anye wendece wangu, lono nali nili hamonga nanye, mwahulikaga nhondo zose, sunga na lulu hambe nili kutali nanye, anye mujendelele ne cihuliko. Mweze kwituma milimo akuno mwina ne cogopo no wucicime ku soko yo wukombozi wenyu,

Wugubule 3:17

Agwe wukwiyitya, ‘Ane nili mugoli, nina vinhu vyose, hamba si nyanjize cinji co cose.’ Kumbe si wumanyile vyono agwe wuli musocele, kanyhi wuli munhu wo kuwonelwa lusungu, wuli muciwa, kanyhi wuli mubofu, kanyhi wusawuce!

Wugubule 5:10

Agwe yo gwegwe mono wawanoza wawe wutemi we wakohani, wamwitumamilo Mulungu wetu, nawo wotema mononze.”