1 Wakolinto 4:6 - I CILAGANE CIPYA 1991

⁶ Nye, wandugu zangu, zizo zose zono nizilonjile za kuli Apolo, na za kuli nene no mweneco, nha colecezo kuli nyenye. Na mu colecezo cetu ane na Apolo, anye ho musume kuyimanya nhunizo ye nghani ayi yono yikutya nhavi, “Muzikamisaje zono zandikwe.” Halece kuwa na munhu yunji wa muli nyenye, mono kosuma kwilumbila kuli u munhu yumonga, no kumubedegala umuyagwe.

Luganuzi Luswanu Kuli Wanhu Wose 2002

⁶ Nye, wandugu zangu, zizo zose zono nizilonjile za kuli Apolo, na za kuli nene no mweneco, nha colecezo kuli nyenye. Na mu colecezo cetu ane na Apolo, anye ho musume kuyimanya nhunizo ye nghani ayi yono yikutya nhavi, “Muzikamisaje zono zandikwe.” Halece kuwa na munhu yunji wa muli nyenye, mono kosuma kwilumbila kuli u munhu yumonga, no kumubedegala umuyagwe.

1 Wakolinto 4:6 ပူးပေါင်းရင်းမြစ်များ

Metumo ge Watumwa 18:24

No Muyahudi yunji litagwa lyakwe Apolo mulelelwa ku Alekizandeliya, yakaza ku Efeso. Munhu mono yali yena nonga swanu kanyhi yali yena wizuce wuwaha wa mu Mandiko Gono Gelile.

Metumo ge Watumwa 19:1

Kukawa lono Apolo yali ku Kolinto, Pawulo yaza kukola ku zisi za kusumuka, yakafika ku Efeso, na kuko yakawagana wejizwa wanji.

Walumi 12:3

Kusoko ye lihewa lyo Mulungu lyono napegwa, holeka nghumulonjelenyi nyenye wose, vyono, mulece kwiwona nha muli cinji si nha vyono mwinha. Langa imahweso genyu, geze galingʼaniciye cijelo co wihuwilo, nha vyono u Mulungu yamugawila munhu na cakwe.

1 Wakolinto 1:12

Ane nha cinji nghusaka nitye nhavi, vyono muli nyenye u munhu yakulonga na lwakwe, vyono yunji yakutya, “Ane nili wa Pawulo,” na yunji nayo yakutya, “Ane nili wa Apolo,” yunji nayo yakutya, “Ane nili wa Kefa,” na yunji nayo yakutya, “Ane nili wa Kilisito.”

1 Wakolinto 1:19

Hambi i Mandiko Gono Gelile nha gakulonga gakutya, “Nogahodanga i mahala ga we mahala, Kanyhi nowuwembula no wizuce wa wono wasomile.”

1 Wakolinto 1:31

Ale, nha vyono i Mandiko Gono Gelile gakutya, “Holeka mono yakusaka kwilumba ale, yelumbilaje du u mulimo wo Muwaha.”

1 Wakolinto 13:4

Wendo wukangalilaga, wutazaga wenji, wendo wusina wivu, hamba si wikumyaga yaye, hamba siwuwezaga no wiwoni.

1 Wakolinto 3:19

Hambi i mahala ge ciyinze yinze, nha wulele du hamwande yo Mulungu. Nha vyono i Mandiko Gono Gelile gakulonga gakutya, “U Muwaha kawabataga we mahala, mu wusugu wawo.”

1 Wakolinto 3:21

Holeka u munhu yalece kwilumbila wanhu. Hambi vyose nha vyenyu.

1 Wakolinto 5:2

Alu mosuma nhawule kwilumba? Mbeka, yali yinojeye kuliʼnye kulila, na yuyo mono yetumile zizo, yinojeye yawuswe mulinye.

1 Wakolinto 5:6

Nye wayangu, u wilumbe wenyu wuwo, si wuswanu hamba hadodo! Alu si mumanyile vyono cisase cidodo du, cikuwa kutajila cisase mwibumundwa lyose lyo wusaje?

1 Wakolinto 8:1

Aluno kuli i zindigwa zono zikumbiciywe vihwani, cimanyile nha vyono ase wose cina uwutanje mu mahala, ninga kanyhi u wutanje wuwo, wuwapelaga wanhu wawo no widunhumuzi, ninga u wendo, wuzengaga.

1 Wakolinto 9:23

Nane nghuzinoza zizi zose ku soko yo Luganuzi Luswanu, ho sume kuhanga u wulugutwe wayo.

2 Wakolinto 10:12

Hamba nha vivyo, si cali cisume kwijelela kwiwika hamba kwiyihwananiza na awalya wanhu wono wakwiyikumya weneco. I wanhu wono wakwiyinoza weneco kuwa nha cipimo co kwiyipimila weneco, kanyhi wakwiyilingʼaniza weneco wose, wawo wasina wizuce.

2 Wakolinto 10:15

Holeka nase si cikwilumbila mulimo wono wanji wetuma, si nhe nghango yono capegwa, langa citumbiye vyono u wihuwilo wenyu wocila kuwiluka, nase ho cituje mulimo muwaha muno muli nyenye mu nghango yiyilya du yono yaciwicilo Mulungu.

2 Wakolinto 10:7

Anye waco mulangaga za kunze du. Wulenyi, ho yuli munhu wo wose mono yakwihwesa vyono mwene yo wa Kilisito? Ale viswanu! Ninga yehwesaje nha vivilya nha vyono nase cili wakwe Kilisito nha vyono mwene yuyo wa Kilisito.

2 Wakolinto 11:4

Hambi nye nha mukumukangalila u munhu wo wose mono kokuza no kumuganula Yesu mono yesimajiye na yulya mono camuganula, kanyhi mukubocela muhe no luganuzi vyono visimajiliye lukulu no Muhe no Luganuzi vyono mwayibocela kulawa kuliʼse.

2 Wakolinto 12:19

Lunji mukwihwesa vyono sunga nalu cikali cikwitetela haliʼnye! Ninga cikuzilonjela i zinghani zizi hali Mulungu akuno cilunzize na Kilisito. Ninga soko ye zinghani zizo zose, nye nyo wedece wangu, ho musume kuzengwa.

2 Wakolinto 12:20

Nane nghogopa vyono na lunji kolo nghuza kwenyu, nomwaganenyi mu wuwe wono si wukunyendeza, nane baho lu, si noleka kuwa mu wuwe wono si mwendile nanye. Nane nghogopa yilece kuwa lunji ko wuli wugombane, wivu, makuwo, wubuguci, maheho, nzwaji ze caka caka, wusomenghanya, wiwoni, no wisagale muli nyenye.

2 Wakolinto 12:6

Na hono nali nyende kwilumba, si nali niwe nili mulele hamba hadodo, hambi nha nali niwe nghulonga ze mbeka du. Ninga alu si nosuma kwilumba, hambi nha sinyendile munhu yunji yanyihweseze kuziza nha vyono yakumbona no kuhulika kulawa kuliʼne.

2 Wakolinto 4:15

Na zizi zose zili kusoko ye cambuzi cenyu nyenye, ho yiwe nha kotya lihewa lyo Mulungu, likuwaficila wanhu wenji muno muno, nawo ho wasume kulavya lilumbo muno muno ko lukumyo lo Mulungu.

Wakolosayi 2:18

Kanyhi mulece kuvumila kulingʼanizwa na munhu yunji, mono yakwinoza nha munhu we lilumbo ku soko yo wuwona wupumulilwe wakwe, na kwisacila u winenenyhezi wo wulambi, no wuhembi wo kuhemba wamalayika. U munhu mono yenha nha vivyo yalelepeye mu mahala go wulele ge ciyinze yinze.

1 Watesalonike 1:5

vyono lono camuganulilenyi u Luganuzi Luswanu, si wali mu wulonje du, langa na mu vilungo vyo Muhe Mono Yelile, akuno cimanyiye lukulu, vyono, i nghani yiyo yali ya mbeka. Mumanyile vyono cekalanaga hamonga nanye, cekalaga ku soko ye cambuzi cenyu.

2 Timoteyo 2:10

holeka nghukangalila muli vyose ku soko ye wahagulwa wo Mulungu, nawo nha vivyo ho watuje u Wukombozi wono wukuziza mu nzila ya Yesu Kilisito, kanyhi wono wuletaga lukumyo lwe cibitilila.