1 Wakolinto 4:5 - I CILAGANE CIPYA 1991

⁵ Holeka mulece kulingʼaniza lono vilo vikali si nafika, muzilekaje ziwe nha vivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, kuwulawa kuli Mulungu.

Luganuzi Luswanu Kuli Wanhu Wose 2002

⁵ Holeka mulece kuling'aniza lono vilo vikali si nafika, muzilekaje ziwe nhavivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, ku wulawa kuli Mulungu.

1 Wakolinto 4:5 ပူးပေါင်းရင်းမြစ်များ

Matayo 10:26

“Holeka anye mulece kuwogopa iwanhu we liwala lilyo. Hambi co cose cono cigubicizwe, nha cologubulwa, na co cose cono cihundicizwe nha cololawila kuzelu.

Matayo 24:30

Ale baho langa, icitanjilo co Mwana wo Munhu, ho cilejelela ku wulanga, we makungugo gose ga kononze baho ho wololilila, nawo wolomuwona u Mwana wo Munhu, yakuziza mu mavunde mucanyha, akuno yena ne vilungo vinji hamonga no lukumyo luwaha.

Matayo 24:46

Mbeka u mwitumami yuyo kowa mumoti, hono u muwaha wakwe kolo yakuza, yamwagane yakunoza nhavivyo.

Matayo 25:21

U Muwaha wakwe nayo yakamutya, ‘Ale viswanu, wuli mwitumami muswanu, kanyhi wuli mwihuwilwa. Wali mwihuwilwa mu nghani ndodo, ninga alu nokupela zimbaha kuciza. Ale wuze wasangalalane hamonga no muwaha wako.’

Matayo 25:23

U Muwaha wakwe yakamutya, ‘Ale viswanu wuli mwitumami muswanu kanyhi mwihuwilwa. Wali mwihuwilwa muli nghani ndodo du, alu nokupela i zimbaha zono zicizize zizi. Ale wuze wusangalalane hamonga no muwaha wako.’

Luka 6:37

“Mulece kuwalingʼaniza wanji, nanye ho si molingʼanizwa no Mulungu, mulece kuwahosa wanji, nanye si molohoswa: muwanenelaje wanji, nanye molonenelwa.

Yohana 21:22

Yesu yakamutya, “Hono nyende yuyu yekale sunga kolo nghuza, agwe wina nghani ʼci? Agwe wunhyatyaje nene.”

Yohana 21:23

Ne nghani yiyo yikamanyika muli we zindugu, vyono u mwijizwa yuyo si kolofwa. Ninga Yesu si yamulonjela vyono u mwijizwa yuyo si kolofwa, langa yatya, “Hono nyende yuyu yekale sunga kolo nghuza, agwe wina nghani ʼci?”

Yohana 5:44

Mosuma wule kwihuwila, kumbe nanye ho mwendile kubocela lukumyo lono lukulawa muli nyenye nyo weneco, hamba si mukulondola lukumyo lono lukulawa kuli Mulungu mono yali wene?

Walumi 14:4

Hambi alu agwe wuli nani, mono kumulingʼaniza u mwitumami wa yunji? Na hono yeme hamba hono yagwe, yo nghani yo Mutwawe, heya, kokwimywa no kusikamywa, hambi u Muwaha nha yadahile kumwimya.

Walumi 2:1

Holeka go munhu, wusina cikojelo, mono wukuwalingʼaniza iwayago, hamba wuwe vyono winha. Hambi hono wukuwalingʼaniza i wanji, nha wukwilijita go mweneco, ku soko vyono na gwegwe go mweneco nha wukwituma zizo zono wukuwalingʼaniza iwayago.

Walumi 2:16

Holeka nha vyono lwinha u Luganuzi lulu Luswanu lono nghumuganulilenyi, nha vivyo vyo lyolowa ilizuwa lyono u Mulungu kolozilingʼaniza zose ze cinyele ze wanhu, muli Yesu Kilisito.

Walumi 2:29

U Muyahudi wa mbeka, yo yulya u Muyahudi wa mugati, yuyulya mono yalame mu nhumbula. Ne nghani yiyi, yo nghani ya Muhe, hamba si nghani ya mandiko go Wulajilize. No munhu we liwala lilyo, yakutuga lilumbo, si muli wanhu, langa muli Mulungu.

Walumi 2:7

Awalya wono wakulondola u lukumyo ne lilumbo vyo Mulungu no wusangalale, no kuwulondola uwumi, wawo wotuga u wumi wecibitilila.

1 Wakolinto 1:7

hamba si mucepuciywe cinji muli icipegwa co cose ca mu nhumbula, hono muwe mukuwulindila u wugubulwe wakwe u Muwaha wetu Yesu Kilisito.

1 Wakolinto 11:16

Na hono munhu wo wose yasace kuleta wiwanganile mu nghani yiyi, ale yamanye vyono ase cisina moto wunji, hamba sunga ne makanisa go Mulungu du nago gasina moto wunji.

1 Wakolinto 11:26

Hambi nha ho hose lono mukuwulya u mukate wuwu no kucingʼwa i cikombe cici, nha mukwanza ze lifwa lyo Muwaha, sunga kono kolo kuziza.

1 Wakolinto 15:23

Ninga munhu na hakwe mweneco nha vyono yawajigwe, na Kilisito, yo mulongozi muli wose, hanyuma ho awalya i wakwe Kilisito kolo yeza kuza.

1 Wakolinto 3:13

Na yiwe vyo vyose du, vyono yowa yinha, ninga u wuswanu wo mulimo wa yumonga yumonga, wolokwijelela Mwizuwa lilyo lya Kilisito, lilawa kuyanzalika i milimo yose. Hambi Lizuwa lilyo nha lyolokuza lina no moto, no moto wuwo nawo, wolowujela u mulimo wo wose, no kusuma kuwulajila u wuswanu wayo.

1 Wakolinto 3:14

Ne cinhu co cose cono u munhu yacitumamila, mu wuzenga mu musinji wuwo, hono cisume kuwukangalila u moto wuwo, ale u munhu yuyo nayo kolobocela i cihumbilizwa cakwe,

1 Wakolinto 3:8

Ayulya mono yayihadika, na ayulya mono yayimwajilile malenga, wose wawo wali sawa du, hamba wawe wolobocela i cihumbilizwa munhu na lwakwe mu nghango yo wuhidimbale wo witume wawo weneco.

2 Wakolinto 10:18

Nayo mono yakuvumilwa, si yulya mono yakwiyikumya mweneco ngʼo, langa yo yulya muno Muwaha yakumukumya.

2 Wakolinto 10:9

Si nyendile mwihwese nha vyono nghusaka kumogofyenyi so baluwa zangu.

2 Wakolinto 4:2

Nase cakondya kuzilecela lukulu i zinghani zose ze cevu, na ze cinyele. Hamba si cili mu mikalile kanyhi yo wukonji, hamba kuyipitulasa nghani yo Mulungu, langa cikuyilajila i mbeka mu witume mbeka, na mu nzila yiyo mo cikwiwicilila mu wulamuzi we viselinji vye wanhu, hali Mulungu.

2 Wakolinto 5:10

Hambi ase wose nha yowa yicinojeye kwima heʼgoda lyo wulingʼanizi lya Kilisito, u munhu wo wose ho yabocele zono zimunojeye nha vyono genha i metumo gakwe gono yetumaga lono yali yakali yekaye moonze, hono maswanu, hamba mabi.

1 Watesalonike 5:2

Hambi nha mumanyile nyo weneco vyono, i lizuwa lyo Muwaha lyolokuza nha muhizi vyono kazaga ku cilo.

Wahebelaniya 4:13

Kanyhi hasina hamba ciwumbwa co cose cono cihundice hali Mulungu, ninga vyose vili calinze ha meso gakwe. Na ase wose cololonga hali mwene ze metumo getu munhu na lwakwe.

Yakobo 4:11

Wandugu zangu, mulece kwihosa nyenye wose. Mono yakumuhosa nduguye no kumulingʼaniza, yuyo, yakuwuhosa kanyhi yakuwulingʼaniza Wulajilize. Na hono wuwuhose Wulajilize, ale, agwe siwukuwibata Wulajilize, langa wukuwuhosa.

Yakobo 5:7

Ale, wandugu zangu, mweze no wukangalile sunga Muwaha kolo kokuziza. Lanjenyi ta u mulimi vyono kalindilaga ko wukangalile i ndudula yakwe yilete ndigwa swanu. Umwene kalindilaga ko wukangalile i mvula ye lifuku ne ye lihwela.

Yakobo 5:9

Wandugu zangu, mulece kwingʼungʼulicila nyenye wose, ho mulece kulingʼanizwa no Mulungu. Hambi u Mulingʼanizi nha yeza behi no kwinjlia ha mulango.

1 Petelo 1:7

Ne nhunizo yayo, anye ho musume kukangazwa mu wihuwilo wenyu. Hambe zizahabu zenezo, zono zihodanjikaga, zijelagwa no moto, nhavivyo sunga no wihuwilo wenyu, wono yo sawo kuciza zizahabu, siwoleka kujelwa ho wuwe wuli vilungo. Hanyuma ho mubocele lilumbo no lukumyo no wutogoze, lizuwa lilyo kolo Yesu Kilisito yakugubulwa.

1 Petelo 5:4

Na mu cidaha kolo u Mudimi Muwaha yakwijela, nanye molobocela u mukumbo wo lukumyo wono siwunyalaga.

2 Petelo 3:12

akuno mulilindiye lizuwa lilya lyo Mulungu, no kulisunhaniza lize mbela mbela, i lizuwa lyono wulanga wolokongomezwa no moto no kuhodangwa, ne vinhu vyayo vye katali, vyolokwenjedulwa.

2 Petelo 3:4

no kutya, “Yehuwiza vyono kolokuza! Ninga lu yali hayi? Hambi nha zinghani zo zizo du vyo yinha, kuwulawa lono wafwila wa kuku zetu ne nyikala ye vinhu vyo yiyilya du, nha vyono yali kulawo mwamulizo we yinze!”

Yuda 1:14

Nayo Enoci u kuku yetu wo mupunghati vyono yalawa Adamu, yawawilila i wanhu wawo yakutya, “Langa ta, u Muwaha yaza na maelufu ga wamalayika wakwe wono welile,

Wugubule 1:7

Langa ta! Yakuziza mu mavunde! Ne wanhu wose wolomuwona, sunga na walya wono wamucinya no mugoha. Ne makungugo gose ga kononze gololila ku soko yo mwene. Heya! Vyo yiweze.

Wugubule 20:12

Nane nghawona i wafu wawaha ne wadodo wemile heʼgoda lyo wutemi, ne vitabu vikagubulwa. Hanyuma citabu cinji, i citabu co wumi, naco nha vivyo cikagubulwa. Iwafu wakalingʼanizwa nha vyono genha metumo gawo, nha vyono yandikwe mu vitabu vivyo.