1 Wakolinto 4:4 - I CILAGANE CIPYA 1991

⁴ I ciselinji cangu, si cikundajila isutya lyolyose lyono lili muli nene, ninga hamba nha vivyo, si notya ane sina wusutye ku soko yiyo, aa, ngʼo. Ninga u Muwaha yo yakuningʼaniza.

Luganuzi Luswanu Kuli Wanhu Wose 2002

⁴ I ciselinji cangu, si cikundajila lisutya lyo lyose lyono lili muli nene, ninga hamba nhavivyo, si notya ane sina wusutye ku soko yiyo, aa ng'o. Ninga u Muwaha yo yakuning'aniza.

1 Wakolinto 4:4 ပူးပေါင်းရင်းမြစ်များ

Yohana 21:17

Lwe kadatu kanyhi yakamutya, “Ati Simoni go mwana wa Yohana, wunyendile ane ʼmbi?” Nayo Petelo yakakalala vyono Yesu yamuwuzize kadatu yakutya, “Unyendile?” Yakamutya, “Muwaha, agwe wumanyile zose, wumanyile vyono ane nghwendile.” Yesu yakamutya, “Ale wudime zingholo zangu.”

Metumo ge Watumwa 23:1

Nayo Pawulo, yakawalanga muno wanhu wono wali baho he balaza, hanyuma yakawa kutya, “Nye wandugu zangu, ane nikalaga na nhumbula nzelu hali Mulungu sunga ne nzuwayi.”

Walumi 2:13

U munhu, si kosuma kuvumilwa hali Mulungu, so kuwuhulika bwete du Wulajilize, langa mono yakuwituma Wulajilize.

Walumi 4:2

Hono yiwe Abulahamu yanozwa lingʼani so metumo gakwe, yena zo kwilumbila. Ninga si kosuma kwilumba kuli Mulungu.

1 Wakolinto 4:3

Kuliʼne, nene no mweneco, si nghani yaye hono ningʼanizwe nanye, hamba ne ningʼaniza ye cimunhumunhu, ninga ane no mweneco, hamba si nghwilingʼaniza cinji co cose yaye.

1 Wakolinto 4:5

Holeka mulece kulingʼaniza lono vilo vikali si nafika, muzilekaje ziwe nha vivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, kuwulawa kuli Mulungu.

2 Wakolinto 1:12

Ase cikwilumbila cinhu cimonga du, vyono viselinji vyetu vikucihomelela vyono muwikale wetu wa mono yinze yiyino na komuno muliʼnye, cekala ko winenenyhezi wose hamonga no wele wa mu nhumbula wono wukulawa kuli Mulungu, hamba si catongwa ne lihala lye cimunhumunhu, langa catongwa ne lihewa lyo Mulungu.

2 Wakolinto 5:10

Hambi ase wose nha yowa yicinojeye kwima heʼgoda lyo wulingʼanizi lya Kilisito, u munhu wo wose ho yabocele zono zimunojeye nha vyono genha i metumo gakwe gono yetumaga lono yali yakali yekaye moonze, hono maswanu, hamba mabi.