1 Wakolinto 4:17 - I CILAGANE CIPYA 1991

¹⁷ Si holeka nimutuma Timoteyo kuli nyenye. U mwene, yo mwanangu u mwendece wangu, kanyhi yo munhu mwihuwilwa muli Muwaha. U mwene, komukumbucizenyi nyenye, nzila yono ane no Pawulo nghuyityatya mu mikalile yangu ye Cikilisito, i nzila yono nghuyijiza ihanhu hose mu makanisa gose.

Luganuzi Luswanu Kuli Wanhu Wose 2002

¹⁷ Si holeka nimutuma Timoteyo kuli nyenye. U mwene, yo mwanangu u mwendece wangu, kanyhi yo munhu mwihuwilwa muli Muwaha. U mwene, komukumbucizenyi nyenye, nzila yono ane no Pawulo nghuyityatya mu mikalile yangu ye Cikilisito, i nzila yono nghuyijiza ihanhu hose mu makanisa gose.

1 Wakolinto 4:17 ပူးပေါင်းရင်းမြစ်များ

Matayo 24:45

Nayo Yesu, yakajendelela kulonga yakutya, “Alu nani mbi u mwitumami mwihuwilwa, kanyhi we mahala, mono muwaha wakwe komuwika, ho yawapele zindigwa iwanhu wakwe mucipango cono cinojeye?

Matayo 25:21

U Muwaha wakwe nayo yakamutya, ‘Ale viswanu, wuli mwitumami muswanu, kanyhi wuli mwihuwilwa. Wali mwihuwilwa mu nghani ndodo, ninga alu nokupela zimbaha kuciza. Ale wuze wasangalalane hamonga no muwaha wako.’

Matayo 25:23

U Muwaha wakwe yakamutya, ‘Ale viswanu wuli mwitumami muswanu kanyhi mwihuwilwa. Wali mwihuwilwa muli nghani ndodo du, alu nokupela i zimbaha zono zicizize zizi. Ale wuze wusangalalane hamonga no muwaha wako.’

Metumo ge Watumwa 16:1

Pawulo yakafika ku Delibe, na ku Lusitela, kono yekalaga mwijizwa yunji itagwa lyakwe Timoteyo, u nyina yali Muyahudi, nayo nha vivyo yakawa mwijizwa. Ninga u sogwe yali Mugiliki.

1 Wakolinto 11:16

Na hono munhu wo wose yasace kuleta wiwanganile mu nghani yiyi, ale yamanye vyono ase cisina moto wunji, hamba sunga ne makanisa go Mulungu du nago gasina moto wunji.

1 Wakolinto 11:2

Nghumulumbenyi muno muno vyono mukunghumbucila, na vyono kanyhi muzibate muno na zizilya zono nghamulajilizenyi.

1 Wakolinto 11:34

Na hone ho yuli yunji mono yadabuce, ate, yalye ku kaya yakwe, ho wihangulize wenyu, wulece kumuletelenyi wulingʼanizwe. Ninga kuli ze zinghani zinji, nomutonjenyi viswanu kolo neza kuwa kuko kwenyu.

1 Wakolinto 14:33

Hambi u Mulungu wetu, nha si Mulungu we mazozo, langa yo Mulungu wo mulamu.

1 Wakolinto 16:1

Alu, kuli zo wuhangulize we vinhu ku soko ye wanhu wo Mulungu munoze nha vyono nawalajiliza we makanisa ga ku Galatiya.

1 Wakolinto 16:10

Na kolo Timoteyo yakuza kwenyu, ale mulanjilile, yalece kuwa na woga woga wo wose mwipango lono yali hamonga nanye, hambi u mwene nha yakwituma u mulimo wo Muwaha nha nene.

1 Wakolinto 4:14

Ane si nghuzandika zizi, ho nimukozenyi cevu, aa, ngʼo, langa nizandika zizi, ho nimwijizenyi du, anye mo wanangu wendece.

1 Wakolinto 4:15

Ku soko, hamba muwe mwina walezi maelufu mu mikalile yenyu ye Cikilisito, ninga mwina u sogo yenyu yumonga du, hambi mu mikalile ye Cikilisito, nha yo nene mono namulelenyi, mu nzila yo kumuganulilenyi u Luganuzi Luswanu.

1 Wakolinto 4:2

Na hoyili nghani monga du yono yimunojeye u munhu wo wose mono yapegwa u mulimo wuwu, nayo yoyi, yawe mwihuwilwa.

1 Wakolinto 7:17

Munhu wo wose yimunojeye yekale mu mikalile nha vyono vinha vipegwa vyono u Muwaha yamugawila, na kanyhi nha vyono yacemwa no Mulungu. Na lili lyeʼlajliizo lyangu kuli makanisa gose.

1 Wakolinto 7:25

Ale, kuli ze wahinza na kuli wono si wakusaka kutola hamba kutolwa, ane sina ilajilizo lyono likulawa kuli Muwaha, ninga nghulavya ihala lyangu du, ane mono so lusungu lwo Muwaha, nghwiliye kuwa mwihuwilwa.

2 Wakolinto 8:18

Alu cikumutumiliza hamonga no ndugu yetu yunji mono u lukumyo lwakwe lutandaye mu makanisa gose ku soko yo wuganula u Luganuzi Luswanu.

Waefeso 6:21

U ndugu yetu mwendece Tukiko no mwitumami mwihuhilwa muli Muwaha, komulonjelenyi zangu zose, ho musume kumanya cono nghwituma.

Wafilipi 2:19

Mu wilunze no Muwaha, nina witumbilo vyono nosuma kumutuma Timoteyo kuko kwenyu vilo vivi, ho sinyhimale nane kolo nghumanya zenyu.

Wafilipi 2:22

Nyenye weneco mumanyile vyono Timoteyo yakamile, u mwene na nene, cihwanile vyono yenha u mwana no sogwe, cali kwitumama hamonga ku soko yo Luganuzi Luswanu.

Wakolosayi 1:7

Mweyijiza ze lihewa lyo Mulungu kulawa kuli Epafala u mwitumami muyetu, u mwitumami mwihuwilwa wa Kilisito ku soko yetu.

Wakolosayi 4:9

Nayo yakuza yena na Onesimo u ndugu yetu mwendece kanyhi mwihuwilwa, u munyawusi muyenyu. Nawo womulonjelenyi zose zono zikwitumwa baha.

1 Timoteyo 1:18

Go mwanangu Timoteyo, nghukupela ilajilizo lili nha vyono zinha i zinghani zo wuwizi zono zawilwa katali muli gwegwe. Ale uzitumamilaje i zinghani zizo ziwe nha citwalo cako, ho wusume kulewa milewo miswanu,

1 Timoteyo 1:2

nghukwandicila gwegwe Timoteyo umwanangu tuti mu wihuwilo. Ilihewa liweze kuligwe, hamonga no lusungu no mulamu vyono vikulawa kuli Mulungu u Sogo yetu na kuli Kilisito Yesu Mutwa wetu.

2 Timoteyo 1:2

nane nghukwandicila agwe Timoteyo, go mwanangu u mwendece. Lihewa, no lusungu no mulamu, vyono vikulawa kuli Mulungu Baba na kuli Kilisito Yesu u Muwaha wetu, vyeze hamonga nagwe.

2 Timoteyo 2:2

Ale, wugasolaje i mafundo gono wagahulika nghuganula ha mwande ye wahomelezi wenji, nagwe wuwakoze wanhu wehuwilwa, wono nawo wosuma kuwejiza wanji nha vivyo.

2 Timoteyo 3:10

Ninga agwe Timoteyo, wagebata i mejizo gangu, ne mikalile yangu, no wuhile wangu mu mikalile yangu, u wendo wangu, ne ngola yangu,

Tito 1:5

Ane nakuleka ku Kilete ho wunozeleze zono zasigala zono zali zikali nakamilicila, kanyhi ho wuwahagule wanyamhala wa Kanisa no kuwawika mu makaya gose. Ninga weze kukumbucila zono nakulajiliza,

Wugubule 2:10

Ninga agwe wulece kuzogopa azilya zono zokuziza no kukutajila sunga na mu wugaye. Wuhulicize! Setani yakuhila yamujelenyi ko kuwalajila wanji wayenyu mu jela, nanye motuga magayo mu vilo ikumi. Holeka, mwene muli wehuwilwa kuliʼne, sunga ko ku wufwe, nane nomupelenyi wumi, co cihumbilizwa cenyu co wusume wenyu.

Wugubule 2:13

Manyile kono wikaye. Agwe wikaye ku wikalo wuwaha wa Setani! Ninga hamba nha vivyo, wukali wibatiliye litagwa lyangu, hamba si wunakana u wihuwilo wako wa kuliʼne, sunga na mu vilo vya Antipa, muhomelezi wangu mwihuwilwa, lonoyawulajilwa i hanhu hono kekalaga Setani.