1 Wakolinto 4:15 - I CILAGANE CIPYA 1991

¹⁵ Ku soko, hamba muwe mwina walezi maelufu mu mikalile yenyu ye Cikilisito, ninga mwina u sogo yenyu yumonga du, hambi mu mikalile ye Cikilisito, nha yo nene mono namulelenyi, mu nzila yo kumuganulilenyi u Luganuzi Luswanu.

Luganuzi Luswanu Kuli Wanhu Wose 2002

¹⁵ Ku soko, hamba muwe mwina walezi maelufu mu mikalile yenyu ye Cikilisito, ninga mwina u sogo yenyu yumonga du, hambi mu mikalile ye Cikilisito, nha yo nene mono namulelenyi, mu nzila yo kumuganulilenyi u Luganuzi Luswanu.

1 Wakolinto 4:15 ပူးပေါင်းရင်းမြစ်များ

Walumi 15:20

No wuhile wangu, wali kuluganula u Luganuzi Luswanu ho hose, ihanhu hono ilitagwa lya Yesu likali si linahulikwa, ho nize ndece kuzenga mucanyha yo musinji wa munhu yunji.

1 Wakolinto 1:30

U Mulungu mweneco du yo yamulunzenyi anye na Kilisito Yesu. U Mulungu yamunoza Kilisito, yo yawe go mahala getu, na mu nzila yakwe du, ase mo cikulamulilwa no Mulungu, cikuwa cili wanhu wo Mulungu mono celile, kanyhi mono cakondya kukombozwa nayo.

1 Wakolinto 15:1

Alu wandugu zangu ane nyendile nimukumbucizenyi du, za kuli u Luganuzi Luswanu lono namuganulilenyi, anye mukalubocela, kanyhi mwimile mukamile muli lulo.

1 Wakolinto 3:10

Na mu witumamile i lihewa lyono u Mulungu yamhela, kanyhi nho muzenji muswanu, we mahala, nasuma kuwika musinji wono u munhu yunji, yakusuma kuzenga mucanyha yawo. Holeka yinojeye u munhu wo wose mono yakuzenga mucanyha yayo, yeze mulanjisi muno.

1 Wakolinto 3:6

Ane no Pawulo, nahadika mbeyu, nayo Apolo, yakayimwajilila malenga, ninga u Mulungu yo yazicindya i zimbeyu.

1 Wakolinto 3:8

Ayulya mono yayihadika, na ayulya mono yayimwajilile malenga, wose wawo wali sawa du, hamba wawe wolobocela i cihumbilizwa munhu na lwakwe mu nghango yo wuhidimbale wo witume wawo weneco.

1 Wakolinto 9:12

Alu hono wawe wanji wena lingʼani yo kuzilanjilila zizo ku wulawa muli nyenye, wulenyi, ase ma, cisina lingʼani kuciza wene wawo? Ninga hamba nha vivyo, ase si cayitumamila lingʼani yiyo. Langa ase cakangalila du muli vyose, ho cilece kuluwicila cikobazo co cose cilya, u Luganuzi Luswanu lwa Kilisito.

1 Wakolinto 9:14

Nayo u Muwaha yalajiliza nha vivyo du, vyono nawo i waganula u Luganuzi Luswanu, yiwanojeye nawo watuje indigwa yawo kuwulawa mu Luganuzi Luswanu.

1 Wakolinto 9:16

Na hono yiwe ane nghuluganula u Luganuzi Luswanu, ayo yo si nghani yo kwilumbila, langa wo mulimo wangu du, wono napegwa. Holeka, woyi he kuli ne, hono ndece kuluganula Luganuzi Luswanu!

1 Wakolinto 9:18

Alu u musahala wangu ma, co cici? U musahala wanguʼne, co cicino cilejeho cono napegwa co kuluganula bwete u Luganuzi Luswanu, hamba kudaya lingʼani yo yose yono yinojeye so kuluganula u Luganuzi Luswanu.

1 Wakolinto 9:23

Nane nghuzinoza zizi zose ku soko yo Luganuzi Luswanu, ho sume kuhanga u wulugutwe wayo.

2 Wakolinto 4:5

Hambi ase, nha si cikwiyiganula sese co weneco, langa se cikumuganula Kilisito mono yo Muwaha, nase nha cili wetumami wenyu kusoko ya Yesu.

Wagalatiya 3:24

Holeka u Wulajilize wuwo wali nha mwijizi wetu sunga Kilisito yakaza, ho cisume kuvumilwa hali Mulungu mu nzila yo wihuwilo.

Wagalatiya 3:25

Ninga alu vyono u wihuwilo waza, hodu u Wulajilize wawa si mwijizi wetu kanyhi.

Wagalatiya 4:19

Mo wanangu, ane kanyhi nghumugazicilenyi muno nha vyono kagazikaga mucekulu mono yali magulu mazito mu cipango co kusawa, sunga Kilisito yalaza kuwa yalunzwa muli nyenye.

2 Timoteyo 4:3

I lipango lyokuza lyono wanhu si wolokwenda kugahuliciza i mejizo ge mbeka, langa wene wokwenda kutyatya masulumizi gawo weneco, no kwilundila wejizi wenji wono wowalonjela zinghani zizo du zono i makutu gawo gowa gewikanize kuwuhulicize.

Tito 1:4

Nghukwandicila agwe Tito go mwanangu we mbeka mu wihuwilo wono cihanjile sese wose. Ilihewa no mulamu wono wukulawa kuli Mulungu Baba, na kuli Kilisito Yesu, u Mukombozi wetu.

Filemoni 1:19

Nghuyandika i nghani yiyi no muwoko wangu nene no mweneco. Nene Pawulo nolipa! (Hamba sina soko yo kulonga vyono nagwe wina mugawa kwangu gwegwe go mweneco.)

Yakobo 1:18

So wendo wakwe mweneco yacilela mu nghani yakwe ye mbeka, ho ciwe nha cili mikalo milongozi wa muli viwumbwa vyakwe.

1 Petelo 1:23

Hambi nha mu nzila ye nghani nyumi yo Mulungu, inghani ye cibitilila, anye mwalelwa wupya, si mwinha i wana wo sogo ya munhu mono yadahile kulwa, langa usogo yo munhu mono siyadahale kufwa cibitilila.