1 Wakolinto 4:14 - I CILAGANE CIPYA 1991

¹⁴ Ane si nghuzandika zizi, ho nimukozenyi cevu, aa, ngʼo, langa nizandika zizi, ho nimwijizenyi du, anye mo wanangu wendece.

Luganuzi Luswanu Kuli Wanhu Wose 2002

¹⁴ Ane si nghuzandika zizi, ho nimukozenyi cevu, aa ng'o, langa nizandika zizi, ho nimwijizenyi du, anye mo wanangu wendece.

1 Wakolinto 4:14 ပူးပေါင်းရင်းမြစ်များ

Metumo ge Watumwa 20:31

Holeka mwikalaje meso, mweze kumbucila vyono, mu myaka midatu cilo na misi, si nadilaga kumulanjizenyi wose ne mahozi.

1 Wakolinto 15:34

Ale, mwinukaje! Mwamulaje kanyhi kwikala mu mikalile miswanu, mulece kwituma wubi. Hambi wanji wa muli nyenye nha si wamumanyiye lukulu u Mulungu. Nane nghumulonjelenyi mbeka, vyono co cevu ciwaha kulinye!

1 Wakolinto 4:15

Ku soko, hamba muwe mwina walezi maelufu mu mikalile yenyu ye Cikilisito, ninga mwina u sogo yenyu yumonga du, hambi mu mikalile ye Cikilisito, nha yo nene mono namulelenyi, mu nzila yo kumuganulilenyi u Luganuzi Luswanu.

1 Wakolinto 4:17

Si holeka nimutuma Timoteyo kuli nyenye. U mwene, yo mwanangu u mwendece wangu, kanyhi yo munhu mwihuwilwa muli Muwaha. U mwene, komukumbucizenyi nyenye, nzila yono ane no Pawulo nghuyityatya mu mikalile yangu ye Cikilisito, i nzila yono nghuyijiza ihanhu hose mu makanisa gose.

1 Wakolinto 6:5

Mbeka yo nghani ya cevu kulinye! Alu hongo wo wutya, hasina munhu hamba monga muli nyenye, mono kowa ne mahala go kusuma kulingʼaniza muli wawo Wakilisito?

1 Wakolinto 9:15

Ninga alu ane si netumamila hamba monga ya muli zizo. Hamba si nghwandika ho niyituje lingʼani hamba monga ya muli zizo, ninga kuliʼne, yali yiwe yili ciba hono nali nifwe, si nho kumunoza munhu wo wose yawone nha vyono nghwilumba bwete.

2 Wakolinto 11:11

Alo nhawule nghulonga nha vivi? Vyono si nimwendilenyi nyenye? Ninga Mulungu yamanyile vyono nimwendilenyi nyenye muno!

2 Wakolinto 12:19

Lunji mukwihwesa vyono sunga nalu cikali cikwitetela haliʼnye! Ninga cikuzilonjela i zinghani zizi hali Mulungu akuno cilunzize na Kilisito. Ninga soko ye zinghani zizo zose, nye nyo wedece wangu, ho musume kuzengwa.

2 Wakolinto 7:3

Ane si nghulonga nha vivi ho nimulingʼanize munhu wo wose, hambi nha nakondya kulonga vyono anye muli mugati mu zinhumbula zetu, sunga ku wufwizane, hamba kuwuwumipane hamonga.

Wakolosayi 1:28

Na kusoko yiyo holeka cikumuganula Kilisito kuli wanhu wose, cikuwasugula wose kanyhi cikuwafunda wose mu mahala gose, ho cisume kuwaleta wose hali Mulungu akuno wakondizye kuwa wakangaye muli Kilisito.

1 Watesalonike 2:11

Kanyhi mumanyile nyo weneco vyono ase camutendelenyi nyenye yumonga yumonga, nha vyono u sogo yo munhu kawatendelega wanagwe mweneco.

1 Watesalonike 5:14

Kanyhi cikumunenenyi wandugu zangu, muwafundaje i wanhu wadoba, muwasinyhimikaje we zinhumbula zinyoga, muwebatilizaje wono wasoceye, kanyhi mweze na ngola kuli wose.

2 Watesalonike 3:14

Yidahile kuwa kuko koyuli munhu yunji mono si yakuyihulika nghani yiyi yono cikumuletelenyi mu baluwa yiyi. Na hono yiwe nha vivyo, ale yinojeye anye mumwanzalice u munhu yuyo, kanyhi mulece hamba kuhanga nayo mu nghani yo yose, nayo ho yawone cevu.

Filemoni 1:10

Alu nina nghani monga du yono nghukulomba ku soko yo mwanangu Onesimo, u mwanangu muli Kilisito, hambi nha neza nili sogwe mono nimuleleye lono nili mu cifungo.

1 Yohana 2:1

Mo wanangu nghumwandicilenyi zizi, ho mulece kwituma wubi. Ninga yisolaga munhu ketuma wubi, cina nayo yumonga mono kacilombelaga kuli Baba, yo Yesu Kilisito, mono yali lingʼani.

3 Yohana 1:4

Hasina cinji cono cikusangalaza muno si nho kuhulika vyono i wanangu wakujendela mu mbeka.