1 Wakolinto 3:3 - I CILAGANE CIPYA 1991

³ hambi nha mukali muli wanhu we ciyinze yinze. Alu wulenyi, tya yili mbeka, vyono muli nyenye mukali mowuli wivu no wugombane? Alu i zinghani zizo zo zikulajilila vyono anye, mukali muli wanhu we ciyinze yinze, kanyhi mwikaliye mu mikalile ye ciyinze yinze.

Luganuzi Luswanu Kuli Wanhu Wose 2002

³ hambi nha mukali muli wanhu we ciyinze-yinze. Alu wulenyi, nha yili mbeka, vyono muli nyenye mukali mowuli wivu no wugombane? Alu i zinghani zizo zo zikulajilila vyono anye, mukali muli wanhu we ciyinze yinze, kanyhi mwikaliye mu mikalile ye ciyinze yinze.

1 Wakolinto 3:3 ပူးပေါင်းရင်းမြစ်များ

Walumi 13:13

I mijendele yetu, yeze yina cogopo nha vyono yinojeye mu misi, cilece kuwa no wubugu no wugala wujimbi, si mwihede na mu wusenyha, si mu wugombane no wivu.

1 Wakolinto 1:10

Nye wandugu zangu, cikumunenenyi muno, mwitagwa lyo Muwaha wetu Yesu Kilisito, vyono mweze mulaganiye kumonga, muli yo yose yono mukulonga, halece kuwa na matemanuko ganji go gose muli nyenye, muweze ne hweso limonga kanyhi no wuhile wumonga.

1 Wakolinto 1:11

Nye, wandugu zangu, izinghani azilya zono nazituga kulawa kuli wanhu wanji we mhuga ya Kuloye, zikulajila calinze vyono hagati yenyu, ho wuli wula kwiyitanga.

1 Wakolinto 11:18

Mwamulizo wa zose ane nghuhulika vyono lono mwehanguliza hamonga, gakwijela matemanuko muli nyenye. Nane kunji nghwihuwila hadodo,

1 Wakolinto 3:4

Alu yunji muli nyenye hono yakutya, “Ane nili wa Pawulo,” na yunji nayo yakutya, “Ane nane nili wa Apolo,” wulenyi, alu zizo si zo zikulajila vyono anye mukali mwikaliye du mu mikalile ye wanhu we yinze yiyi?

2 Wakolinto 12:20

Nane nghogopa vyono na lunji kolo nghuza kwenyu, nomwaganenyi mu wuwe wono si wukunyendeza, nane baho lu, si noleka kuwa mu wuwe wono si mwendile nanye. Nane nghogopa yilece kuwa lunji ko wuli wugombane, wivu, makuwo, wubuguci, maheho, nzwaji ze caka caka, wusomenghanya, wiwoni, no wisagale muli nyenye.

Wagalatiya 5:15

Ninga hono mukwiyiluma kanyhi mukwiyilya kotya malimu, ale mulanjilile mulece kwiyimala nyenye wose!

Tito 3:3

Hambi mu vipango vinji, nase nha cali walele, kanyhi cili cibede, call cajiliye. Cali cili wawanda we masulumizi ne makani ga mononze. Cekalilaga mu mikalile yo wavu no wivu, wanhu wakacisula, nase cikawasula.

Yakobo 3:16

Hambi nha ho hose hono howuli wivu no wiyendezi, ale baho ho howuli no wuma ne mabi mabi gose.

1 Petelo 4:2

Holeka kuwulawa lulu, imikalile yenyu yono yisigaye kwikala kukuno kononze, yinojeye muwe kutongwa no wuhile wo Mulungu, hamba si ne masulumizi ge cimunhu munhu.