1 Wakolinto 3:18 - I CILAGANE CIPYA 1991

¹⁸ Mbeka mulece kwikonga! U munhu wo wose wa muli nyenye hono yehwese nha vyono yena mahala, kumbe ho mahala ge ciyinze yinze du, yili ciba u munhu yuyo hono yewone nha mulele, ho yasume kuwa ne mahala ge mbeka.

Luganuzi Luswanu Kuli Wanhu Wose 2002

¹⁸ Mbeka mulece kwikonga! U munhu wo wose wa muli nyenye hono yehwese nha vyono yena mahala, kumbe ho mahala ge ciyinze-yinze du, yili ciba u munhu yuyo hono yewone nha mulele, ho yasume kuwa ne mahala ge mbeka.

1 Wakolinto 3:18 ပူးပေါင်းရင်းမြစ်များ

Matayo 13:22

I mbeyu ayilya nayo yono yagwila mu mabici ge mamivya, yihwanile u munhu mono yakuyihulika inghani, ninga i mahwele ga mononze yiyi hamonga ne masulumizi gayo ge zisawo, zikuyititiliza inghani yiyo, holeka u munhu yuyo si yakusuma kulela mikalo.

Matayo 18:4

Na muli wose mono yakwinenenyheza nho mwana yuyu, ale yuyo yo muwaha mu Wutemi wa ku wulanga.

Maluko 10:15

Nane nghumulonjelenyi mbeka, vyono munhu wo wose mono siyakuwubocela u Wutemi wo Mulungu kotya mwana mudodo, hamba sikokwinjila mu wutemi wuwo ngʼo.”

Luka 18:17

Mbeka nghumutyenyi, muli wose mono si kowubocela wutemi wo Mulungu nho mwana mudodo, si kokwinjila mumo ngʼo.”

Luka 21:8

Yesu yakawatya, “Musuje ho mulece kukongwa, hambi nha wenji wokuza wono wokwitumamila ilitagwa lyangu, wakutya, ‘Yo nene.’ Na kanyhi, ‘Cidaha casejelela.’ Ninga anye mulece kuwatyatya!

Walumi 11:25

Wandugu zangu, nghuhila muyimanye imbeka yiyi yono hundikwe, ho mulece kwiwona nha muli we mahala. I cibede ce Wayahudi, cali ca cipango cidodo du, sunga kolo iwanhu we makungugo ganji wamuziza u Mulungu.

Walumi 12:16

Muweze no wuswanu wu wulya du, muli nyenye wose. Mulece kuwa wedunhumuzi, langa mukwejelwe kuli zo witume wo winenenyhezi. Mulece kwiwona nha mono mwina mahala kuciza.

1 Wakolinto 15:33

Nye, mbeka mulece kukongwa bwete! U wiyendi wono si wuswanu, mbeka wuhodangaga i mikalile miswanu.

1 Wakolinto 3:17

Holeka u munhu hono yayihodanje Nyumba yo Mulungu, u Mulungu nayo komuhodanga u munhu yuyo, hambi Nyumba yo Mulungu nha yelile, nayo Nyumba yiyo yo Mulungu, yo nyenye mo weneco.

1 Wakolinto 4:10

Ase cili walele ku soko ya Kilisito, ninga anye muli we mahala ku soko yo wilunze na Kilisito! Ase cisoceye, ninga anye muli vilungo. Anye mukupegwa lilumbo, ninga ase cikubedegalwa.

1 Wakolinto 6:9

Hamba si mumanyile lo, vyono i wanhu wabi, si wosuma kuwuhala u Wutemi wo Mulungu? Ale, mulece kwikonga! Iwanhu wono wekalilaga mu mikalile yo wusenyha, na wono wahembaga vihwani, na wono wakwisulumila walume wose, hamba wono wakwitendya,

Wagalatiya 6:3

Munhu hono yewone kotya nha yali cinji, na kumbe ho si yali cinji, yuyo yakwikonga mweneco.

Wagalatiya 6:7

Mulece kukongwa, u Mulungu si wakunozeza nzwaji. Cono u munhu yakucihadika, co cico du co kolodudula kanyhi.

Waefeso 5:6

Mulece kumuvumila yunji yamukonjenyi na nghani zono zisina cambuzi, hambi nha kusoko ye zinghani zizo, ilikuwo lyo Mulungu likuwa kuwaziza iwana wono si wakumuhulika.

2 Timoteyo 3:13

Ninga i wanhu wabi ne wakonji, awo wojendelela kuwa wabi du, wakuwakonga wayawo, kanyhi sunga na weneco wakukongwa.

Tito 3:3

Hambi mu vipango vinji, nase nha cali walele, kanyhi cili cibede, call cajiliye. Cali cili wawanda we masulumizi ne makani ga mononze. Cekalilaga mu mikalile yo wavu no wivu, wanhu wakacisula, nase cikawasula.

Yakobo 1:22

Mulece kwiyikonga nyo weneco, mu wuhuliciza i nghani yakwe du, langa mweze wetuma i nghani yakwe.

Yakobo 1:26

Na hono munhu yewone mweneco nha munhu mono yebate dini muno muno, ninga kuno siyakusuma kulwimila lulimi lwakwe, dini yakwe u munhu yuyo yikuwa yisina hamba cambuzi co cose, langa yakwikonga mweneco du.

1 Yohana 1:8

Na hono ciwe kutya cisina wubi, cikwikonga co weneco, ne mbeka muli sese musina.