1 Wakolinto 3:16 - I CILAGANE CIPYA 1991

¹⁶ Alu, si mumanyile vyono anye, yo nyenye mono muli Nyumba yo Mulungu, na vyono u Muhe wo Mulungu yekaye muli nyenye.

Luganuzi Luswanu Kuli Wanhu Wose 2002

¹⁶ Alu, si mumanyile vyono anye, yo nyenye mono muli Nyumba yo Mulungu, na vyono u Muhe wo Mulungu yekaye muli nyenye.

1 Wakolinto 3:16 ပူးပေါင်းရင်းမြစ်များ

Yohana 14:17

U mwene yo Muhe we mbeka, mono we yinze si wosuma kumubocela, hambi nha si wosuma kumuwona, hamba kumumanya kose. Ninga anye mumumanyile, hambi nha mwikalaga nayo, nayo yali muli nyenye.

Walumi 6:16

Mumanyile vyono, hono mwiyilavye nyo weneco kuli yunji, no kuwa wawanda wakwe, na mbeka mukuwa wawanda wa yuyo, hono muwe wawanda wo wubi, ndumilizo yayo wufwe, na hono wuwe wawanda we cihuliko, ndumilizo yayo, mukunozwa ho muvumilwe hali Mulungu.

Walumi 6:3

Hambi nha mumanyile, vyono ase wose mono cabaputizwa, no kulunzwa na Kilisito Yesu, cabaputizwa no kwilunza ne lifwa lyakwe.

Walumi 8:11

U Muhe wo Mulungu, mono yamuzukula Kilisito mu wafu, hono yekale muli nyenye, yuyo mono yamuzukula Kilisito mu wafu, koloyiwumifya miwili yenyu yono yifwizaga, so Muhe wakwe mono yekaye muli nyenye.

Walumi 8:9

Ninga anye, si muli mu mikalile ye cimunhumunhu, langa mu mikalile yo Muhe, hono u Muhe wo Mulungu yakwikala muli nyenye. Ninga yunji hono yamusina u Muhe wa Kilisito yuyo si wakwe Kilisito.

1 Wakolinto 3:17

Holeka u munhu hono yayihodanje Nyumba yo Mulungu, u Mulungu nayo komuhodanga u munhu yuyo, hambi Nyumba yo Mulungu nha yelile, nayo Nyumba yiyo yo Mulungu, yo nyenye mo weneco.

1 Wakolinto 3:9

Hambi ase wose nha cili ndugu monga, kanyhi ciliwetumami hamonga no Mulungu, na anye nanye, yo nyenye mono muli mugunda wakwe, kanyhi muli izengo lyo Mulungu.

1 Wakolinto 5:6

Nye wayangu, u wilumbe wenyu wuwo, si wuswanu hamba hadodo! Alu si mumanyile vyono cisase cidodo du, cikuwa kutajila cisase mwibumundwa lyose lyo wusaje?

1 Wakolinto 6:16

Hambi nha mumanyile vyono, mono vikwilunza no musenyha, yakuwa muwili monga nayo, nha vyono yandicigwe, “Nawo wawo wejete, wowa muwili mumonga.”

1 Wakolinto 6:19

Wulenyi si mumanyile vyono i miwili yenyu yo Nyumba yo Muhe Mono Yelile mono yali mugati mwenyu, mono mwamubocela kulawa kuli Mulungu? Holeka alu nanye, si muli wenyu mo weneco.

1 Wakolinto 6:9

Hamba si mumanyile lo, vyono i wanhu wabi, si wosuma kuwuhala u Wutemi wo Mulungu? Ale, mulece kwikonga! Iwanhu wono wekalilaga mu mikalile yo wusenyha, na wono wahembaga vihwani, na wono wakwisulumila walume wose, hamba wono wakwitendya,

1 Wakolinto 9:13

Alo si mumanyile vyono, wono wetumamaga mu Nyumba yo Mulungu, watugaga ndigwa yawo mu wulawa mu Nyumba yo Mulungu, na vyono kanyhi, nawo wono walavizyaga vilavya vyawo mu cikumbicilo watugaga nawo lifungu lye vilavya vivyo?

1 Wakolinto 9:24

Alu si mumanyile vyono mu ciwanza ce midawalo, hamba wawe wawalya wono wakwisumaniza u lumangho, wose wakumangha, ninga hakuwezaga ho yuli yumonga du mono yakupegwa zawadi?

2 Wakolinto 6:16

Hamba howuli wulaganeci we Nyumba yo Mulungu ne vihwani vyo wulambi? Hambi ase nha cili wuhembelo wo Mulungu mumi. Nha vyono Mulungu mweneco yalonga yakatya, “Nowunoza u wikalo wangu wuwe muli wene, na muli wene mo nowa jendela, Nane nowa Mulungu wawo, Nawo wowa wanhu wangu.”

1 Timoteyo 3:15

Ninga hono nyhezwe muno, ale, ibaluwa yiyi yokumanyiza imikalile yono yicinojeye ciwe nayo mu mhuga yo Mulungu, lyono lyo likanisa lyo Mulungu mumi, lyono lye ʼsumbili no musinji we mbeka.

2 Timoteyo 1:14

Inghani yiyilya ʼyiswanu yono wakozwa, wuyikamisizaje mu nzila ye vilungo vyo Muhe Mono Yelile, mono kekalaga muli sese.

Wahebelaniya 3:6

Langa Kilisito yo mwihuwilwa nho mwana mono yena Wulajilize mu nyumba yo Mulungu. Ne nyumba yakwe yo sese, hono cibatilile lukulu zo wuluwuce wetu wa muli cono citumbiye.

Yakobo 4:4

Anye muli wanhu mono si muli wehuwilwa, mwihwanile wasenyha. Simumanyile vyono munhu hono yawe kuyenda yinze yawa mulugu wo Mulungu? Wo wose mono yakusaka yawe kuyenda yinze, yakwinoza yawe mulugu wo Mulungu.

1 Petelo 2:5

Ale mubitilenyi mwene nha mabwe momi, mukazenjece, no kuwa nyumba ye cimuhe, mono mosuma kwitumama nhe wakohani wono welile, ku wulavya i makumbiko ge cimuhe gono gakumwendezo Mulungu mu nzila ya Yesu Kilisito.

1 Yohana 4:12

Hasina hamba hadodo u munhu mono yakondya kumuwona Mulungu, ninga hono ciyende, Mulungu yakwikala muli sese, no wendo wakwe wukuwa wukwilaniciye muli sese.