1 Wakolinto 3:11 - I CILAGANE CIPYA 1991

¹¹ Na hasina munhu yunji mono kosuma kuwika musinji wunji kanyhi, si nha wuwo wono wakondya kuwikwa, nha cinji yo Yesu Kilisito.

Luganuzi Luswanu Kuli Wanhu Wose 2002

¹¹ Na hasina munhu yunji mono kosuma kuwika musinji wunji kanyhi, si nha wuwo wono wakondya kuwikwa, nha cinji yo Yesu Kilisito.

1 Wakolinto 3:11 ပူးပေါင်းရင်းမြစ်များ

Matayo 16:18

Holeka nane nghukulonjela Petelo nghutya, yo gwegwe wuli italawe, na mucanyha ye litalawe lilino, nolizenga likanisa lyangu, hamba ne lifwa lyeneco du, si lyolisuma yaye.

1 Wakolinto 3:10

Na mu witumamile i lihewa lyono u Mulungu yamhela, kanyhi nho muzenji muswanu, we mahala, nasuma kuwika musinji wono u munhu yunji, yakusuma kuzenga mucanyha yawo. Holeka yinojeye u munhu wo wose mono yakuzenga mucanyha yayo, yeze mulanjisi muno.

1 Wakolinto 3:12

Na mucanyha yo musinji wuwo, munhu wo wose yadahile kuzenjela zahabu, hamba fweza, hamba mabwe go wuguzi wukamu, lunji kosuma kwitumamila mabici hamba mahanze.

Waefeso 2:20

Kanyhi muzenjigwe mu musinji wono wawikwa ne watumwa ne wawizi, nayo Yesu Kilisito mweneco lyo libwe lyo musinji.

2 Timoteyo 2:19

Ninga musinji wono wukamile, wono wawikwa no Mulungu si wusinjisikaga yaye, na mucanyha yo musinji wuwo, zandikwe zinghani azi, “U Muwaha yawamanyile i wakwe,” na kanyhi, “Na muli wose mono yakwiyitya, mwene yo wo Muwaha, ale yimunojeye yeleje no wavu.”

1 Petelo 2:4

Ale, mubitilenyi Muwaha! Umwene lyo libwe lyumi lyono lyalemwa ne wanhu, ninga hali Mulungu, lyo libwe lyono lihaguywe, lyono lina wuguzi wukamu.