1 Wakolinto 3:10 - I CILAGANE CIPYA 1991

¹⁰ Na mu witumamile i lihewa lyono u Mulungu yamhela, kanyhi nho muzenji muswanu, we mahala, nasuma kuwika musinji wono u munhu yunji, yakusuma kuzenga mucanyha yawo. Holeka yinojeye u munhu wo wose mono yakuzenga mucanyha yayo, yeze mulanjisi muno.

Luganuzi Luswanu Kuli Wanhu Wose 2002

¹⁰ Na mu witumamile i lihewa lyono u Mulungu yamhela, nho muzenji munghula, we mahala, nasuma kuwika musinji wono u munhu yunji, yakusuma kuzenga mucanyha yawo. Holeka yinojeye u munhu wo wose mono yakuzenga mucanyha yayo, yeze mulanjisi muno.

1 Wakolinto 3:10 ပူးပေါင်းရင်းမြစ်များ

Matayo 24:45

Nayo Yesu, yakajendelela kulonga yakutya, “Alu nani mbi u mwitumami mwihuwilwa, kanyhi we mahala, mono muwaha wakwe komuwika, ho yawapele zindigwa iwanhu wakwe mucipango cono cinojeye?

Matayo 7:24

“Holeka ku soko yiyo, u munhu wo wose mono ya kuzihulika izinghani zangu no kuzibata, yuyo yehwanile u munhu we mahala, mono yayizenga ikaya yakwe mwitalawe.

Luka 11:35

Ale wulanjilile wuzelu wono wuli muli gwegwe wulece kuwa wutitu.

Luka 21:8

Yesu yakawatya, “Musuje ho mulece kukongwa, hambi nha wenji wokuza wono wokwitumamila ilitagwa lyangu, wakutya, ‘Yo nene.’ Na kanyhi, ‘Cidaha casejelela.’ Ninga anye mulece kuwatyatya!

Metumo ge Watumwa 18:27

Na lono Apolo yasakaga kubita ku Akaya, iwezindugu wakamusinyhimika, wakawandicila iwejizwa wa ku Akaya wamubocele. Nayo yaza fika kuko na kuso lihewa lyo Mulungu, yakasuma kuwataza muno wono wali wehuwiye.

Walumi 1:5

Muli yuyo, ane mo natujila ilihewa lyo kuwa mwitumami. Na kusoko yakwe, ho niwalongoze iwanhu we makungugo gose, ho wasume kwihuwila, no kuwa na cihuliko.

Walumi 12:3

Kusoko ye lihewa lyo Mulungu lyono napegwa, holeka nghumulonjelenyi nyenye wose, vyono, mulece kwiwona nha muli cinji si nha vyono mwinha. Langa imahweso genyu, geze galingʼaniciye cijelo co wihuwilo, nha vyono u Mulungu yamugawila munhu na cakwe.

Walumi 15:15

Ninga hamba nha vivyo, nimwandicilenyi, na zinji zinji akuno sina woga mu baluwa yiyi, ho nimukumbucizenyi muli zinghani zinji. Nane noza nha vivyo ku so lihewa lyono napegwa no Mulungu,

Walumi 15:20

No wuhile wangu, wali kuluganula u Luganuzi Luswanu ho hose, ihanhu hono ilitagwa lya Yesu likali si linahulikwa, ho nize ndece kuzenga mucanyha yo musinji wa munhu yunji.

1 Wakolinto 3:11

Na hasina munhu yunji mono kosuma kuwika musinji wunji kanyhi, si nha wuwo wono wakondya kuwikwa, nha cinji yo Yesu Kilisito.

1 Wakolinto 9:2

Hamba niwe si nili mutumwa kuli wanhu wanji, ninga ane nili mutumwa kulinye. Anye nyenye, wo wuhomelezi wo wutumwa wangu, ku soko yo wilunze wenyu no Muwaha.

2 Wakolinto 10:15

Holeka nase si cikwilumbila mulimo wono wanji wetuma, si nhe nghango yono capegwa, langa citumbiye vyono u wihuwilo wenyu wocila kuwiluka, nase ho cituje mulimo muwaha muno muli nyenye mu nghango yiyilya du yono yaciwicilo Mulungu.

Waefeso 2:20

Kanyhi muzenjigwe mu musinji wono wawikwa ne watumwa ne wawizi, nayo Yesu Kilisito mweneco lyo libwe lyo musinji.

Wakolosayi 1:29

Holeka ku soko yiyo, ane nghwituma mulimo akuno hidimbaye mu vilungo vya Kilisito vyono vikwituma muli nene.

Wakolosayi 4:17

Mumulonjelaje na Alikipo yawitumaje viswanu u mulimo wono yapegwa no Muwaha.

1 Watesalonike 3:2

cikamutumilenyi ndugu yetu Timoteyo, kanyhi mwitumami muyetu muli Mulungu mu wuganule u Luganuzi Luswanu lwa Kilisito. Cikamutumilenyi ho yaze yamusikamyenyi no kumusindamicenyi,

1 Timoteyo 4:16

Wiyikamisaje muno muno go mweneco hamonga ne mejizo gako. Wuhidimbale muno muno mu wituma zizo, hambi nha kokwiponya go mweneco, hamonga na wawo wono wakukuhuliciza.

2 Timoteyo 2:15

Wupiligale muno kwiwika mu mikalile ye lilumbo hali Mulungu nha mwitumami mono si yakuwuwonela cevu u mulimo wakwe, kanyhi mono yakwijiziza mu wulunji inghani ye mbeka.

Yakobo 3:1

Wandugu zangu, wenji wa muli nyenye, mulece kuwa wejizi. Hambi nha vyono mumanyile, sese co wejizi colotuga wulingʼanizwe wuwaha muno muno kuciza wanji.

1 Petelo 4:11

Na mono yakulonga nghani yo yose, u wulonje wakwe, weze nho wulonje we zinghani zo Mulungu, na mono yakuwetumamila wanji, yimunojeye yawetumamile ne vilungo nha vyono yakupegwa no Mulungu. U Mulungu ho yakumizwe muli vyose, mwitagwa lya Yesu Kilisito, mono ulukumyo ne vilungo nha vyakwe cibitilila na cibitilila! Heya.

2 Petelo 3:15

Munojeye muwuwone u wukangalizi wo Muwaha, vyono co cilejeho cono yakumupelenyi ho muponywe nha vyono Pawulo ndugu yetu mwendece yakamwandicilenyi kuno yakwitumamila i mahala gono yapegwa no Mulungu.

Wugubule 21:14

Ne majinji gose ge likaya lilyo, gali mazenje mu mabwe ikumi na mejete go musinji, na mucanyha ye mabwe gago, mwali mwandikwe i matagwa ge watumwa ikumi na wejete wo Mwana we ngholo.

Wugubule 21:19

Ne mabwe gono wali wazenjeye musinji we lijinji lilyo, gali mahambwe muno ne mabwe ge mawala gose go wuguzi wukamu. Ilibwe lilongozi lyo musinji, lyali yibwe yidunghu lyo wuguzi wukamu, nalyo lye kejete lyali lyeʼwala lya sapifilo, lye kadatu kalikedoni, lye kane zamaladi,