1 Wakolinto 2:14 - I CILAGANE CIPYA 1991

¹⁴ U munhu we ciyinze yinze si kazibocelaga izinghani zo Muhe wo Mulungu. Hambi u munhu we liwala lilyo, izinghani zo Mulungu, nha wulele du kuli mwene, ku soko vyono zimupulute imahala gakwe, hambi zene, nha zitanjikaga ko wutazi wo Muhe du.

Luganuzi Luswanu Kuli Wanhu Wose 2002

¹⁴ U munhu we ciyinze-yinze si kazibocelaga izinghani zo Muhe wo Mulungu. Hambi u munhu we liwala lilyo, izinghani zo Mulungu, nha wulele du kuli mwene, ku soko vyono zimupulute imahala gakwe, hambi zene, nha zitanjikaga ko wutazi wo Muhe du.

1 Wakolinto 2:14 ပူးပေါင်းရင်းမြစ်များ

Matayo 16:23

Ninga Yesu yakapituka, yakamulonjela Petelo yakatya “Wuwuce hono hangu gwe Setani! Agwe wuli cikobazo kuliʼne. Ne mahweso gako, hamba si gakulawa kuli Mulungu ngʼo, langa ga cimunhu munhu du!”

Yohana 10:20

Wenji wayawo wakatya, “Yena macisi, kanyhi yena lukwale, alo so cici mukumuhuliciza?”

Yohana 12:37

Ninga hamba yawe yanoza vitanjilo vinji hali wene, hamba si wamwihuwila ngʼo.

Yohana 14:17

U mwene yo Muhe we mbeka, mono we yinze si wosuma kumubocela, hambi nha si wosuma kumuwona, hamba kumumanya kose. Ninga anye mumumanyile, hambi nha mwikalaga nayo, nayo yali muli nyenye.

Yohana 14:26

Ninga u mutazi, Muhe Mono Yelile, mono Baba komutuma mwitagwa lyangu, ko mwijizenyi zose no kumukumbucizenyi zose zono nomulonjelenyi.

Yohana 15:26

“Kolo yakuza yuyo u Mutazi, mono nomutumilenyi kulawa kwa Baba, yo Muhe we mbeka, mono yakulawa kuli Baba, yuyo yo kolohomelela izangu.

Yohana 5:44

Mosuma wule kwihuwila, kumbe nanye ho mwendile kubocela lukumyo lono lukulawa muli nyenye nyo weneco, hamba si mukulondola lukumyo lono lukulawa kuli Mulungu mono yali wene?

Yohana 8:43

Alu kusokoci si mukwizuka zono nghulonga? Kusoko vyono si mwendile kuyihuliciza inghani yangu.

Metumo ge Watumwa 16:14

Mucekulu yunji wa muli wawo wono wacihulicizaga, litagwa lyakwe Ludiya, mono yamogopago Mulungu, wa mwikaya lya Tuwatila, mono yaguzaga myenda ye bafuta, ye liwala lyo lugandu. U Muwaha yayidigula inhumbula yakwe, yakazibocela zinghani zono Pawulo yazilongaga.

Metumo ge Watumwa 17:18

Na wanji wono wali webate mejizo ge Waepikuliyo ne Wasitoyiko, wakewanganila nayo. Wanji wakatya “Alu yakusaka kulonga cici yuyu Cilomo?” Na vyono Pawulo yaganulaga za Yesu na zo wuzuce, wanji wakatya, “Yikwijela kotya mono yakuganula ze milungu mijenzi.”

Metumo ge Watumwa 17:32

Waza muhulika Pawulo yakulonga ze nghani yo wuzuce we wafu, wanji wakamuseka, ninga wanji wakatya, “Cikwenda kukuhuliciza kanyhi mu nghani yiyi.”

Metumo ge Watumwa 18:15

Ninga hono gawe mawuzo ge zinghani ne matagwa no wulajilize wenyu, ko kwenyu, mulamule nyenye. Ane sinosuma kuwa mulingʼanizi we zinghani zizi.”

Metumo ge Watumwa 25:19

Langa wali wena mawuzo ganji ganji du kuli mwene, muli zo wuhembi wawo, na za yunji Yesu mono yafwa, mono mwene Pawulo yebatiliye du yakumutya mumi.

1 Wakolinto 1:18

Hambi inghani yono yikulolosa zo wufwe wa Kilisito mu musalaba, yikuwa nha nghani ya wulele kuli walya wose wono wali mu mukumbo wo wajilile, ninga kuli ase mono cili mu nzila ye mhonelo, inghani yiyo, vyo vilungo vyo Mulungu.

1 Wakolinto 1:21

Ninga nha vyono yinha inghani ye Mahala go Mulungu, iwanhu si wosuma kumumanya u Mulungu, ko kwitumamila i zinzila ze mahala gawo weneco. Ninga hanhu hayo, u Mulungu yenda kuwakomboza wawalya wono wakwihuwila mu nzila ye cinhu cono i we mahala wakuziwona nha kotya wulele du, nha cinji inghani yono cikuyiganula.

1 Wakolinto 1:23

ninga se, cikumuganula Kilisito du mono yatumbikwa mu musalaba. Ninga kuli Wayahudi inghani yiyi, yili cikobazo kuli wene, na kuli iwanhu we makungugo, inghani yiyi, wulele du kuli wene,

1 Wakolinto 1:25

Hambi cono cikwijela nha wo wulele wo Mulungu, nha co cina i mahala gono gacizize i mahala ge wanhu, na cono cikwijela kotya nha wo wusocele wo Mulungu, co cina vilungo muno muno si nha ivilungo vye wanhu.

1 Wakolinto 15:44

Nawo lono wukuzikwa, wuwezaga muwili wa mononze yiyi du, ninga lono wukuzukulwa wukuwa muwili we cimuhe. Kowuli muwili wa mononze, na kolowa no muwili we cimuhe.

1 Wakolinto 15:46

Ninga u muwili we cimuhe wo si wulongoleye kuwa, langa u muwili we yinze yiyi, wo wulongoleye, hanyuma yayo, ho muwili we cimuhe.

1 Wakolinto 2:12

Ninga ase alu, si cabocela u muhe we yinze, langa camubocela u Muhe mono yakulawa kuli Mulungu, ho yacipele u wumanye wo kuzimanya azilya zono capegwa no Mulungu.

1 Wakolinto 3:1

Mo wandugu zangu, ane nane hamba si nasuma kulongana nanye nha wanhu wono mwina u Muhe yuyo. Langa yali yinojeye ane nongane nanye, nhe wanhu we ciyinze yinze, kotya nha muli wana wadodo mu mikalile ye Cikilisito.

Yakobo 3:15

Mahala gono genha nha vivi, sigalawaga kucanyha ku wulanga, langa imahala gago ga kononze, kanyhi ga ciyinze yinze, na kanyhi ga cisetani.

1 Yohana 2:20

Anye mwina u Muhe Mono Yelile mono mwajidilwa na Kilisito, holeka muyimanyile i mbeka.

1 Yohana 2:27

Ninga ku lubavu lwenyu anye, Kilisito nha yamupelenyi u Muhe wakwe. Holeka hono yajendelele kwikala muli nyenye, mowa musina wuhile wa yunji wo wose kanyhi ho yamwijizenyi. Vyono u Muhe wakwe yo yakumwijizenyi zose, ne mejizo gakwe go ge mbeka, hamba si ga wulambi. Holeka mugebataje i mejizo go Muhe yuyo no kwikala muli Kilisito.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

Yuda 1:19

Wo wanhu wono wakuleta matemanuko, wo wanhu wono watemigwe ne masulumizi gawo ga mononze, wo wanhu wono wasina Muhe wo Mulungu.